ياانتظاري
12-12-2022 - 07:14 pm
السلام عليكم
شخباركم حبايبي
انا ان شاء الله باجي للبحرين يوم الاحد لحالي
والسبب لحالي للراحه والاستجمام
وش الاشياء اللي تنصحوني اروح لها
يعني مثلا الملاهي المائيه والسيف
عطوني كذا اشياء حق 3 ايام
ووين اسكن فيه
مااحب شي يكون غالي مره ولا ابي شي رخيص مو حلو
بالنسبة للمدن المائية عندك جنة دلمون المفقودة وهذي بعيدة عن المنامة حوالي 30 إلى 40 دقيقة , وعندك كذلك واهو وهي مدينة مائية واقعة في مجمع البحرين سيتي سنتر , والسيتي سنتر يبعد عن مجمع السيف حوالي كيلومتر واحد إلى الشرق منه ,
تقدر تحصر زيارتك في هالثلاثة أيام في ضاحية السيف إذا ما كنت حاب تبتعد , أو تقدر تنزل ضاحية العدلية فيها أرقى المقاهي والمطاعم وعندك منطقة الجفير بعد فيها شارع تجاري يزخر بالمطاعم والمقاهي المفتوحة 24 ساعة وهو أكثر شارع فيه حركة بالبحرين بعد منتصف الليل ,
إذا كنت تحب البحر والشواطئ حيث السباحة والاستجمام تقدر تسكن أحد الفنادق أو المنتجعات الشاطئية مثل الدانة نوفيتيل أو اليت سويتس وهم قراب من ضاحية السيف يمكن مسافة 5 إلى 10 دقايق يعتمد ع الزحمة ,
بالعودة إلى فندق ( فريزر سويتس ) الكائن في مجمع السيف , عن طريق الرابط التالي راح تحصل كل المعلومات :
http://www.all-hotels.com/book-hotel/Fraser+Suites+Seef+Bahrain-Bahrain-Middle+East/796177/8
أوقات سعيدة وحياكم الله بين أهلكم ,
,