البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
كويتي 505
12-12-2022 - 04:13 am
السلام عليكم و رحمه الله و بركاته
كيف الحال ان شاء الله بخير
انا ان شاء الله ناوي اجي البحرين يوم الاحد 25_7_2010
انا و عايلتي المتكونه من امي الحبيبه و اخوي الكبير و خالتي و ولدها و انا
احنا 5 اشخاص و كلنا كبار مافي معانا اطفال
و هذي اول زياره لنا للبحرين الحبيبه
و ابي منكم ادلوني على افضل الشقق للعوائل و ياليت تكون كبيره و واسعه تكفي حق 5 اشخاص و تكون مطله على البحر و يكون موقعها زين
و اهم شي تقولولي عن الاسعار كم
و السفره عباره عن 3 ايام و يمكن تنمد الى 4 ايام
و شنو اهم الاماكن السياحيه و الترفيهيه
و شنو الاسواق الشعبيه و التراثيه عندكم و وين مكانها
و المطاعم الي تنصحوني فيهاا
و بئر عذاري ..!! دايما اسمع عنه و امي اموصيتنه انوديها اهناك هذا وين اللقاه و وين موقعه
و ام شي السكن تكون نبيه نظيف و سعره تمام بلييز... و تكون شقق راقيه
و اسف على الاطاله


التعليقات (9)
مـزون
مـزون
هلا فيكم بالبحرين ..
لي رجعه للرد على استفساراتك بالليل والسموحه
وتصفح هالرابط على راح تلقى الكثير ..
https://artravelers.com/p/re/246629

neno
neno
اخوي اللي سمعته ان الخمس نجوم مسويين عروض ب 45 دينار + 20% خدمه

كويتي 505
كويتي 505
مزون
مشكوره و ما قصرتي
و راح اشوف الرابط

كويتي 505
كويتي 505
neno
مشكور على مرورك
و وين موجود الخمس نجوم و يصلح حق عوائل ..؟!

مـزون
مـزون
neno
فعلا اخوي مسوين عرض بهذا السعر لكن للبحرينيين والمقيمين بالبحرين فقط ..
ولازم وقت الحجز تعطيهم البطاقه السكانيه او البطاقه الذكيه للاثبات بإنك بحريني او مقيم بالبحرين ..

مـزون
مـزون
هلا فيك اخوي ..
الشقق انصحكم تاخذون بإليت ريزورت&سبا موقعه بين المنامه والمحرق ..
وعالبحر واسعاره والله ماعندي فكره عنها لكن اتوقع ماهو رخيص ..
وممكن تشوف شقق السومرست او عندك هالتقرير فيه منتجع الدراغون بجزر امواج وفيه شقق مطله عالبحر بالجفير
وبالرد ال71 فيه رقم الاتصال للشقق اذا حبيت تستفسر منهم
https://artravelers.com/p/re/371999

كويتي 505
كويتي 505
مشكوره مزون و ما قصرتي
بس سؤال عن بإليت ريزورت&سبا
الشقق فيها ثلاث اغرف و لا كل وحده غرفتين بس ...؟؟؟؟

neno
neno
كويتي 505
  • فندق الريتز افضل فندق في البحرين ولا اعلم اذا كان العرض يشمله لانه دايما يغرد خارج السرب , لكنه فندق ممتاز في شاطي حلو و سبا يعني منتجع كامل وراقي بالاضافه الى انه قريب من مجمع السيتي سنتر والعالي والسيف ..
  • الشيراتون فندق حلو والغرف مجددينها العام الماضي وفيه مجمع مودا مول اللي فيه بوتيكات الماركات العالميه .
  • فريزر سويتس وهو شقق فندقيه 5 نجوم يتبع لمجمع السيف ..
  • فندق الخليج فندق ايضا ممتاز وفيها برجين برج غرف وبرج شقق قريب في العدليه وقريب من منطقه المقاهي والمطاعم الراقيه في العدليه وقريب من الجفير وفيه مطاعم ممتازه ..
  • فندق الدبلومات ايضا مجدد بالكامل هالسنه وفيه برج جديد عباره عن شقق يوميه ..
  • الماريوت في الجفير شقق فندقية ..

واذا تبي مكان بعدين شوي مسافة نص ساعه عن الديره لكن منتجع ممتاز فيه فلل فخمه وبركه خاصه فعندك البانيين تري مسوين اوفر على الفيلا ام غرفه ب 185 دينار باليوم ..
ملاحظه كل الفنادق اعلاه تصلح للعوائل

كويتي 505
كويتي 505
neno
مشكور و ما قصرت
و عساك عالقوه


خصم يصل إلى 25%