بسم الله الرحمن الرحيم
السلام عليكم ورحمة الله وبركاته
عيدكم مبارك
وكل عام و الجميع بألف خير وسلامه
حابه اهدي هالموضوع لجميع الاعضاء والمشرفين وخاصة اخوي المغادرون اللي ما قصر معاي
واقوله هذا انا عند وعدي
اعتذر عالتأخير في تنزيل الموضوع بس بسبب الانشغالات في رمضان وبعدها العيد
في هذا الموضوع راح اتكلم عن فندق (الاكواتريال) بمرتفعات الكاميرون هايلاند
وان شاء الله عن قريب راح انزل موضوع عن الكاميرون ومعلومات بسيطه عن كوالالمبور
الفندق من الخارج
https://travel.maktoob.com/vb/picture.php?albumid=2482&pictureid=55780
https://travel.maktoob.com/vb/picture.php?albumid=2482&pictureid=55789
واعتقد ان فندق الاكواتريال هو اكثر الفنادق ارتفاعا في الكاميرون حيث يبلغ ارتفاعه 1628 متر فوق مستوى البحر مثل ما واضح في الصورة
من امام باب الفندق
والمباني الواضحه اعتقد انها الشقق التابعه للفندق
اللوبي والاستقبال
https://travel.maktoob.com/vb/picture.php?albumid=2482&pictureid=55796
كنا ماخذين 4 غرف من نوع سيناتور سويت والمشكله ان بكل طابق غرفتين بس من هالسويت
وعشان كذا الاربع غرف كانوا بطوابق مختلفه اعلاهم في الطابق العاشر وغرفتنا كانت في الطابق التاسع
بعد ما تطلع من المصعد في جلسه
ياب الغرفه
https://travel.maktoob.com/vb/picture.php?albumid=2482&pictureid=55792[/IMG
الحلو بهالغرفه انها واسعه وتشرح الصدر
غرفة الجلوس
غرفة النوم
طلبنا سرير اضافي بس ما كان موجود في وقت تصويري
الحمام (الله يكرمكم)
يحتوي على دشين
هذا الاول وفيه باب زجاجي
وهذا الثاني وفيه بانيو
بس للأسف ما فيه شطاف
المناظر الرائعه اللي تطل عليها الغرفه
بس للاسف مثل ما واضح اثار البنيان والتكسير واضحه واللي تفقد المكان جماله الطبيعي
احلى شي ساعات الصباح الاولى لما تشوف السحب نازله وتدخل الغرفه
الأكل
طبعا اللي زار الكاميرون يعرف ان الاكل يعتبر مشكله هناك
يعني جربنا نطلب من الفندق مره ,بس الحمدلله على النعمه
ابدا ما انصح احد يجرب منه
هذا واحنا قلنا نجرب شي مألوف مثل برجر الدجاج
عالعموم ما نسيت اصورلكم قائمة الطعام وصور الاكل
احنا طلبنا برجر الدجاج والباقين مرقة روبيان مع ارز ابيض
قائمة الطعام
هذا البرجر
وهذي المرقه
حوض السباحه و الموجود في الطابق الثالث
بالنهايه احب اذكر اني حجزت عن طريق موقع الفندق وكان فيه خصم على سعر الغرفه
اما قبل الخصم ف سعر الغرفه مرتفع شوي يعني يوصل ل600 رينجت لليله
احنا كنا رايحين بنهاية الاسبوع عشان كذا كان سعر الغرفه في الليلتين مختلف
سعر الليله الاولى كان 450 رينجت والليله الثانيه ب 380 رينجت وهذا طبعا مع السرير الاضافي بس بدون حساب الضرائب
اما بدون السرير الاضافي فيكون سعر الغرفه في الايام العاديه ب 320 رينجت
هذا تقريري عن فندق الاكواتريال واتمنى اني وفقت فيه وانه يفيد اخواني الاعضاء
تحياتي للجميع..
اختكم:
الم الماضي