الرياض المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
toto الرياض
11-11-2022 - 03:37 am
السلام عليكم ورحمة الله وبركاته
راح احكي لكم عن تجربتي في هالاوتيلين اللي اغلب الناس تجمع على انها افضل اوتيلات الرياض
ولكن عن نفسي اشوف ان اوتيلات الرياض كلها متساويه واعطيها 4 نجمات لاني ماشوف اي فرق على مستوى الجوده ولا النظافه ولا معاملة الموظفين وبالعكس اشوف ان موظفين الفيصليه والمملكه هم الاسواء !
اولا الفور سيزونز (المملكه)
اخذت غرفة الاكزكتيف بالادوار فوق الاربعين
الغرفه كانت عاديه واقل من عاديه واثاثها يغلب عليه اللون الرمادي
من حيثا لنظافه عشان اكون حقاني كانت نظيفه لكن المشكله تكمن كانت بالتكييف
ان كنتم تعانون الربو او عندكم حساسيه من التراب او تكرهون التدخين فحاب احذركم
احد الايام المكيف بالغرفه صار يطلع منه غبار وتراب فوقت كان فيه الجو بالرياض غبار واتربه كالعاده
وهالشس كان واضح من اطلالة غرفتي الخطيره على طريقا لملك فهد
وثانيا انتم عارفين ان بعض الناس تاخذ غرف هناك وتجلس تحشش وانا استغرب من ادارة الفندق هالاهمال منها صراحه
فكان ريحة الحشيش والدخان واقسم بالله تطلع من التكييف لدرجة انك تصحى من النوم من هالقرف خاصة انك كنت غير مدخن وحتى المدخن نفسه راح يتضايق من الريحه وبوقت النوم
كلمت الطواريء ووردوا علي موظفين مغاربه فجلسوا يتاسفون ويعتذرون وبالاخير ارسلوا موظيف هندي مع جهاز معقم للجو وكان صوته مزعج بالغرفه !! ياسلام هذا اللي قدرتوا عليه يادارة الفندق
اما معاملة الموظفين العرب كالعاده
تخلو من الابتسامه والاسلوب اللطيف وكانهم هم مالكي الفندق وانا جاي اطر منهم غرفه مجاناً
فصرت حتى بدول اوروبا وافريقيا اخذ انطباع اولي سيء تجاه الاوتيل ان شفت الموظفين فيه عرب صراحة خاصة بالاستقبال !!
فندق الفيصليه
بما انه هو اقدم من المملكه فكان شي مو مستبعد بان الغرف راح تكون مستهلكه
وفعلا لقيت بقع كثير على الكنب والسرير والستاير كانت مليانه اتربه ولا نفضوها تبع الهاوس كيبيغ
واللي حسيتهم ايضا هم انفسهم مقرفين وشعورهم مليانه زيت هنود يشرق مدري من وين جايبين لاقطينهم من الشارع وحاطين جوا الفندق !!
الحمام تخيلوا ان جدار الشاور كن مليان شعر اوادم يعني صراحة شي مقرف تدخل حمام وتلاقي شعر لازق ع الجدار
اما الموظفين بالريسبشن كانوا اسوا واحقر من موظفي المملكه
طبعا الفضاضه وسوء المعامله والنظرات المليانه كره وخبث خاصة من بعض العرب ولا ودي اسميهم لانهم معروفين وكثر للاسف !
كان معهم واحد سعودي يقولون انه موظف معهم شغله بس جالس يطالع بالبنات مانه ماقد شاف بنات بحياته
باللوبي ويرسل لهم بلوتوث ومقاطع ومطنش كل اللي واقفين ينتظرون اي موظف يتكرم عليهم ويعبرهم
والاثنين غاليين ومكلفين مدري على ايش وربي لوني شخص زاير للرياض ان اسكن بشقه مفروضه واسعه وارخص افضل من اني اروح هالاوتلين اولا غاليه على غير سنه وازعاج وخدمه مافيه اسوا منها ويستثنى طبعا خدمة الغرف لانهم كانوا اقل رداءه من كل اللي لاحظته بالفندقين
وبموقع تريب ادفايسور تكلمت وقلت عن رايي تجاه هالاوتيلين
وجتني رسايل من موظفين هناك تطلنبي عشان تقابلني وتدردش معي بخصوص تجربتي
فماعتقد ان له لزوم اصلا يعني يقرون كلامي ويجلسون يراقبون الوضع وراح يتظاكدون من صحة اللي اقوله
فطنشتهم ولا اهتميت لاني حطيت x على كل فنادق الرياض وماتستاهل اصلا الواحد يدفع وياخذ فيها
وسلامتكم


التعليقات (9)
جلاد السفر 1
جلاد السفر 1
غريبه مافيه شي عجبك بالفندقين؟
انا جربت الفيصليه ومالقيت ولا شي من الي تقوله انت
اهتمام وتعامل ممتاز ونظافه حتى الموظف السعودي تعامل ممتاز يكفي لك موظف خاص بكل غرفه
انت تقول موظفين الرسبشن احقر من موظفي المملكه على اي اساس وصفتهم بانهم حقيرين؟
عموما هذا رأيك ومو شرط يكون صح خصوصا بكلامك عن الفيصليه

toto الرياض
toto الرياض
جلاد السفر 1
موظف خاص بكل غرفه؟؟؟؟؟ انا اخبر الموظفين الخاصين (البتلر) يكونون بالمنتجعات والفلل
انا جاني موظف افريقي بالليل الساعه 11 خبط علي الباب وسالني متى راح تسوي شيك اوت بكره
يعني مستعجلين على طردي من الاوتيل
لا يكون هذا الموظف الخاص اللي تقصده ؟
ايه صح نست اقول برضو التكييف بغرف الديلوكس الفيصليه كان يطلع منها ريحة غبار واتربه
تصحى النايم من سابع نومته من قوة الشرقه

جلاد السفر 1
جلاد السفر 1
toto الرياض
انا سكنت في القيصليه 5 مرات ولا عمري شفت الي حكيت عنه ومافيه احد قالي متى تطلع
اي غرفه يكون مسؤول عنها موظف ويكون تحت امر النزيل في اي شي مهم كان طلبات شكاوي
الفيصليه افضل فندق في الرياض ومافيه ولا عيب على الاطلاق عموما هذا رأيك
الفيصليه فندق متكامل

لاتية
لاتية
سمعت عن فندق المملكة ان الموظفين رافعين خشومهم كأنك تطر منهم وخصوصا على النزلاء العاديين
والمعاملة الزينة تطلع للي باين علية النعمة عشان يضمن البخشيش

toto الرياض
toto الرياض
لاتية
فرق والله العظيم عن تعامل الاوربيين والافارقه والهنود والفلبينيين بالفنادق صراحه
دايما العرب مع بعض تعاملهم لايخلوا من الغش ومحاولة الاستغلال واستغفال وفوق هذا كله تعامل جفس
وكمية حقاره تطلع من عيونهم واذانيهم ونظرات ابدا غير مريحه
عن نفسي ابدا مارتاح بالتعامل والحكي معهم خاصة خاصة عرب الشمال
والمصري لين حس انها شخص مهم بالاوتيل
والسعودي ههه مايدري وين ربي حاطه فيه يقعد ولا يروح
اخر سعودي شفته بالفيصليه جالس يبلتث ويرقم بنات ملكعات يدورون باللوبي يدورون لهم صيده استغفرالله
الزبده حرام ندفع ريال واحد بهالاوتيلين لا اطلاله ولا مرافق صح كلها مطاعم واسواق مهبل يدورن
لا كافيهات وجلسات تفتح النفس وفوق هذا غاليه غير الممنوعات والمحرمات !! مسبح كئيب ومغلق
السبا عندهم حاطين فلبن مصارعين مايعرفون يسوون مساج زي الناس والكريم المستخدم فازلين اطفال ههه
يعني الرياض ابدا مدينه غير سياحيه واوتيلاتها ابدا غير مجهزه بانها تكون غرف للراحه والاستجمام وتغيير الجو
انا اتكلم كشخص سائح واحب اجرب الاوتيلات واستمتع فيها وبمرافقها

السائح العربي
السائح العربي
كلش ولا غبار أو دخان يدخل عليك مع التكييف
تبقى وجهة نظر تحترم بدون تجني على أحد
طبعا أنا لست معك قلبا وقالبا
لأني ماجربت أو شفت
لكن يحتاج الكثير و الكثير
من موظفي الإستقبال للإنتباه و الإهتمام و طريقة النظرة و الإبتسام
إلى نزيل الفندق
قليل جدا من يتقن هذا الفن
مع أنه يدرَّس
شاكرا لك إبداء رأيك الصريح

معن @ الرياض
معن @ الرياض
ما سكنت لا فندق المملكة ولا الفيصلية
ولكن إبداء رأيك بموقع مشهور شيء طيب
وتواصل مسؤلي الفندق ممكن أقول خايفين على سمعتهم
وفعلا ملاحظاتك تكفيهم أنهم يعيدون النظر في تصحيحها

toto الرياض
toto الرياض
السائح العربي
العفو اخوي السائح العربي
ووالله العظيم ان كل اللي قلته فعلا صار معي
ناس نصحوني قالوا هدي ولا صار شي انت فقط موسوس او دقيق بزياده وحساس ومن هالكلام
ياحبيبي انا اروح هالاماكن وانا مروق ومبتسم واتفاجا بهالاستقبال الخايس !!
والوصاخه اتجاهلها واقول عادي تحصل بكل الفنادق
لا,,, انا جربت اوتيلات بلدان كثيره ماقد شفت غرف تكييفها يطلع منه غبار وريحة سجاير وحشيش ؟
هذا اهمال وسوء صيانه بالفندق نفسه

toto الرياض
toto الرياض
معن @ الرياض
ماتوقع ان فنادق الرياض بيوم راح تتحسن او تكون مميزه
ولو تسالني يعني مثلا الفيصليه والمملكه بجانبهم افضل سوقين بالرياض هالسوقين زحمه وازعاج ولا فيها حاجه ترفييهه ومسليه زي السينمات مثلا !! لانها ممنوعه
الاوتيل بنفسه من قبل الاجانب راح يستغربون عدم وجود بار او مشروبات كحوليه تقدم
المناخ مايساعد انها تكون هناك مسابح خارجيه خ وممنوع فيها الحريم يسبحون
المفروض ولا فندق بالرياض نعطيه 5 نجوم ولا حتى 4
كلها تكون 3 نجوم واقل


خصم يصل إلى 25%