fno
15-12-2022 - 01:15 am
السلام عليكم ورحمة والله وبركاته
بإذن الله طالعين الاسبوع الجاي للبحرين
ومن البحرين على دبي بطيران البحرين
سؤالي المواقف بالمطار قريت انه في شي مجاني وفيه شي برسوم وش الفرق بين الثنين
وكيف افرق بينهم
وهل فيه اجراءات خاصة للسعوديين في المطار
واذا احد جرب طيران البحرين كيف الطيران وكم مدة الطيران من البحرين الى دبي
واذا فيه احد يعرف شقق قريبه للمطار ورخيصه
واي معلومه ممكن تفيدنا ,, اسفه على كثرة الاسئلة بس اول تجربه لنا السفر عن طريق البحرين
وشاكرين لكم مقدما
بالنسبه للمطار فيه مواقف امامه مباشره .. بفلوس. في العادة اذا سافرت من الاربعاء الى الجمعة ياخذون بحدود الخمسين ريال.
فيه مواقف قريبه مجانيه بس لازم يكون عندكم كرت دخول. اذا انتو حاجزين من مكتب ... طلبوا منه كرت المواقف.
مطار البحرين مثل السعوديه و باقي دول الخليج ... فيه مسارات مخصصه لمواطني دول الخليج .. و الاجراءات سهل و كل شي قريب من الثاني.. مش مثل مطارات السعوديه تطلع العين.
طيران البحرين ممتاز ... سافرت عليه خمس مرات يمكن و كلها على الوقت و مافيه ازدحام.
بالنسبه لاقرب سكن فندق الموفنبيك.