بحآول اسآعدك باللي اعرفه بمآ انه عندي خبره في اغلب اماكن التسوق وراجعه من 4 ايآم من بانكوك
مجمع بوبي: هالمول رحتله قبل ودايما يوم اروحله يكون مبند يعني اللي بيروحه يروح قبل الساعه 4 وبعد اترك الجواب للي راحوله
شارع نانا هو نفسه شارع العرب ؟؟
يعني في منطقة نانا ؟؟ : هيه نعم هو نفسه شارع العرب قوللهم Nana Road أو Nana Plaza أو اماري
شارع او سوق باتونام عباره عن ايش سوق مجمع او شارع ؟؟ : هو مجمع لين الساعه 6 او 7 ومن يسكر المول يفتحون عالرصيف اللي جدام المول كشكات فيها اشياء حلوه ومتنوعه للكل تقريبا
باتبونج سوق ولا شارع مثل باتونام ونانا ؟ ومتى يفتح ؟ : السموحه هذا ما اعرفه
النايت بازار هو نفسه سوق الليل في شارع العرب نانا ولا واحد ثاني ؟؟ : هو سوق الليل صح بس مب في شارع العرب نانا يكون شوي بعيد عنه
المجمعات الككشخه (روبنسن /امبيريوم /سنترال شيت لوم )
حلوات ؟ : هالمولات ما عليها كلام واضيفلها MBK و طوكيو اللي هالاثنين بمثابة مول واحد وتقدر اتلاقي فيه كل شي يناسب كل الاعمار
ابي شي كشخه وحلوو تصلح هذي الاخيرات للي أبيه ؟؟ : تصلح وهالمولات عندهم ماركات واذا ودك بماركات قوية عندك Siam paragon
اذا في شي ماذكرته وتنصحوني يليت تفيدوني الله يسعدكم : رشحتلك طوكيو و MBK و Siam Paragon وشي مول حذال سنترال وورلد اللي احرقوه اسمه Isetan واايد حلو وراقي وتقريبا بضاعته تشبه روبينسون بس آيسيتان اهدأ عن روبينسون
يليت تفيدوني بأسرع وقت واعذروني على اسئلتي
لان اول مره بروح لبانكوك وودي بالشي الحلوو والاسعار الحلوه : أسعارهم حلوه بالنسبه للخليج هم وايد ارخص عنا يعني بتلاقي الماركات مثل : EllE اسعارهم ارخص عنا
انتظر الاجبات سريعاً لاهنتوا : اتمنى اني اكون افدتك واذا عندك اي استفسار لا تتردد