- ولا انسى ابن عمي خالد العثمان لأعطائي بعض النصائح في الرحله
السلام عليكم
كيفكم شباب
الطلعه هذي جت على السريع قلت لرفيق الدرب - محمد البرغش - تبي نمشي قال قدام ورحنا للمكاتب الاسعار كانت غاليه في حدود ال 1900 ريال
وما قصر صاحبنا الغالي حسين الصالح في ترتيب رحلتنا ..
ولا انسى ابن عمي خالد العثمان لأعطائي بعض النصائح في الرحله
المهم دورنا حجوزات فنادق وما حصلنا شي قلنا اذا وصلنا لسريلانكا نشوف وش السالفه
وصلنا مطار الملك خالد وكانت كا العاده الخدمات زفت وامسك سرى مع الهنود واللي يفتش العفش فتحه واحده وقدامي حوالي 300 شخص ممكن اكثر .. المهم انتم عارفين ال و عندنا لقينا واحد دخل من فتحه ثانيه ونقز خويي يم اللي دخله وما قصر دخل اكثر السعوديين اللي ماسكين في السرى في الصف ... على فكره ماسك سرى ما يقارب نص ساعه ... خلونا منه .. كنا حاجزين في الخطوط السيرلانكيه من يوم دخلناها والا الوجيه تفتح النفس وكلن يرحب بك .. والصراحه خدمات الخطوط السريلانكيه اعطيها 90% والسعوديه كاتجربه مني اعطيها 30%
مده الرحله ما يقارب 5 ساعات .. ويوم وصلنا ولا الدنيا مطر والدنيا ربيع
كان فارق التوقيت ساعتني ونص ..
بعد الوصول ام كان بيني وبين احد الشريكات السياحيه مراسلات على الايميل واستقبلوني في المطار وودوني للفندق بدون ما يخذ مني اي شي وجاء يمي في الليل وتم التجهيز للرحله
مالكم في الطويله اترككم مع الصور
صاحبي محمد والارهاق في السفر كان الوصول بتوقيتهم تقريبا 6 صباحا بالتوقيت في السعوديه كان تقريبا 3
محدثكم في اليمين واليسار ماجد الدحيم تعرفنا عليه في المطار والله ما قصر معانا في كل شي الله يسهل دربه يارب ..
الرجل اللي في المنتصف اسمه الحاج عبد العزيز صاحب الشركه السياحيه
بعد ما طلعنا من المطار والا الدنيا مطر وجو يفتح النفس
الغرفه في فندق سانمون الصراحه فندق راقي جدا *****
البحيره المطله على الفندق
المطعم الخارجي الصراحه راقي وجميل .. ههه والغربان في كولومبو وش كثرها كنها الذبان عندنا ..
ههه الصراحه خدمات الفندق جدا جميله ويكلف تقريبا 300 ريال في اليوم مع الفطور
والغداء كان متكامل كل الاشياء متوفره ولاكن بالفلفل ههه سائلت محمد وش ذا اللي ياكله قال نصيحه لا تاكله مدري عن طعمه
اعجبتني هذي سمك محشي بالفلفل خبال تاكل حبحر حار في وسطه سمك ههه
الفندق من الخارج
ها العصير طعمه في المخ ما عرفت الا النعناع اللي في وسطه كل ماطلعت ولا دخلت خذيت لي كاس طبعا مجاني لسكان الفندق
الفندق من الجهه الخلفيه المسبح والبحيره خبال
إن شاء الله لنا لقاء بتقرير عن الطبيعه في سريلانكا وبكره ان شاء الله طالعين لمنطقه اسمها كاندي تشتهر بالشلالات والجبال الخضراء ومزارع الشاي .. اذا توفر النت بنزل لكم التقرير الثاني
تحياتي
ناصر العثمان
محمد البرغش
السلام عليكم
كيفكم شباب
اليوم هذا التقرير لليومين الثاني والثالث في سريلانكا
في المساء في فندق سنمون قراند بكولومبو الصراحه الفندق اكثر من رائع ويطل على بحيره رائعه تكثر فيها انواع الطيور
اترككم مع الصور
احنا حجزنا ليله فيه تقريبا سعر الليله مع الفطور والعشاء تقريبا 300 ريال والعصير تشربه في اي وقت مجانا والاكل في المطعم بوفيه مفتوح كل شي متوفر
هنا محمد ياكل في سرطان البحر مدري وشو والله ياهو حار فلفل .. ههه
الصوره تعبر هع
وفي الصباح توجهنا للمسبح للسباحه لعدم وجود السياح في الصباح
خرجنا من الفندق في الصباح واسف ما صورت وجبه الافطار الصراحه عليهم بيض مدري وش حاطين فيه المهم خرجنا من كولومبو والزحمه
اللباس لدى الطالبات المسلمات هناك والصراحه اعدادهم جدا قليله ربي يكثرهم
وفي الطريق مدح لنا السواق هذي الفاكهه طعمها رائع مو مثل اللي عندنا في ابها جوز الهند
شاهدت كثره هذا الفاكهه في الطريق وسألت السواق وقال هذه الفاكهه محببه عند اهل سريلانكا قلت وقف نجربها
شكل الفاكه مدري كيف ولاكن طعمها حلو جدا
صاير حقل تجارب هناك ههه
صوره لنهر مهاويل اعجبني شكل الحكار
نكمل المسيره الى كاندي
من طلعنا من كولومبو 130 كيلو كلها سيارات ومنعطفات وزحمه سكان و الارض حضراء
احدى القرى اللي مرينها فيها ويكثر فيها المسلمين
وجعني راسي من كثر الحضار والاشجار في جميع الجبال
انا مع السواق جهان
وصلنا مدينة كاندي وهي تعتبر اكبر مدينة بعد العاصمه كولومبو وتسمى عاصمه الثقافه لكثره المعابد القديمه وتاريخها القديم ويوجد بها اكبر نهر في سريلانكا
بحيره كاندي الصراحه منطقه رائعه اترككم مع الصور
بجوار البحيره تكثر فيها القصور الكبيره والفنادق
احد المعابد القديمه بجوار البحيره
اتجهنا بعدها الى الفندق اسمه ريجنسي يعتبر من افخم الفنادق في كاندي وكان سعره تقريبا 300 ريال شامل الفطور والعشاء بوفيه مفتوح ويقع على نهر مهاويل .. ويحيط به الكثر من الغابات وراح انزل بقيه الصور للفندق غدا ان شا ءاللهاترككم مع صور الفندق
استقبلونا على طول بعصير ما عرفت وشو بس طعمه مثل الجح ههه
نهر مهاويل بجوار الفندق
في المساء لما يروحون الاوربين وهم ياخذون حمام شمس مدري وشو يفضى لنا الجو للسباحه
طبعا الجو هناك دافئ مايل للبروده ولاكن منعش ..
لم انزل الا صوره واحد لداخل الغرف نسيت اصورها
خويي محمد جربت له جميع انواع القهاوي ما دخلت في راسه يبي قوه عربيه وفيها هيل
واحنا نتمشى في الفندق لقينا لنا شباب سعوديين والله ما قصرو معانا .. بالقهووه والكرم والطيب معاهم عزبه قهوه وشاهي .. والنعم فيهم والله .. وهم من حوطه بني تميم
توجهنا للمطعم لتناول وجبه العشاء
الريبيان مقلقل قال لي تبيه سبايسي