لكاتبها
16-12-2022 - 06:48 pm
بسم الله الرحمن الرحيم
احب اهني اخواني الاعظاء واصحاب الموقع الجميل بهذا الموقع المتميز ومنها للاعلي ان شاء الله
في البدايه كنت متردد من كتابه الذكريات ولكن الان اقرر اني اسرد لكم ذكرياتي في امريكا ولندن قبل اكثر من سنه لما يتميز به الموقع من السمعه الممتازه
بدايتي كانت مشاجره مع ناظر الثنويه نظام مقررات سنه لان كان عنصري وما ختارني في الانتخابات
طبعا استدعي ولي امري وعطاني ملفي بكبره وقال "هذا ويهي اذا نجحت ادلف " اي روحه بلا رده جاني الوالد وقال زيد وهو اسمي المستعار طبعا تبي تكمل دراستك ولا لا قتله افا عليك يبا اكيد بكملها قالي خلاص هذي مدرسه رضو بالملف الي عساني ما وديته بدون لا يفتحه الناظر رفضه اكيد مكفخه من حقه الريال ، قبلوني مدرسه هشام بن العاص ثنويه مقررات تخرجت من الثنويه بعد ما عانيت وكفاح شديد بنسبه . ولن انساها لو تكون اليالي بيض ،هيهيهيهيهيه
عطله الصيف ثلاث اشهر قضيتها في لندن بلد الضباب علاج للوالده وعقبها بعد ثلاث اشهر فراره في شارع سوهو بالبيكاديلي ستريت والهايد بارك والسلفرجز تروح اسكره وتجي الفكره وبدايه عام دراسي بس في اي جامعه يا زيد ما قدمت لكني الحق علي التقديم المتاخر وقتها كان التقديم غير عن الي صاير الحين علي ايامي كانت عشر رغبات وانت وحظك علي اختيار الكمبيوتر والكمبيوتر اختار هندسه كيميائيه رحت حق الوالد قتله ابي ادرس بالخارج عارض الفكره "شفيها جامعه الكويت تخرجو منها دكاتره الي يبي يدرس يدرس لو بالصحرا" كلمه لا زلت اسمعها من البعض اول يوم بجامعه الكويت قلت يليتني من زمان مقدم وداش الجامعه كان النظام خلط والمشكله الاكبر والعظمى ان الشاب يكون متخرج والي معاه بالصف كلهم قرعان "ماكو شعر" وفجاه واهو قاعد في اخر كرسي في القاعه ولو بيده يكون متعلق بلمبه القاعه عشان تكون الصوره اوضح خ يشوف الشعر الطويل وبدال ريحه العرق الي يصب بعد لعب كره قدم يشم عطر dior هذي امور بروحها تكفي لكن غير مشجعه للدراسه وفعلا اول سنه تمهيدي في جامعه الكويت تعدي علي والدرجات علي الحفه "مش عمرك بما معناه " ثاني سنه اول كورس الكاسكو دكتور كريه دم ضروسه احد يدخل القاعه بعده اسمه العقاد راحت علي نومه وروح حق الكاسكو دشيت القاعه "اخرج بره دنته متنيل بستين نيله " ، قتله" روح يعمي كرشه طالعه من بلاعيمك يالكاسكو " كنت من الشباب المندفع ولكن الشطانه مالها فايده اشتكي دكتور العقاد عند عميد الجامعه وانفصلت من الجامعه ظلمت الدنيا بويهيي وما عرفت شسوي وقتها المشكله مو بالجامعه مواجهه الاهل شلون حاولت اني اراسل جامعات امريكا راسلت كذا جامعه المراسلات قبل لم تكن بالاميل او تلفون لا كانت صعبه بالبريد ولاستلام بالبريد فكانت الامور صعبه معاي لما الله سهلها وحصلت قبول من كذا جامعه بعد سبوعين من التقديم زين ما مر من السنه شي حاولت بالاهل اصروا اني اكمل بالكويت او اكمل بمصر وكانت الفكرتين مرفوضه عندي بحكم تعلقي بمريكا والدراسه فيها بعد محاولات قلت ماكو الا التعليم العالي ولكن كل المحاولات ابت بالفشل لان رفض البعثه "تو الناس حدك متاخز " قفلت فيني الدنيا وماكو الا حل الصراحه واقول للاهل اني انفصلت من الجامعه لكن المحاوله الاخيره مامنها مضره وفعلا حاولت مره اخيره ونجحت الله احلي شعور قمه الوناسه الوالد رضا بالسفر الي امريكا قدمت اوراقي علي شركه الزيت العربيه ووافقت علي بعثه لغه واذا نجحت تكمل معاي البعثه لما اخلص لكن بشرط اني اكمل الدراسه واكون ناجح بكل المواد ماكو مشكله بس نوصل امريكا يحلها الف حلال يوم السفر الي امريكا كنت انا واثنين من الشباب سالم وعبدالله وكنا متقين انا نسكن في بيت واحد ونكمل دراستنا مع بعض والي يشوف غلط علي الثاني يصححه بحكم ان عبدالله كان متدين وسالم صديق يحب الدراسه سافرنا الي امريكا عبر الخطوط الجويه الكويتيه وصلنا مطار امستردام كانت الاوضاع للحين اوكي ياخي امريكا سهله منو يقول انها مشكله ترانزيت في مطار امستردام ساعه وبعدين نطب في مطار نيوورك وصلنا مطار نيويورك لقينا المطار بروحه مدينه بكبرها الحين المشكله مو بالمطار شلون نتفاهم مع هالبشر واحنا ما نعرف بس كلمتين اخذناهم من المتوسط yes و no و pleas والباقي اشارات عدينا كل شي بسلام ما بقا الا اخر شي كانت الemigration واهيه اداره الهجره طبعا كانت العيوز متفهمه وبشوشه وكله تضحك وعبدالله صديقي المتدين يدعيلها بالهدايه خ المهم اتوقع انها قالت بداخلها هذول ما ينفع معاهم الا مترجم بفتك الاوضاع بمريكا قبل كانت اسهل كثير من الان لان انا كنت فيها قبل المشاكل وكان شعب غير عنصري ومتفهم لدرجه تفوق الخيال سالتنا اساله والمترجم السوداني يترجم لها وعدينا من هذا الكابوس تركب قطار في مطار نيويورك يوديك البوابه وبالاخير دبر عمرك ، اول تكسي من التكاسي الصفر نوع فورد pleas, holidayin hotel الفندق المعروف علي مدار العالم اصلن ما كنا نعرف غير هالكلمه واسم الفندق الي راح نبات فيه ليله ونكمل الي المنطقه الاخيره منطقه الجامعه والسكن ونبلش معاكم الرحله في امريكا
تابع
رحلتي الى بريطانيا