السلام عليكم ورحمة الله وبركاته ,,,
كل عام وانتم بخير ,,,
احب ابدأ موضوعي الأول في هذا المنتدى اني اعبر عن حبي الكبير له و عن حبي لماليزيا
و احب اشكر إدارة المنتدى والمشرفين والاعضاء .. على منتدانا المميز
انا اعشق المنتدى هذا من 3 سنوات تقربياً ومتابع له بقوة ولكن للاسف لم اشارك فيه
انا مدمن وعاشق لماليزيا سافرت 6 مرات لها .. ومن كثر ما اتحمس وانا اقرى
تقارير الاعضاء .. قبل 3 أشهر اتحمست سافرت 3 ايام وعلى لنكاوي عدل ههه
سافرت الاربعاء وصلت الخميس رجعت الاحد في الليل جدة ( جنان)
والسبب تقرير عن لنكاوي حرك احساسي
طولت .. نخش في الموضوع
المهم اليوم عندي لكم مفاجاءة !!!!
مطعم خيالي .. مطعم رومانسي . مطعم وكافيه واكله لذيذ .. ومنظر ما اقدر اوصفو
المطعم انا متأكد انو محد يعرفو ولاشوفت تقرير له هنا.. ولاحتى دعايه له هناك انظلم صراحه
امكن في احد يعرفو ولكن مااعتقد .. بس صدقوني راح تنصدمو من المنظر
طبعا المطعم اخدني له صاحبي يدرس هناك ..
في كذا مطعم جمب بعض في المنطقة هذي , صيني و امريكي بس انتو ادخلو الي اقلكم عليه
تابعوا الصور ..
المدخل الي يطلعك للمطعم .. طبعا لازم يكون معاك تاكسي ينتظرك لانو بعيد شوي ومافي تاكسي
هذا المطعم .. طبعاً الصور من النت بس في كم صورة انا صورتها حتشوفوها تحت
اول ما تدخل المطعم يجيك درج .. وانت واقف حتشوف المنظر هذا
تصويري .. ونسيت اقلكم ترى المكان
بعد ماتنزل ادخل يسار .. ويصير المنظر على يمينك هذا المكان . لانو في كذا مطعم فوق وتحت وزحمة صينيين
المنيو .. وعندهم فطاير زي المناقيش بالفرن .. خطيرة
وانت جالس على الطاولة تشوف المنظر البانورامي
احس اني بديت اجوع
أكيد جالسين تسألو ..طيب فين عنوانه !! حاضر
حوصفلكم . الخريطة حصلهتا في النت
وهذي عشان رمضان ..
وهذا مقطع فيديو .. تصوير ووصف بالسيارة للمنطقة ( يوجد موسيقى )
https://www.youtube.com/watch?v=6igkbFbTC2s
اتمنى المطعم عجبكم ..
وابغا اعرف رأيكم معروف وهل زرتو المطعم او لا ؟
نشوف ردودكم