الهند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
هام السحاب
03-12-2022 - 11:49 am
السلام عليكم ورحمة الله
اخواني واخواتي الكرام ...
استعدادا للسفر الى كيرلا
قدمت اليوم الى الرياض وذهبت اليوم الى مكتب استخراج الفيز الهندي ....
وهو يقع في
حي السليمانيه - شارع موسى بن نصير- خلف السدحان - عمارة الصفوه الدور الثاني
اول شي دوامهم في رمضان من الساعة العاشرة صباحا وحتى الثالثة عصرا ...
انا جيتهم الساعة 10.30 تقريبا ....
المطلوب :
1/ جوازات الاشخاص المسافرين ( غير مطلوب صورة )
2/ صورة السجل المدني. ( غير مطلوب الاصل )
3/ صورة دفتر العائلة ( اذا المسافرين عائلة ) ( غير مطلوب الاصل )
4/ صورة حجز الطيران ( غير مطلوب الاصل )
5/ صورة حجوزات الفنادق ( غير مطلوب الاصل )
6/ صورتين شخصيتين لكل صاحب جواز
قيمة الفيزا 250 ريال تطلع رابع يوم من تاريخ التقديم
والمستعجلة 400 ريال تطلع بكره
فيه مخلصين تحصلهم تحت وفوق ....
انا حسب نصيحة الاخوان رحت تفاوضت معهم على طول ...
طلبوا 100 ريال لكل جواز
واعطيتهم 50 ريال لكل جواز وشرطوا علي اني انا ( او اي شخص من طرفي ) نستلم الجوازات من المكتب ...
يعني ماهو هم اللي ياخذونها .... وافقت ...
عموما طلعت عندي مشكلة ...
انا حجزي بعد شهر وشوي
رفضوا يقبلون الاوراق اذا كان موعد السفر باقي عليه اكثر من شهر
فاضطريت اطلب من المكتب يسوي لي حجز طيران وحجز فنادق بموعد قريب علشان تمشي المعاملة ....
وزودت له المبلغ شوي
والعصر جاتني رسالة من جوال هندي مميز بالمره
تقول ان لك طلب فيزا تحت المعالجة
وفيه رقم الطلب والتاريخ
هذا اللي حصل ... باختصار ...
مع تحياتي


التعليقات (9)
بروفيسور2007
بروفيسور2007
هلا اخوي هام السحاب
انا بعد مسافر بعد شهر في نصف شوال تقريبا
استفساري هل تنتهي دواماتهم مع نهاية دواماتنا يعني عندهم اجازه مثلنا ولا لا لأني ناوي اروح لهم بعد ماتبدأ العطله لدينا وخايف انهم مايداومون؟
وهل يطلبون حجز لازم لأني مابعد حجزت؟ ولا اجراء روتيني
وعطنا علومك اول بأول لأن اول مره اروح لكيرلا ومتخوف منها مدري ليش؟

متعب الرياض
متعب الرياض
ياهمام السحاب لاتهتم تراهم يبون زيادة فلوس واحيانا يصير نفس الي خذ منك الجوزات ينسق مع اخوياه
بس انت حاول تطنش لانه نفس الي صار لي لكن انا صرت اعرف ولدخالتي وهو دبرني جزاه الله خير .لانه يعرف واحد من الهنود يعرف طريقة استخراج الفيزا
بس روق لاتحرص
اسأل الله ان ييسر امرك

هام السحاب
هام السحاب
بروفيسور2007
حياك الله اخي البروفيسور ...
حجز الفنادق ضروري للي يبي يطلع الفيزا من الرياض وهذا موجود في موقعهم ...
لكن من جدة حسب بعض التقارير انه ماهو ضروري ...
لكن ممكن المكاتب والمخلصين يدبرون لك الامر .... بفلوس طبعا
وبالنسبة لكيرلا ..
انا اول مرة اروح ... وبرفقتي زوجتي ...
والامر طبيعي ...
رحنا العام الماضي لاوزنقول باقصى تركيا وبالسيارة ... والحمد لله
وقبلها لصلالة وكانت الامور تمام والحمد لله
مادام جوازك بمخباتك .... وفلوسك معاك ... وتحترم انظمة البلد ...
لو تبي تروح للقمر ... ماعندك مشكلة ...
بس انتبه اخاف ماتلقى احد بالقمر ...
وبالنسبة للعلوم .. ابشر ...
انت آمر وحنا نجيك نطامر ...

هام السحاب
هام السحاب
متعب الرياض
هلا وغلا بمتعب الرياض ...
والله يالغالي مالنا حيلة ...
ونبي هالفيزا تخلص باي طريقة ...
لآن لو عاكسوا معانا هالموظفين .... والله ماتحلم بالفيزا ...
وعموما حجز الفنادق مطلوب وهذا انا اطلعت عليه في موقعهم ... (( اذكر حطه احد الاخوان ))
وعلى قولة الشيبان ... (( الله يرحم الوالد كان دايم يقول لي ))
ياوليدي هين جيبك ولا تهين نفسك ....
ومدام الموضوع تحلة الفلوس ... الحمد لله الامر سهالات ....

marwan1391
marwan1391
الحمد لله خرجتها من جدة بدون لا تذاكر ولا حجوزات ب218 ريال والسفر إن شاء الله العيد
اما مسئلة إنه السفر بعد شهر من التأشيرة فما حتنفعك التأشيرة لان مدتها شهر يعني ما سافرت
خلال الشهر راحت عليك التأشيرة فلا تستعجل في إستخراجها يعني قبل السفر باسبوعين سويها براحتك
ليش العجلة

هام السحاب
هام السحاب
marwan1391
حياك الله اخي الكريم مروان
صحيح شروط استخراج الفيزا في جدة تختلف عن الرياض
وهذا حقيقة من التخبط لدى السفارة الهندية ...
فنحن في دولة واحدة يجب ان تكون الاجراءات في جميع المناطق واحدة ...
وبالنسبة للفيزا ... على سلامتك يالغالي ...مدتها ثلاثة اشهر ...
ويمكن في جدة شهر ... ماعندي خبر ...

درب يرد مايسد
درب يرد مايسد
سفراً سعيداً وعوداً حميداً ,,
أنا طلعتها بدون حجز فنادق وأيضاً صورة خشتي ماجبت صوروها من الجواز ,أخذوا عن كل جواز 50 ريال .
سفراً ماتعاً يالغالي ,,,,,

ميرندا تفاح
ميرندا تفاح
الله يكون بالعون
ومابعد شفت شئ
وخاصه في مطارهم عند العوده مرمطه واي مرمطه
وان شاء الله تتسهل امورك
ولو تغير لوجهه لاندونيسيا او تايلند افضل لك

قلب صريح
قلب صريح
كنت تكلمت عن هذه النقطة في موضوع الأخ ابو منصور وهو اجراءات استخراج التأشيرة وهي أن السفارة لا تستخرج التأشيرة الا اذا بقي على موعد السفر اقل من 15 يوم ولا أدري لماذا (طبعا هذا حسب كلامهم)
أما سعرها فانا اخذتها ب 230 ريال للفرد الواحد ..
وكذلك شئ مهم أريد التنبيه إليه وهو أن كثير من الأعضاء يذكر أنهم يأخذون عليه الأشخاص الذي يقومون بتعبئة طلبه من خارج السفارة مبلغ 50 او 100 ريال على الجواز وهو مبلغ مبالغ فيه إذ أنني لم اسلك هذا الطريق وانما اخذت طريقاً آخر أيسر وأوفر وهو الاستعانه بشخص موجود عندهم في نفس المقر للكتابة وهو لا يأخذ على الجواز الا مابين 10 - 20 ريالاً فقط وتجده في أقصى اليسار عند دخولك لمقر السفارة ..
عندهم اجازه مثلنا ولا لا لأني ناوي اروح لهم بعد ماتبدأ العطله لدينا وخايف انهم مايداومون؟
الاجازة عندهم هي يوم العيد فقط كما أخبرني مديرهم


خصم يصل إلى 25%