مانيلا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
fargo
09-12-2022 - 11:15 pm
السلام عليكم ورحمة الله وبركاته
انا ناوي اسافر للفلبين لمدة 6 شهور للاستجمام
وارغب بسكن نظيف وممتاز علما انني لوحدي
اتمنى معرفة السكن المناسب والسعر ايضا لانو مهم جدا وياليت السعر رخيص وكم بالشهر ؟؟؟؟؟
ووين تنصحوني ب مانيلا او بالجزر ؟
ابي الارخص لانو بجلس 6 شهور هناك
وايضا لغتى الانقليزية ممتازة واعرف اتخاطب مع العالم
وايضا اعرف اطبخ وكل شي
بس اتمنى معرفة الاسعار بالنسبة للمعيشة والاكل والسكن فقط
والتذكرة ؟ وين افضل وارخص طيران
اخوكم فارغو من الرياض - المملكة العربية السعودية
وشكرا


التعليقات (9)
talaga
talaga
fargo
هلا و حياك الله اخوي فارغو
ماشاءالله 6 شهور ؟ يلا ان شاءالله تروح و تنبسط و تغير جو
لكن حدد لنا الموعد اللي ناوي ان شاءالله تسافر فيه و احنا نطرح لك كل الخيارات .. لان فيه هاي سيزون و لوو سيزون .. او على الأقل تعطينا الشهر (بالميلادي) .. لأن الأسعار تختلف حسب المواسم و كل ما يكون الحجز بدري و كان أفضل .. و كذلك لما تكون المده طويله يتغير السعر بشكل واضح.
و تمام لما تكون عندك لغه أنجليزيه لأنها مهمه جدا هناك ... و انا وجهة نظري الشخصيه 6 شهور بجزيره؟ اعتقد ما فيه جزيره تستحق اكثر من أسبوع (وجهة نظري) .. لكن مستحيل انك تقضي الفتره كلها بمكان واحد ولو حتى بمانيلا .. فلازم تسوي لك جدول رحلات و الجدول على المده اللي حددتها أعتقد بيكون أطول جدول بتاريخ المنتدى ككل
لكن مثل ما قلت لك بالبدايه حدد لنا اي شهر و ما يصير خاطرك الا طيب. و لو تبي نصيحة أخوك الصغير .. عط نفسك وقت طويل قبل الرحله .. عشان يمديك تخطط لها تمام و تاخذ كل أحتياطاتك و تسافر و انت مرتاح البال و عارف كل شي عن الديره.
و اتمنى لك التوفيق

DRJ
DRJ
هلا وسهلا
بسم الله عليك
6 اشهر
ماشالله اخوي انت تبي تعيد تخطيط الفلبين شارع شارع
ههه
مثل ماتفضل اخوي تلقا
انت حدد الفتره
ولازم كل اسبوع او اسبوعين وانت في منطقة او جزيره بدايه من مانيلا - سيبو - باهول - باكولود - مندناو - إلو إلو -----------------
ولا شك هناك كثير من المنتزهات والشيليهات الممتاز في كل منطقة او تابعة لها وتبعد عنها بالساعة والساعتين واكثر
ولاكن حدد الوقت وابشر ولاكن لا تنسى وانت هناك لازم تواصلنا بكل جديد
وشاكر لك

fargo
fargo
يا اخوان يعلم الله انكم احرجتوني بكرمكم وعطفكم
انا بكل صراحه انسان اقدر اقول عن نفسي مفكر يعني مو مفكر مثل محمود درويش خ
بس مفكر يعني احب الهدوء جدا وماحب التنقل بشكل مزعج يعني ابي مكان واحد وبس
باختصار شديد ابي اطلع من البيئة اللي عندنا .. ابي اتعايش مع الثقافات الخارجية بشكل مباشر
ابي شقق نظيفة ونظيفة في مانيلا بشكل شهري
او عالجزر لانو عادي انا اتحمل كل شي وماتفرق معاي والجزر بنظري مهما كانت ممله افضل من الرياض
الزحمة والقلق والنفسيات ..... الخ
ابي اللي راح هناك يعطيني ملخص كامل ومختصر عن الاسعار والنصائح المهمه
وانا مسافر يا نهاية اوغست او بالكثير نهاية سبتمبر ان شاء الله لانو عندي التزامات بحاول اخلصها وبمشي
اتمنى لكم الصحه والتوفيق وشكرا

المغتربه 1
المغتربه 1
الله مير يحييك ويبقيك اخ فارقو
الله يوصلك بالسلامه يالغالي
وان شاء الله لي عوده واوافيك بكل ماهو مناسب لك
تقبل تحياتي لك
المغتربه1

fargo
fargo
الله يخليك اختي المغتربه وانتي مابتقصري معاي
اتمنى لو تعرفي سكن شقق شهري يكون رخيص ومناسب
والله يوفقك ,,

المغتربه 1
المغتربه 1
يابعدي حصلت في تاقيق يعني في مانيلا
5الف بيسو في الشهر
فمادري اذا مناسب او لا وبرضو بدور لك
عباره عن غرفه ومطبخ وصالون وحمام الله يكرمك
اذا في شي ثاني انا حاظره
السموحه ع القصور

talaga
talaga
15 ألف بالشهر والله بلاش
يعني 500 بيسو باليوم ... لكن اختي المغتربه لو تفيدينا بالموقع و المكان بالضبط بارك الله فيج

المغتربه 1
المغتربه 1
ابشر يا ابعدي يا تلقا
باذن الله اكلمهم ان شاء الله واعطيك الرقم
و الموقع بالضبط لان شغالتي قريب من بيتها في تاقيق
باذن باخذ الرقم واكلمهم وارد لك

fargo
fargo
الف الف شكر اختي المغتربه
ياليت الرقم والموقع وكيف الشقق نظيفه ان شاء الله
شكرا من القلب


خصم يصل إلى 25%