مشوار
اولا : 20 ريال رسوم الدخول
ثانيا: اجراءات الجمارك السعوديه (تسجيل خروج السياره) يشترط ان تكون السياره باسمك او عندك تفويض سفر خارج المملكه من المرور.
ثالثا: تطبيق النساء. فيه كباين جديده للتطبيق بس العمليه غير منظمه فالافضل ان الاهل ينزلون للغرفه اللي على اليمين و يطبقون داخل.
رابعا: الجوازات السعوديه ولازم تعطيه الجوازات و الورقه الصغيره اللي راح تستلمها من الشباك الاول.
خامسا: بوابه التدقيق و تعطيه الورقه الصغيره ... يتاكد اذا هي ختمت من الجوازات.
سادسا: جوازات البحرين.
سابعا: تفتيش البحرين.
ثامنا: تأمين السياره و يكلف 15 ريال للثلاث ايام او 50 ريال للاسبوع .
و بعدها مبروك تمت العمليه بنجاح.
بما انك اول مره تروح البحرين...
الجسر زحمه على طول بسبب الاجازه. فالازم تعرف الوقت الانسب لدخولك.
اذا ايام الاسبوع من السبت الى الاربعاء .. الصباح بيكون حلو.
اما الخميس ... بالنسبه لي امشي من الدمام الساعه 6 الى 7 الصباح عشان اتفادى الزحمه
الجمعه .. من الصباح الى 1 الظهر ممتاز.
الرجعه ... انت و ترتيبك ما اقدر الزمك بوقت محدد