البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
zazaz
14-12-2022 - 04:36 pm
السلام عليكم ورحمة الله وبركاته
كان لي زيارة سريعه لدولة البحرين الشقيقه مع العائله قبل اسبوعين تقريبا
ومريت المكتب اللي بالجسر وقالي شقق فريزر مافيه إمكانيه وفيه شقق جديده اسمها هاني سويت
وقريبه من السيف بس الصراحه مارتحت ومشيت ولفيت علي السيف قلت خلني اشوف المنطقه القريبه
واول وقفه نزلت يدون مانتبه للوحه واشوف الشقق واسأل في الريسبشن قالي هذي هاني سويت
قلت سبحان الله لو جلس واحد يوصف لي ماوصلته إلا بشق الأنفس
المهم سألت عن الشقق قالوا عندنا نوعين استايل شرقي او عربي واستايل إيطالي وماعندنا فاضي إلا الإيطالي
قلت خل نشوف والصراحه الشقق فخمه بشكل كبير جدا ونظيفه ومتكامله اعجبتني بشكل كبير
انا سألت المكتب اللي بالجسر قالي غرفتين ب 1100 من دون فطور وسألت الرسيبشن وقالوا ب 1500 ريال
المهم بعد المفاصل وافقت علي 1200 ريال مع الفطور (الله يديم النعمه) وإنترنت مجانا
الشقه اول ماتدخل في صاله كبيره جدا فيها جلسه جميله وطاولة طعام وتلفزيون إل سي دي ومطبخ متكامل
حتي مغسلة ملابس وفيه دورة مياه خاصه بالصاله وغرفة النوم الرئيسيه علي يسار بتلفزيون إلي سي دي وحمام جميل جدا
والغرفه الثانيه قريبه من شكل غرفة النوم ولكن دورة المياه مكشوفه بزجاج شفاف علي الغرفه
غريبه الصراحه احس مالها داعي ماعرف علي اي اساس تم تصميمها بهالشكل !!
وفي الشقق دور للسبا Spa وجاكوزي الجاكوزي طبعا مجانا وفيه قسمين للرجال وقسم للنساء والجاكوزي جميل
وفيه عندهم حمام تركي بس للآن ماخلص مو جاهز وفي الدور الأخير بركة سباحه مكشوفه في السطوح
المهم الشقه جميله ولكن للآسف خدمة الإستقبال بطيئين جدا جدا تطلب الحاجه لازم تطلبها اكثر من مره ويالله تجيك
الرواتر حق النت من الظهر وهم يقولون بيجي ماشفته إلا بالليل وطلبنا حاجه ثانيه ماجابوها إلا بعد ماكلمتهم مرات ومرات
والمطعم حق الشقق الصراحه ماله اي داعي مافيه اي شي تاكله بس اطلبه يسوي لك بيض او كورن فلكس
مافيه اي معجنات او اي انواع من الأكل فنصيحه اللي يحجز لايتعب نفسه ويطلب الفطور
عموما هذي بعض الصور وهي كثيره وإن شاء الله تفي بالغرض
موقع الشقق

صور خارجيه في الليل

صور اللوبي ماهي كثير كان فيه ناس جالسين

جلسات بالدور الأول فوق اللوبي وتطل علي اللوبي

الأسياب والممرات الوانها حلوه وجميله

الحمام التركي واضح باقي ماخلص

قسم السبا Spa والجاكوزي وكلهم مثل بعض اللي للرجال واللي للنساء وفيه قسم للرياضه

السطوح وبركة السباحه البركه الصغيره المويه حاره

صور الشقه
صور الصاله لونها ابيض وحلو والمطبخ ودورة مياه الخاصه بالصاله



رحلتي الى البحرين
التعليقات (9)
zazaz
zazaz
يتبع
غرفة النوم الرئيسيه ودورة المياه حقها الونها وإضائتها رهيبه

غرفة النوم الثانيه ودورة المياه الخاصه مكشوفه علي الغرفه بزجاج شفاف

Discover Bahrain
Discover Bahrain
أبدعت يا خوي الغالي , تغطية رائعة وصور دقيقة ورائعة بمعنى الكلمة بصراحة بدون مجاملة وواضح أن الشقق الفندقية هذي راقية ورايقة عل آخر
وعلى فكرة تراها يديدة ما صار لها أكثر سنة منذ افتتاحها ,, والحمدلله أنكم قضيتوا وقت ممتع وحلو هناك وإن شاء الله تتكرر الزيارة في عيد الفطر ,,
الله يعطيك العافية ,, تصويرك حلو أخوي , وأنا مثلك لحد الحين ما حصلت منطق لدورة المياه المكشوفة على الغرفة ههه غريبة بصراحة بس يمكن القصد منها ( الإنشراح التام ) لمستخدمي دورة المياه يعني وهم داخل يحسون بالإنشراح على أجزاء الجناح ,

*صوت السهاري*
*صوت السهاري*
مشكور وماقصرت على هالتقرير الرائع والصور روعه
ومكان الشقق أيضا رائع..
لكن دوره المياه المكشوفه .؟.ماندري وش هالمقصد منه؟؟
يعني أحد فنادق ماليزيا دوره المياه بداخل الغرفه والزجاج مضلل
وما أرتحت منه؟؟فمابالكم بهالمشكوف؟؟؟
عموما الشقه باين عليها فخمه وسعرها مناسب مقارنه بغيرها من الشقق
خاصه وأنها حديثه..
عجبني لون الشقه الأبيض والأسود روقان..
لاخلا ولاعدم لك أخوي زازا...

شهر عسل يناير
شهر عسل يناير
يعطيك العافية
ممكن رقم تلفونهم في أسرع وقت ممكن

foxx109
foxx109
الابداع يتواصل حتى هنا بالبحرين
اخي زازا تقرير مميز كالعادة
وصور رائعة جداً للفندق الذي اعتقد انك وفقت كثيراً في اختياره
ولكن ماذا عن الفطور !!!!
اشكرك ...

أبوتـركي-الدمام
أبوتـركي-الدمام
تقرير رائع وصور جميلة
الشقق فخمة وتستحق السعر

عيد824
عيد824
شقق فخمه وسعرها مناسب .
مشكور اخوي والله يعطيك العافية ...

zazaz
zazaz
بحريني غير
ياهلا ومرحبا بالأخ عيد824
الله يعافيك ويسلمك ويجزاك خير
مشكور يالغالي

Amola12
Amola12
وعليكم السلام ورحمة الله وبركاته ,,
zazaz
مميز وخبير ماليزيا
ما شاء الله تبارك الله حظك حلو ومكتوبة لك
عن جد وانا أشوف صور بقول " واو ,, مررة نايس "
ستايل تووحفة ومودرن على زوقي تمام ..
أحلى ملييون مررة من الشقق اللي نزلنا فيها
أما حكاية الحمام أبو واجهة بحري .. ههه ..
كان خلو الموضوع إختياري .. بإضافة ستاير داخلية أو بارتشين
بشكل عام السويت رائع وراايق
ألف شكر أخي الفاضل
على الإضافة المميزة لخيارات السكن العائلي في مملكة البحرين الغالية
أموله


خصم يصل إلى 25%