استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
zeezo11
18-09-2022 - 09:27 am
السلام عليكم ورحمة الله وبركاته
كل عام وأنتم بخير
أخوكم على وجه زواج والله يوفق ويسهل الأمور
زواجي ان شاء الله في أول نوفمبر القادم وأنا كنت مقرر شهر العسل في أوروبا ولو زدت الميزانية لكن للأسف يقولون
أوروبا في نوفمبر برد يمكن يخرب السفره ومن بعدها وأنا ضايع في تحديد الدولة اللي بروح لها وبعد زيارات للأقسام
تشتت أكثر وأتمنى أني أستفيد من اللي قد جرب ومن أهل الخبرة
مدة السفرة 14 - 18 يوم وأعتقد أن الأقرب 14 يوم وأحس أنها كافية ولا وش رأيكم
الميزانية : 20000 - 30000 (شامل كل شيء )
الدول اللي أنا رشحتها واللي أستبعدتها من خلال التقارير مع العلم أن ماعندي أي خلفية عن الميزانيات المتوقعة لأي دولة
أولاً ماليزيا < أنا متوقع أن كثير بيقولون ماليزيا لكن ماليزيا مستبعدها لعدة أسباب أهمها أن المدام ماتأيدها < بدينا خ < وثانياً كلها عرب ومافيها خصوصية وأحس أنها أستهلكت كثير .
ثانياً : جزر المالديف < يقولون حدها 5 أيام وميزانيتك هذي ماتسوي شيء
ثالثاً : سنغافورة < ماعندي معلومات عنها أبداً
رابعاً : أستراليا < نفس الشيء لا أملك أي معلومه عنها ( الميزانية والأجواء والأماكن السياحية )
خامساً : سيرلانكا < ما أدري اذا كانت تصلح أولا بس أن كثير يمدحونها بس أخاف تكون غير مؤهلة للسياحة والنظافة مدري عنها
أو بإمكاني أقسم أيام الرحلة مثلاً 4 أيام المالديف 5 أيام سنغافورة أو أكثر وش رأيكم
اللي عنده دولة ثانية يرشحها من خبره يفيدني علشان أطلع على تقاريرها وأزداد حيره
ملاحظة : اذا كانت الميزانية لاتساعد أبداً أحاول أضغط على نفسي وأزودها
وآآآآسف لكثرة الأسئلة والإزعاج وشكرأ لكم مقدماً


التعليقات (9)
خولة علي
خولة علي
مبروك الزواج مقدما
و بقولك اخوي العام الماضي كان زواجي بنفس الفترة و رحنا سيرلانكا و بنفس ميزانيتك
بجد طبيعة رائعة و خصوصية تامة و كل المناطق اللي رحناها نظيفة جدا
و بعدها بشهر 12 سافرت المغرب كانت باردة موت و لا تهنينا من البرد
فنصيحة لك خلك على منطقة جوها معتدل و ابعد عن البرد و حوسته
و الله يبارك لك

alderhim
alderhim
مبروك الزواج الله يتمم لكم على خير
انا ارشح لكم استراليا (جولد كوست ) بيكون جوها على دخول الصيف عندهم بس يبي لك ازود المبزانية شوي
و بالتوفيق ان شاء الله

zeezo11
zeezo11
مبروك الزواج مقدما
و بقولك اخوي العام الماضي كان زواجي بنفس الفترة و رحنا سيرلانكا و بنفس ميزانيتك
بجد طبيعة رائعة و خصوصية تامة و كل المناطق اللي رحناها نظيفة جدا
و بعدها بشهر 12 سافرت المغرب كانت باردة موت و لا تهنينا من البرد
فنصيحة لك خلك على منطقة جوها معتدل و ابعد عن البرد و حوسته
و الله يبارك لك
الله يبارك فيك
شكلي بخلي السفرة سيرلانكا والمالديف ولا أستراليا والله يسهل الأمور
والله يعطيك العافية
مبروك الزواج الله يتمم لكم على خير
انا ارشح لكم استراليا (جولد كوست ) بيكون جوها على دخول الصيف عندهم بس يبي لك ازود المبزانية شوي
و بالتوفيق ان شاء الله
الله يبارك فيك
وان شاء الله بطلع على التقارير وأشوف كم حدود الميزانية
والله يعطيك العافية

جنونـ انثى
جنونـ انثى
احس للعرسان النمساء وسويسرا روعه
بس المشكله لو كان فيه ثلوج بس لو برد حاولو ثقيل الملابس
ادخل ع بوابة سويسرا وشوف تقرير الاخت غاليه وربي روعه
https://artravelers.com/p/re/422062
والله يوفقكم ويسهلكم الخير يارب

ahmad2004
ahmad2004
الله يوفقكم ان شاء الله
انا ارشح لك سريلانكا + ماليزيا وتختمها بسنغافوره
5 ايام سريلانكا
5 ايام ماليزيا ( لنكاوي )
4 ايام سنغافوره
وتحياتي لك - والميزانيه كافيه وزياده

zeezo11
zeezo11
احس للعرسان النمساء وسويسرا روعه
بس المشكله لو كان فيه ثلوج بس لو برد حاولو ثقيل الملابس
ادخل ع بوابة سويسرا وشوف تقرير الاخت غاليه وربي روعه
~ ~ هُنَا يَفِيضُ الإِحْسَاس وَ تُشْبَعُ الحَوَاسْ ~ ~(انترلاكن-زيورخ-روست-باريس)
والله يوفقكم ويسهلكم الخير يارب
أمنيتي بس الجو يقولون بيكون بارد جداً
الله يعطيك العافية والله يجزاك الف خير
الله يوفقكم ان شاء الله
انا ارشح لك سريلانكا + ماليزيا وتختمها بسنغافوره
5 ايام سريلانكا
5 ايام ماليزيا ( لنكاوي )
4 ايام سنغافوره
وتحياتي لك - والميزانيه كافيه وزياده
شاكر لإقتراحك لكن لو أخليها 5 أيام سيرلانكا 5 أيام المالديف 5 أيام سنغافورة أتوقع أحسن ولالا
المشكلة المالديف ما أدري 5 أيام يبغى لها حدود كم
والله يعطيك الف عافية

شغب قلم
شغب قلم
ميزانيتك شرق اسيا ...
ارشح ماليزيا + هونج كونج 3ليال وزيارة سيدني لاند
او
ماليزيا+ سنغافوره واهمها جزيرة سنتوسا
لو انا منك .. اختار كيب تاون بجنوب افريقيا روعه وعندهم صيف وفعاليات وشيء خطير
لاتفوتها صراحه
موفقين

zeezo11
zeezo11
أقرب شيء أخليها
5 أيام سيرلانكا 4 أيام المالديف 5 أيام سنغافورة
لكن من يقدر يفيدني عن خط سير مناسب للرحلة والميزانية المتوقعة لأن سنغافورة سمعت يقولون غالية
وأشكر كل من شارك الله يعطيكم الف عافية

جنونـ انثى
جنونـ انثى
مو شرط يكون شهر العسل بعد الزواج ع طول ممكن تجلسو شهر وبعدها تسافرو
لان بعد الزواج مباشره حتكونو تعبانين وتضيعو اغلب الوقت في النوم
وكثير عرسان سار معاهم كذا
خلو ع محرم وسافرو
مككن وقتها يكون الجوء في سويسرا سار افضل
والله يسهلكم


خصم يصل إلى 25%