محمد العدوانيq8
09-12-2022 - 01:52 am
بسم الله الرحمن الرحيم
السلام عليكم ورحمه الله وبركاته
شخباركم
والله شفت جم موضوع بالمنتدى وتشجعت أني انزل رحلتي صج كانت قبل جم شهر بس عندي الصور
وودي افيدكم بخصوص جزيره فيلجا بما إني دايما اروح لها
الجزيره حلوه وهاديه
فيها تأجير جت سكي وبقيات وفيها منتزه وفندق صغير وجم بقاله وتأجير سيارات وقهوه حلوه القعده فيها
وفي بيت تأجير كامل او غرفه او اذا تبي شقه حيل نظيف والله وقريب من المنتزه ..
وفيها بيوت من ايام الغزو ماتعدلت ولا شي ومتحفين على ما اعتقد .. وثلاث مساجد وفيها بقالات
والي يبي يروح حق هالجزيره من ميناء راس الارض باشاره شارع البلاجات قبل المركز العلمي يمين
بعباره ولها اوقات الصبح وترد العصر والرحله ساعه ونص تقريبا والي يبي يروح لها يروح اول ياخذ جدول الرحلات من البوابه ;) عشان يضبط الاوقات وجذي واكثر الاوقات زحمه بفيلكا الاعياد ووقت العطل الرسميه ..
تكاليف الرحله
والشخص 3 دنانير .. والي بياخذ سياره معاه افضل ب 20 دينار
وحبيت ابدي بتقرير الصور وأن شاء الله يكون مرتب ويعجبكم
هني تونا راكبين العباره ومتجهين إلي فيلكا
الربع بالسياره ;P
هذي الكويت
واول ماوصلنا حنا حاطين خيمه عالبحر وبيت واحد من الربع ورانا
وهذي الخيمه لما خلصناها
وهذي صورة حق البحيره الي بالجزيره فيها العاب نفس الي بالجزيره الخضراء مادري شسمها مجدافه يمكن لوول
شوارع فيلكا
داخل الخيمه
هني كان جزرر وصورت الخيمه
هني بليل شابين نار وقاعدين واسمعو الاصوات وقتها لوول
وهذا انا
والي يبي يستفسر عن اي شي انا حاضر
رحلتي الى الكويت
الله يعطيك العافيه على المعلومات الحلوه عن جزيرة فيلكا
انتوا ناصبين خيمة هناك يعني من الصبح لين العصر وترجعون ولا تنامون فيها يوم كامل يعني قصدي الي يروح يقدر يرجع ثاني يوم ولا لازم نفس اليوم وهل تذكرة العوده نفسها تذكرة الذهاب يعني نفس السعر؟ شنو اسعار الفندق اذا عندك فكرة وهل تستحق يوم كامل ولا اكثر؟ فيها شاليهات ولا لا؟ في اماكن تسليه حق اليهال؟
تسلم وان شاء الله ما اكون كثرت عليك الاسئلة