1. لا تشيلين هم بس حطي ميزانية للفندق وابشري بعزك

هلابك وخيتي وحياك الله
بالنسبة للفلبين انا زرتها ولكن لست خبير فيها وان شاء الله الحبايب مايقصرون معاك
بالنسبة للفنادق حسب ميزانيتك في الافنيو والسمر ست وفيه اسكوت كلها حلوة ونظيفة والفنادق كثيرة

لا تشيلين هم بس حطي ميزانية للفندق وابشري بعزك

نصيحة اخ ابعدي عن ديبي والي يقولك في وحدة تأجر انا قابلت ديبي والله ما اظلمها بس الوحد بالعقل
اذا انتي عندك نت ومتوفر ليش ما تحجزين عن طريق النت وتريحين نفسك افضل واقل اسعار لان ديبي وغيرها ياخذون عمولة والعمولة انتي اولى فيها وانا حجزت عن طريق النت وعن طريق الفندق نفسة بعد ماوصلت اسعارهم افضل من ديبي
بالنسبة لمانيلا لا تطولين فيها يعني حقها 4 ايام حلو فيها التسوق مثل اسيا مول _ القرين هلز _ القرين بلت_ لاند مارك الدور الثاني شناط حلوة واسعارها معقولة_ ربنسون
بالنسبة للمطاعم حدي كان شوربة يعني مو خبير مطاعم بحكم اني رياضي ولا احب اكثر أكل
لا أحد يفضحني
عندك ايضا حديقة لوشن بارك حلوة وتستحق الزيارة ولا يفوتك مساج الاقدام حق السمك
بالنسبة لبروكاي انا مازرتها بس كنت في مانيلا وتعرفت على ناس كانو في بروكاي يقولون الي ماراح بروكاي يعني ماسافر للفلبين
وارشح لك باقيو منطقة قريبة من مانيلايمكن ساعة ونص بالسيارة منطقة باردة حقها يومين يمكن
والله ياوخيتي ودي افيدك اكثر بس هذا الي عندي بس ولا يهمك بيجونك الحين طيور شلوى ياحبيلهم
بيفيدونك وحياك الله مرة ثانية

ام لوله
انا قرأت كم موضوع ليكم هنا وصراحه انا استفدت جدا" وكمان .....انتوا شجعتوني اني اسافر للفلبين
بصراحه انا ابغى اسافر مع زوجي يعني شهر عسل جديد
خيراً فعلتي
مع العلم انا سافرت مع زوجي لماليزيا في شهر العسل قبل ثلاث سنين وهذي السنه مش عارفه وين اروح نفسي اسافر مكان حلو انبسط فيه لأني من زمتن ماسافرت ولمن قرأت مواضيعكم عن الفلبين اتحمست مره كثير
و راح تحبينها كثر ما حبيناها
اكيد انتوا بتقولوا دي هرجها كثير
بس المشكله انا ماعمري زرت الفلبين ولا اعرف شي عنها
انتي بين أخوانك و أستسفاراتك كلها مجابه ان شاءالله
وعمري ماكنت افكر ازورها لكن الي غير تفكيري تفاريركم الحلوه عشان كذا
ابغى المساعده من الأعضاء الكرام
بالخدمه
اذا ممكن تعطوني خطه للرحله مع العلم اني بسافر 16 يوم في شهر ديسمبر 2010
للحين فيه متسع من الوقت طويل و ممكن مع الوقت نعطيك خيارات كثيره و بنفسك تقدرين تخططين لسير الرحله
وكمان ابغى اعرف هل السفر في شهر ديسمبر ولا نوفمبر احسن
بوجهة نظري ..... ديسمبر
وكمان ابغى اعرف ميزانيه تقريبيه للرحله
على حسب مدة الرحله و الهدف منها .. يعني سياحه و تمشيه او ايضا تسوق
عموماً الميزانيه راح تكون أقل من ميزانية ماليزيا
انا حابه اسافر بلاوان - بوراكاي - مانيلا
بالاوان و بوراكاي عائليا يمكن ما فيها خصوصيه و لكن فيه بدائل كثيره و جميله
فين احسن الفنادق ابغى فنادق نظيفه وحلوه واسعارها معقوله والمطاعم و الأسواق للتسوق واكيد محلات التمشيه الي ممكن نزورها في هذه المناطق
لما نحدد الأماكن ان شاءالله راح نختارلك أحسن شي يوافق مناسبة رومانسيه مثل هاذي
ارجوكم تردوا عليه عشان انا من جد متعشمه بالله ثم بيكم انكم تساعدوني
ارجوكم لا تخذلوني
و عشمك في محله ان شاءالله عند الأخوان الكرام بالمنتدى
على فكره قرأت في احد المواضيع انوا في وحده اسمها ديبي تساعد في حجز الفنادق اذا ممكن بس رقمها؟
أنا ما أعرفها بصراحه لكن اعرف الأخوان اللي تعاملوا معاها و هي ثقه و لكن أحياناً أسعارها تكون نفس أسعار الحجوزات
انا عارفه اني كثرت طلبات سامحوني
خذي راحتك أختي و اطرحي ما بدالك من استفسارات
و أنصحك تقرين التقارير المثبته و تختارين ما بدالك و اذا استصعب عليك أمر تفضلي اسألي و احنا نجيبك ان شاءالله

فهد330
اخي العزيز فهد اشكرك على مرورك لكن انا مثل ماذكرت انا ماعندي خبر في الفلبين ولا عارفه شي عنها في ناس قالولي الفلبين ماتنفع في ديسمبر عشان المطر والعواصف وكذا وبصراحه من كثر المعلومات في المنتدى ضعت ومش قادره اجمع عشان كذا ابغى نصيحه واستشاره بخط سير الرحله

talaga
اخي العزير talaga انا بالفعل دخلت الكثير من المواضيع لكن من كثر المعلومات افتر راسي عشان كذا انا حددت الأماكن الي نفسي ازورها مانيلا - بلاوان - بروكاي فإذا تقدر تنصحوني بأفضل الفنادق والمطاعم واهم التمشيات والفسح والأسواق

ياناس ياهو مو معقول فين الفزعه 54 زياره ومافي غير اثنين عبروني

بالنسبة للأسواق إذا تبين محلات الماركات الاصلية تلقينها في القرين بلت وهوتقريبا 6 مجمعات كلها حلووة ولازم تزورينها
آسيا مول كبير ومحلات متنوعة ,, وجلسات المقاهي والمطاعم روعة ,, ومقابل المول تمشيات على الشاطيء مرة حلوة .
تقليد الماركات في قرين هلز ,, بس تقليد يعني ,, زرته ومن حسن حظي في المرة الثانية ان فيه سوق يقام لمدة يوم
وأغلب البضائع تقليد وكانوا يقولون من كوريا وفعلا كانت شنطهم تقليد درجة أولى ...
المولات كثيرة ولكن على حسب أنت وش تحبين ؟؟ انصحك بالسكن بمنطفة مكاتي لقربها من المولات الكبيرة ..
فندق السمر سست حلو ولكن الفرشة غير نظيفة ,, يمكن بسعره تلقين فندق أفضل .
تحياتي ..ولو بغيت شيء بشأن الاسواق أانا جاهزة ..

مشكورة حبيبتي الغاليه اسعدني مرورك
طيب انا سألت واحد فلبيني وقلي لاتسافري في شهر ديسمبر عشان الأمطار والعواصف بس مش عارفه كلامه صح ولا لأ؟؟؟؟؟
انا ابغى اسألك اذا كان عندك خبره في الفنادق فين انزل في مكاتي ابغى فندق بس يعني بحدود 150 دولار ويكون يعني خمسه نجوم عشان انتي تعرفي النظافه وكدا!!!!!!
شكرا" على اهتمامك

السلام عليكم
من أمس و أنا أنزل ردود لكن ماني عارف شنو المشكله اللي بالمنتدى
عموما أختصار الكلام أختي ام لوله ... أنا سافرت بشهر ديسمبر من قبل وما صادفتني اي مشكله و مع ذلك تأكدي من مواقع الطقس المتوقعه لفترة رحلتكم لزيادة الأطمئنان...
أما السؤال اللي طرحتيه بمشاركه سابقه بخصوص بالاوان .. بالاون جزيره جميله جداً بصراحه لكن فيها عيبين اثنين .. أول عيب أنه ما فيها خصوصيه أبداً خصوصا للعوائل الخليجيه .. و العيب الثاني ان أسعارها مبالغ فيها .. يعني تلقين نفس المستوى بأماكن الثانيه مرات بنص السعر ... عموماً البدائل كثيره أختي و الأمر متروك لك
سيبو لا بد من زيارتها.. و أيضا من الأختيارات الجميله بوهول و بورتو قاليرا و دافاو
أما الفنادق الخمس نجوم في مكاتي و أقل من 150 دولار .
new world hotel makati city
Ascott Makati Serviced Residence
Dusit Thani Manila Hotel
Mandarin Oriental Manila Hotel
Intercontinental Manila hotel
وفي خيارات ثانيه
زوري موقع اقودا و تفرجي على الفنادق و صور الغرف مع الأسعار و ممكن تحجزين منهم لو اعجبك شي
http://www.agoda.com