تايلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
حقيب
25-11-2022 - 10:12 am
السلام عليكم ...
مساء / صباح الورد بألوانه ....
حبايبي أنا تزوجت قبل خمس شهور وماقدرت اسافر للأسف لظروف خارجه عن ارادتي والحين الحمد لله الأمور تمام والأوضاع تعدلت وابي اسافر لتايلند شهر عسل متأخر شوي ...
ابي اسئل الحوسني والخبيرين عن تايلند كذا سؤال ..
انا بسافر بتاريخ 5 / 10 عربي يعني بعد عيد الفطر بخمس ايام هل الوقت مناسب والجو مناسب ؟
وابي اعرف اسماء الفنادق الحلوه وانا سمعت عن فندق غرفه على الشاطئ او حاجه زي كذا ؟؟
واي مدينه تنصحون اجلس فيها أكثر ؟ مع العلم ان مدة الرحله من 12 الى 18 يوم ويمكن تزيد على حسب الوناسه ..
وابي اعرف كم التكاليف كامله بالتذاكر ؟؟
وابي اعرف من وين احجز البيكج ؟ انا اعرف واحد بتايلند يقول انا اسوي لك البيكج من مكتب موجود بتايلند ؟ < شرايكم ؟
بصراحه متحمس للرحله هاذي من قلب من تزوجت ماطلعت برا الرياض شبر واحد


التعليقات (9)
الديك الأحمر
الديك الأحمر
مبروك اخوي حقيب وعقبال الزوجه الثانيهذ
وبالنسبه حق تايلند كم حاط لك ميزانيه ؟
وبالنسبه للفيزا إذا هي من المطار راح تكون حق 15 يوم بس اما إذا من السفاره راح بتكون اكثر من كذا
ونصيحتي لك انك تسوي حجوزاتك بنفسك لانك راح توفر عليك اكثر من المكاتب

حقيب
حقيب
الله يبارك بأيامك يالغالي ..
لاياخوي وحده وتسوى دنياي كلها ...
والله الميزانيه انا حاط كل يوم بألف ريال من غير التذاكر .. ومافيه مانع زياده اهم شي أنبسط انا وزوجتي ..
الفيزا والله مدري كيف طريقتها

الديك الأحمر
الديك الأحمر
انا انصحك في بوكيت من آحلى الجزر
وفي منطقة شنغماي منطقة جبيلة وجوها مره حلو
وبانكوك حق تسوق
ولو تبي تعرف اكثر
خذ لك لفه على المواضيع ساعتين كدا وانا متاكد انك راح تتطلع بمعلومات راح تفيدك
وانت ركز بحثك على هاذي المناطق وانشالله راح تشوف الي يسرك
وميزانيتك وايد حلوه
وتقبل مروري

حقيب
حقيب
الديك الأحمر الله يعطيك الف عافيه ماقصرت يالغالي ..
انا طالعت كذا تقرير بس للحين ماني قادر احدد وين اروح لأني ماأدري كم المسافه بين المدن وكيف اروح لها ؟
وابي اتأكد من الجو بالوقت اللي بسافر فيه ؟ هل يكون الجو حلوو والا اتوهق ويصير كله امطار او حاجه زي كذا ؟؟
وهناك استأجر سياره او تكاسي ومدري ايش

mohluv
mohluv
حقيب
بالنسبه للمسافات بين المدن بعيده ولكن في مواصلات متعدده اما طائره قطار تكسي باص كل شي متوفر
والجو طول السنه حلو و معتدل والأمطار كل السنه موجوده لكن امطارهم مافي احلى منها و ماراح تحس بجمالها الا اذا كنت تحت المطر
ولاتفكر في ايجار سياره لانه الطرق والسيارات معكوسه

حقيب
حقيب
الله يعطيك العافيه يالغالي ماقصرت ومشكور من قلب
.. بس عندي سؤال بعد

@نواف
@نواف
اخوي احب بس اوضح لك حاجة بسيطة
ياليت تاخذ الفيزا من السفارة التايلندية بالرياض_حي السفارات
اسهل واجراءاتهم سهلة والفيزا نفسها لمدة شهر
مو مثل المطار راح يعقدونك ولازم تدف بخشيش ولمدة 15 يم فقط
والله يوفقك ياخوي

@ الحنوووون @
@ الحنوووون @
اخوي ابي اعرف ليش ماتستقر في فندق واحد ببانكوك افضل واحلى من هالتنقلات المتعبة ؟؟؟
وبعدين بوكت وشنغماي (( طيران داخلي )) اريح لك ...
ومن ناحية الفنادق احجز عن طريق النت لوكان عندك فيزا لانها ارخص
ولوماعندك فيزا احجز عن طريق موقع رحلات تايلند (( هذا مكتب موجود في النت وموجود في تايلند فقط ))
واحجز عندهم الفنادق الي تبيها ولاتستعجل حتى تسأل عن الفنادق بالتفصيل
ونصيحة هامه جدا لاتحجز الرحلات السياحيه والزيارات عن طريق اي مكتب سواءا كان من موقع
رحلات تايلاند او اي مكتب ثاني ...
انت لمن توصل بانكوك او بوكت او شنغماي راح تلاقي كثير مكاتب مع الصور للرحلات واسعارها
وشوف سعر الرحلات من كذا مكتب وكشك وراح تلاقيها ارخص بكثير ... وطب واختار الي يجوزلك ...
رحلة سعيده

حقيب
حقيب
نواف طيب ماراح يقولون شي لاجيتهم < انا اعرف ان الدوله ممنوعه وبطلع لها عن طريق ابو ظبي ولارجعت جددت جوازي عن طريق معرفه وخلاص .. ياليت توضح أكثر يالغالي ..
الحنون .. الله يعطيك الف عافيه ونصائحك استفدت منها وبسوي اللي قلته لي والله يجزاك خير .. .. الحنون طيب انا اعرف واحد سعودي بتايلند ويقول لي عطني تاريخ حجوزاتك والباقي علي انا اضبطك عن طريق مكتب بتايلند يعرف صاحبه شخصياً بنص سعر المكاتب المعروفه بالسعوديه


خصم يصل إلى 25%