المخالفة لها طريقة خاصة بالحساب على حسب الكانتونا
وهي مجموع الاميال الزائدة في نسبة محددة
عادة اذا التجاوز 20 كم فراح تكون المخالفة 120 فرنك
المخالفة بتجيك على العنوان البريدي اللي تركته عند مكتب التأجير
وبيكون الدفع عن طريق الكريدت كارد او تحويل بنكي كما هو موضح في ظهر المخالفة
اذا استلمتها وانت في سويسرا فالسداد يكون في اي مكتب بريد

aboaziz
بس عندي سؤال هل مكتب التأجير بيخصم المخالفه دايركت من الكريدت كارد ولا اول بيرسل المخالفه بعدين ادفع؟ علما اني مستأجر عن طريق يورب كار

الحال من بعضه
الله يستر بالطريق من زيورخ إلى جنيف نسيت نفسي لمدة ساعة وكانت سرعتي 120 إلى 140
اخاف حاشتني مخالفة وانا مادري

sout qatar
لا ابدا المخالفة تجيك رأسا على صندوق البريد
شركة التأجير ليس لها علاقة بالموضوع
حتى لو قلت لهم بيرد عليك الموظف ويقول لك بتجيك على العنوان اللي تركته عندهم
اذا معك قارمن او توم توم انصحك بادخال احداثيات الكاميرات

السلام عليكم ..
نفس اللي حصل لي في السنه اللي طافت .. صورتني الكاميرا في النفق .. وكان عندي 3 مخالفات غيرها وحده منهم باركينق .. .. بس ما دفعتهم .. ولما رديت الديره بعد شهر اخصمو من الفيزا والخصم كان من شركة تأجير السياره (Avis) ولما راسلتهم قالو هذي خصم مخالفاتك ودزو لي نسخ من المخالفات .. الاربع ..
بس اللي لاحظته قيمة الخصم الواحد 8 دنانير كويتي (تقريبا 100 ريال) مع ان المخالفه مكتوب عليها 250 فرنك (تقريبا 60 دينار اي فوق ال 500 ريال) .. يمكن التأمين يغطي جزء من المخالفات ؟!! مادري
ودق على شركة التأجير واسألهم وخلهم يدزولك نسخ من المخالفات..
والله اعلم

j.prog
نعم ممكن في حال معاك عضوية افيس او ما وضعت عنوان كامل عندهم
هذا الجدول يبين سعر المخالفة

المخالفة بتزيد بشكل درامي اذا زادت السرعة 30 كم عن السرعة المحددة
الله يكفيكم شر المخالفات
والله لا يوقعكم تحت يد شرطتهم جدا عنيفة في موضوع المخالفات

aboaziz
الله يعطيك العافيه اخوي بوعزيز وزين نبهتني عشان احاسب عالسرعه وماتعداها

j.prog
والله انا اول يوم وصلت فيه خالفوني مخالفة باركنق لاني فكرته اول نص ساعه بلاش (فاهم الموضوع غلط)
بس فنفس الوقت قبل ماحرك شفت الي خالفني ودفعت المخالفه كانت 40 فرنك
وانا مسلم السياره بقوله عن الموضوع
تسلم اخوي عالرد

اهلين بالجميع
ووبصراحة اكيد النفق اللي بعد انترلاكن الموجود بنهايتة اوقبل النهاية تفرع لجهتين
والفلاش احمر بالتحديد وقوي انا كنت ماشي 110ك بس مالقيت مخالفة وتوقعت مثل ماقال اخوي بو عزيز
بس لما سألت الفندق وبالذات الرحال اللي بالرسبشن قال هذا مجرد احتياط وللتهدئة من السرعة وغالبا" مايجي علية مخالفة سوي اذا كانت السرعة خيالية اي فوق 140ك
واكدلي صاحب الفندق لما قابلتة وسئلتة ايضا"
لاتشغل بالك اخي الكريم
وان شاء اللة مايجيك اي مخالفة بس هدو السرعة ياشباب
دمتم بود