البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فهود المنى
16-12-2022 - 05:15 am
السلام عليكم ورحمة الله وبركاته
كل عام وانتم بخير ورمضان كريم على الجميع...
عندي سؤالين: الاول وين الاقي مكان يحكي واقع البحرين الشعبي من أكلات ومن جلسات و؟؟
الثاني وين الاقي القرقعان( هدايا العيد) بحلتها الجديدة آخر موديل؟؟
السؤال الثالث ابي افطر فطور شعبي بالبحرين وين؟؟ لا احد يلزم علي بالفطور عنده خ واثق والله قدها يعيال خليفه
أنت قلت سؤالين ليه تسأل سؤال ثالث ماعليه متأثر بالعروض اخذ اثنين والثالث مجاني


التعليقات (6)
مـزون
مـزون
وعليكم السلام ورحمة الله وبركاته ..
الاول وين الاقي مكان يحكي واقع البحرين الشعبي من أكلات ومن جلسات و؟؟
اتوقع سوق المحرق الشعبي يعجبك .. اول ماتدخله تلقى محلات المتاي والحلوى ..
بعدين محلات الجلابيات (الدراريع) والعبايات ..الخ
الثاني وين الاقي القرقعان( هدايا العيد) بحلتها الجديدة آخر موديل؟؟
تلقاها بأغلب محلات الهدايا والشكولا .. بكل مناطق البحرين ..
واذا بغيت احدد لك المناطق والمحلات خبرني وان شاءالله اقدر افيدك ..
السؤال الثالث ابي افطر فطور شعبي بالبحرين وين؟؟
مطعم شعبي اتوقع ماعندنا ينفع لقعدات عائليه ..
لكن انصحك تروح بوفيهات الفنادق ال5 نجوم وهم يوفرون الاكلات البحرينيه الشعبيه مثل الثريد والهريس ..الخ
عندك الشيراتون والخليج والدبلومات ..
وحياكم الله بالبحرين ..

بسوم 999
بسوم 999
فهود المنى
وعليكم السلام اخي الكريم
في مطعم شعبي اسمه تبريز
يقع في قرية عذاري على شارع الشيخ سلمان
مقابل مفروشات بوكنان
معروف بالاكلات الشعبية البحرينية الطازجة...
حيث بامكانك اختيار ما يعجبك من السمك الطازج
ويتم شويه مباشرة
ويتميز بالجلساته الخارجية...ولكن الجو هالايام حار
شوي وما يساعد...ويوجد به ايضا مكان خاص بالعائلات
بالتوفيق وحياك الله

فهود المنى
فهود المنى
أستاذتي مزون ألف شكر لك على المعلومات والتجاوب الغالي...
ياليت تحددي لي المناطق ولو كلفت عليك وانا آسف...
أيتاذي بسوم ألف شكر لك ويشرفني تجاوبك الغالي..
ربي يعافيك... ويعافي مشرفتنا الغالية...
أبي مقاهي الاقي فيها البحرينين القداما الشعب الغالي على نفوسنا وين الاقيهم في مقاهي ؟؟

مـزون
مـزون
هلا بك اخوي ..
راح اكتب بعض المحلات اللي اعرفها وبعض اللي تعاملت معاها ..
اتوقع ان في مجمع العاصمه للأسر المنتجه احد يبيع هالتوازيع ..وهو قريب من السيف ..
آلوها في الرفاع جنب اسواق ميدوي
روشان في الرفاع بالقرب من اسواق المنتزة
محل دان .. بالمحرق
الزنبقه بالمحرق ..
وفي بعد كم محل بالمحرق وتعاملت معاهم بس ناسيه اساميهم ..
بشارع عراد في كم محل منهم الياس ..
هذا اللي يحضرني حاليا واتمنى اكون فدتك بالشي البسيط

بسوم 999
بسوم 999
فهود المنى
مرحبا اخي العزيز فهد
تجد بالقرب من باب البحرين قهوة شعبية قديمة تسمى
قهوة المسيلة يتواجد فيها يوميا العديد من البسطاء وكبار
السن.. تكون مزدحمة في العادة -في غير شهر رمضان-
بعد الانتهاء من صلاة الفجر !!!! واذا جلست فيها ستشعر
بان الزمن عاد بك 40 سنة الى الوراء !!
بالتوفيق

فهود المنى
فهود المنى
أستاذتي وأستاذي مزون وبسوم على التتابع....
ألف شكر لكم وربي يعطيكم العافية...


خصم يصل إلى 25%