جاكرتا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
موهوب القصيم
13-12-2022 - 10:30 pm
بسم الله الرحمن الرحيم
مهما تحدثت ومهما وصفت فلن أوفي تلك البلاد حقها
من ماتستحقه من كلمات وعبارات تصف جمالها وجمال طبيعتها الساحره
لن اتحدث كثيراً بل سأجعل الصوره هي من تتحدث
لأنها اصدق تعبير وأبلغ من يصف جمال ساحرة الشرق إندونيسيا
لم نرتب للرحله بتاتاً لأنها جائت مزحه فتحولت لجد
دخلت على زميلي بمكتبه بالعمل وقلتله قصيت تذكرة اندونيسيا يالذيب يوم طارت عيونه
قال جد والله قلت لا امزح قال وش رايك نروح لنا كم يوم قلت من جدك انت قال انت اجزم وتشوف
قلت تم لأني صراحه ماقد رحت لأندونيسيا قبل كذا قال خلاص شوي واعلمك سعر التذاكر
المهم كلم واحد من اصحابه وسأله عن التذاكر لقاها بسعر مغري جداً 1670 ريال غير مسترده
قالي هاه وش رايك قلت يبيلها راي بعد توكل على الله
قال لصاحبه احجز ثنتين وماقصر حجزلنا وكان وقت الرحله بعد اسبوعين
الزبده انها جت كذا سريع سريع بدون تخطيط ولاترتيب
وقت الرحله
6- 25 / 3 / 1431ه
الناقل الرسمي
الخطوط السعوديه
عدد افراد الرحله
محدثكم ابوغلا وزميلي ابوخالد
الجزء الأول
كان وقت الرحله الساعه 6 مساءً من مطار الملك خالد بالرياض
بعد التوجه وقص البوردنق والتفتيش النهائي كان معي كيس فيه الكميره وبعض الاشياء البسيطه
وكان ايضاً معي اللابتوب للتسليه بالطائره لتضييع الوقت الطويل للرحله والذي يستغرق 9 ساعات بالأجواء
بعد مادخلنا بالصاله الداخليه للأطلاع على البوابه تفاجأنا بوجود معتمرين مُتجهين لنفس البوابه
صراحه انصدمنا لأني يوم اقص التذكره قايلي ابوهنود ان الرحله الرياض جاكرتا؟؟؟
رحنا نشوف شاشة الرحلات المُغادره الا ونلقى مكتوب جده جاكرتا.....يالله وش هالبلوه
مب ناقصين زود وقت للإنتظار يكفي ان الرحله بالأصل طويله
المهم صلينا الظهر والعصر جمعاً وقصراً وبعد وقت قصير اتجهنا للكوفي قلت فرصه نطقطق باللاب شوي
ياولد وين اللابتوب واسأل خويي عنه قال مادري كان معك امير تضيع بي الدنيا قلت هذي اولها
وارجع للأماكن اللي جلسنا فيها واللي صلينا فيه مالقيت شي... قلت خلاص راح الله يعوضنا عنه
بديت امشي عند البوابات واناظر شناط الركاب لعل وعسى اطيح بأحد لاطشه وكله واحد ماشفت شي
رحت لبوابة التفتيش وسألته عن غرفة المفقودات قالي وش مضيع قلتله لابتوب قال وش شايله فيه
قلت شنطه سودا قال وش نوع جهازك قلت دل!!!! صراحه شوي وانط فيه قاعد يحقق مووقته ابي يعلمني وين الغرفه
بس اشوى قبل اتهور وانط فيه قالي شف قدامك الا وشنطتي المصونه عنده امير يطلعن سنوني متر من الفرحه
لأني حاط كل شي املكه من صور وذكريات بهالجهاز ومتحسف عليها
طولت عليكم بالقصه بس صراحه كانت بدايه تضيق الصدر بالنسبه لي بس الحمدلله عدت على خير
المهم طرنا لجده وانتظار ساعه ونصف لأنزال وإركاب المسافرين
وبعدها اقلعنا لبلاد العمه وكانت الساعه 9 ونصف
هذي اول صوره لوجبة العشاء بعد الاقلاع من جده
بداية صباح جديد اصبحنا واصبح الملك لله
مُعانقة السحاب
القرائه لتضييع الوقت الطويل
بدأت بوادر ظهور بلاد الأندومي
احد الجُزر المُوجوده في إندونيسيا
إقتربنا من الهبوط لأرض الجمال والطبيعه
وصلنا وخلصنا من الإجرائات والتفييز
إستقبلنا السائق ومعه النوكته يحيى القزم


رحلتي الى اندونيسيا
التعليقات (9)
AL-MosBah
AL-MosBah
بداية جميلة لتقرير جميل الله يعطيك العافية ويقويك ومتابع معك حتى يحين
الموعد لرحلتنا القادمة وتبقى صورك هي وقودنا وأملنا ..
تحياتي وسلامي لك موهوب القصيم ولخويك ابوخالد ...

سندي محضار
سندي محضار
بدايه موفقه لتقرير رائع
شوقتنا للعمه
واصل اخي العزيز في ابداعك ونحن معك

الكوكب الطائر
الكوكب الطائر
ياسلام عليك بداية رائعه وصور جميله
وجيت على الجرح عند مرورك بالقرب
من مجمع شكرو
واصل متابعين بشوق لهذا التقرير الذي يوحي
باننا على موعد مع تقرير من العيار الثقيل
تحياتي يالغالي

موهوب القصيم
موهوب القصيم
al-mosbah
الاجمل هو مرورك وتشريفك لصفحتي
ربي يسلمك ويسهل اموركم في رحلتكم القادمه
اسعدني مرورك

موهوب القصيم
موهوب القصيم
سندي محضار
شرفني مرورك الكريم اخ سندي

موهوب القصيم
موهوب القصيم
الكوكب الطائر
اتمنى ان يحوز تقريري على رضائكم واستحسانكم
رغم اني لااراه بذالك القوه مقارنتاً بمن هم افضل مني
شرفتني بمرورك الجميل

محمدبن ناصر
محمدبن ناصر
الصراحه بدايه موفقه جدا
اولا من سعر التذكره
وثانيا من ضياع الابتوب
الى الامام موهوب القصيم

M E D A N
M E D A N
أهلا بك اخوي موهوب القصيم
ولله اخذت من اسمك الشي الكثير ماشاء الله عليك واصل التقدم

المحتسب
المحتسب
جميل ان ترى عينيك ماتحب
وجمسل ان تسمع اذنيك ماتحب
لكن الاجمل ان يصاغ لك ماتحب بالطريقة التي تحب
طريقتك سهلة متميزة
تشد القاري وتسهل المتابعة
اخي موهوب
أنت موهوب بالفعل
تابع وسنتابع
واصل وسنواصل
مازالت المتعة في البداية
فلم تبح العمة بكل اسرارها بعد
سنكون بالقرب لنستزيد من استراق السمع والبصر
بداية مثيرة ومثيرة جداً
لك محبتي
اخوك رئيس جمهورية عشاق العمة
ابوتركي


خصم يصل إلى 25%