البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
قضت الاسامي
15-12-2022 - 04:15 am
السلام عليكم
ارجو افادتي عن سكن قريب من المطار يوم السبت القادم وترا انا مأدل ابد في البحرين
ولكم جزيل الشكر وخالص الدعوات


التعليقات (9)
قضت الاسامي
قضت الاسامي
سؤال ثاني المطار وينه فيه وش اسم الحي ؟؟ وكم يبعد عن مدخل المدينة من جسر الملك فهد ؟

eyesmax
eyesmax
المطار في المحرق ...
بالنسبه للمسافه ... لا تذكر اذا انت جاي من السعوديه 13 او 15 كيلو تحس انك في الحاره ماطلعت للحين (مع كل حبي و تقديري للبحرين) ههه
اقرب فندق لك بيكون الموفنبيك
https://www.booking.com/hotel/bh/moevenpick-bahrain.html?aid=1300939
بالنسبه للطريق من الجسر الى المطار يكون زحمه عند الكورنيش

قضت الاسامي
قضت الاسامي
الله يجزاك خير ، واضح الطريق من الجسر للمطار فيه علامات ؟؟

eyesmax
eyesmax
بتشوف رسمة طياره او المطار..
عموما سهل مايبيله شي...
مجرد تطلع من الجسر .. بيجيك جسر معترض خله
الجسر الثاني روح معه يمين (المنامه) فيه لفتين .. الاولى توديك الرفاع و مدينة حمد والثانيه تلف لين تطلع فوق و تروح بتجاه اليسار للمنامه.
سيده ... بيجيك مجمع السيف على اليسار و مجمع البحرين على اليمين و بعدها بيجيك السيتي سنتر على اليسار و بعدين تبدء منطقة الاشارات ...
كمل سيده
لين الجسر اللي يوصلك للمحرق و بعده كم اشاره و بعدين دوار المطار.
و انت عند الدوار ..ز يسارك المطار و يمينك بتشوف الفندق

Discover Bahrain
Discover Bahrain
أخوي البحرين ما تضيع ,, بالضبط من مدخل البحرين من جسر الملك فهد إلى المطار 25 كيلومتر ,, وبما أن جسر الملك فهد في شمال البحرين + المطار في شمال البحرين + أن شمال البحرين هو الجزء المبني بشكل شبه تام من البحرين فراح تحس أنك في نفس المدينة الكبيرة يعني ما راح تطلع مسافات وايد أخوي الغالي ,,
من الجسر إلى المنامة 15 دقيقة / وفي المنامة قول مع تقدير الزحمة 15 إلى 20 دقيقة / يعني في خلال نصف ساعة أو 40 دقيقة إن شاء الله انت في المطار ,, لازم تراعي الزحمة خاصة إذا كنت بتروح على طريج ضاحية السيف لأن هناك المنطقة مزدحمة.
الفنادق الي جنب المطار / فندق 5 نجوم ( موفنبيك ) وهو فندق لاصق بالمطار ولكنه مستقل بكل شي وبصراحة فندق روعة أقل ما يقال عنه / وعندك منتجعات جزر أمواج أو منتجع الدانة نوفيتيل كلها جريبة من المطار / علماً بأن المطار في المحرق وهي تبعد عن المنامة مسافة ممر بحري حوالي كيلومترين فقط.
وأبرز ما يميز شوارع البحرين بشهادة منظمات عالمية بأن اللوحات الإرشادية تلقاها بكثافة عالية جداً / ولوحة المطار الإرشادية راح تحصلها مثل ما تفضلوا الأخوان ( على شكل طيارة لونها أصفر ).

رحال عازب
رحال عازب
مجرد تدخل البحرين تشوف شعار المطار على اللوح على يمينك واتبعها لغاية ماتوصل المطار.. السؤال... سيارتك وين تبي توقفها... ترا به أماكن مجانيه وأماكن وقوف برسوم... خل ببالك هالشئ

قضت الاسامي
قضت الاسامي
الله يجزاكم الجنة ، شاكرة لكم تعاونكم دعواتكم مانضيع

غطيطة
غطيطة
في شقق مفروشة بمنطقة البسيتين يعني5 دقايق للمطار اسمها زمزم إذا كنتم عائلة فراح تطلع لكم ارخص اظن الليلة ب 50 دينار ما دخلتها بس يمدحونها لأن الموفنبيك والسي لووفت الي بامواج غالي نوعاً ما وانت وراك سفر فلاتلعب بالفلوس....نوفوتيل الدانه سعره انسب شي بالنسبة للفنادق إذا ما كنت تحب الشقق وهو 12 -15 دقيقة للمطار تقريبا .

غطيطة
غطيطة
شقق زمزم بالضبط بجانب الكلية الملكية الايرلندية للجراحين اسأل اي احد عن عنها او عن مستشفى حمد العام (جديد الافتتاح قريبا) تدخل لها شمال على الدوار الي قبل المكتبة العامة بالبسيتين يعني وانت رايح المطار بعد ما تخلص الجسر الي عليه شراعين اول اشارة خذها شمال واول دوار خذ شمال وكمل سيده الا الشقق في وجهك اسأل عن بلدية المحرق او المستشفى مثل ما قلت لك لأنها قبالها والكل بيدليك......اهل البحرين ما يقصرون .


خصم يصل إلى 25%