البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
فهد الأحمد
12-12-2022 - 10:14 pm
السلام عليكم
عندي مجموعة أسئلة "
هل الكافيهات اللي في الستي سنتر والراشد هل بها خدمة انترنت وايرلس لأني احتاج للانترنت وبصراحة لن استخدم انترنت الفنادق لأنه غالي بشكل مبالغ وياريت تحددون لي اسماء بعض الكافيهات ان وجدت .
2- الساعة كم تفتح ووااهو ( الحديقة المائية) وهل تغني عن جنة ديلمون أو أن ديلمون احلى
3- هل مجمع دراغون مول اللي بأمواج فتح كله هل يساهل العنوة او لا


التعليقات (4)
غطيطة
غطيطة
دراغون الي بأمواج فندق وليس بسوق مثل دبي .....

فهد الأحمد
فهد الأحمد
شكرا اختي غطيطة ان اعرف انه بامواج موجود فندق دراجون مقابل سي لوفت بس حسب معلوماتي أنه يوجد ايضا مول بس ما اعلم فتح وغلا لا بس اللي اعرفه فتح تبعه الكوستا كوفي .
يا ريت الاخوان يفيدونا بحريني غير والماسة ومزن ولا يهون جميع الاخوان

Discover Bahrain
Discover Bahrain
أخوي فهد الغالي , انت تقصد مجمع ( ذا لاغون ) في جزر أمواج , لا والله أخوي مع الأسف ليلحين ما تم افتتاحه بشكل تام / وبالنسبة لكوستا وديري كوين وأسواق أخرى موجودة في جزيرة تالا بجزر أمواج.
واهو مفتوحة من 10 إلى 10 يومياً بس أعتقد في رمضان راح تتغير شوي الأوقات والأكيد انها راح تتم إلى منتصف الليل لأن جنة دلمون في رمضان تواصل إلى منتصف الليل.
والله ياخوي حديقة واهو لها خصوصيتها وأخف من جنة دلمون وفي وسط المنامة بالأحرى داخل السيتي سنتر / جنة دلمون يبي لها تخصيص يوم كامل مع التعب والمسافات وكل شي / وانت شوف حسب رغبتك في الأول والأخير إذا تحسب تعيش ( رحلة ) إلى مدن مائية عليك إلا بجنة دلمون ، أما إذا كنت حاب تستمتع ساعتين أو ثلاث في مدينة مائية مع سهولة الانتقال إلى وسائل ترفيه أخرى عليك بمدينة واهو.
أخوي تفضل بزيارة مجمع ( مودا مول ) في مركز البحرين التجاري العالمي ( الأبراج الي فيهم مراوح ) راح ترتاح نفسياً فيه يعتبر أفخم مجمعات البحرين حالياً.
بالنسبة للانترنت اللي أعرفه أن في مجمع السيف توجد الخدمة أما في السيتي والله ما عندي خلفية.
حياك الله أخوي يالله ننتظرك احنا.

مـزون
مـزون
بحريني غير ماقصر ..
بالنسبه للواير لس راح تلقى بالستي بكافيه البنديره ..
والسيف مثل ماتفضل اخوي بحريني فيه خدمة الوايرلس المجانيه ..
وحياكم الله بالبحرين


خصم يصل إلى 25%