البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
تيهو
14-12-2022 - 06:15 pm
السلام عليكم أخواني البحرينين (:
أنا مسافره بإذن الله للبحرين ولأول مره ((:
حبيت آخذ مشورتكم ..أفضل أسكن بالبحرين والا بالخبر ؟! علماً بأني ابي غرف فندقيه سعرها مايتعدى 500 ريال
وياليت تخبروني كم تحتاج البحرين من يوم .. يوم ، يومين ، ثلاثه ؟
ويارب ننبسط بسفرتنا ويتهنى الجميع بإجازته (:


التعليقات (9)
eyesmax
eyesmax
و عليكم السلام
بالنسبه للسكن .. خلكم في البحرين لان شقق الخبر حالها كحال باقي الشقق في السعوديه (ارتفاع الاسعار بسبب الاجازه)
و اخيرا ... في ناس يقولون يوم و احد كثير على البحرين و فيه ناس لو يجلسون 10 ايام طلعوا لهم برنامج..

Mezajee_KSA
Mezajee_KSA
اسكنوا في البحرين بمنطقة الجفير خلف جامع الفاتح بتلقون انظف الشقق
او بالقرب من مجمع الدانه في شقق جديده مقابل مركز المعارض بالضبط
وانا اقول البحرين تستاهل 3 ايام بدون الجزر
عندك مجمعات حلوه مثل السيف والسيتي سنتر وفيهم سينما تاخذ من وقتكم
وفي ارض المرح عالكورنيش ملاهي للصغار وفي جنة دلمون المفقوده حديقه مائيه تستحق يوم كامل وفيها يوم نسائي اتوقع
والتمشي بسوق المحرق وشراء الحلوى والمتاي والمكسرات اللي ماتلقونها الا بالبحرين له نصيب
واكثر واكثر من وطن الامان ياجعلنا ماننحرم منه (l)

إحساس هاديء
إحساس هاديء
أحسن اسكنوا في البحرين لأن طلعة الجسر يومياً احسها متعبه
وخاصة لو كان فيه زحمه ..
وأسكنوا في منطقة الجفير ..
منطقه حلوه وجديده .. وفنادقها نظيفه ورخيصه ..
وتكفيكِ 3 ايام في البحرين عشان تشوفيها كلها ..
اهم شي الستي سنتر ..
فيه كل اللي تبيه من مطاعم كافيهات .. سينما .. محلات ماركات كل شي فيه
ولاتنسي تجربي كوفي مايا

تيهو
تيهو
أخ eyesmax .. تسلم ع المشوره الله يجزاك خير (:
Mezajee_KSA.. الله يوفقك ع كلامك الحلو ..قريت منطقة الجفير كثير بهالمنتدى ، هل هي نظيفه ومافيها اعمال بناء ؟؟ عطني اسماء لفنادق هناك
وبالنسبه للفنادق اللي عند الدانه إذا ماعليك كلافه ممكن تعطيني اسماء لهم :$
رأيك احجز قبل وإلا اروح هناك أدور وأختار ؟
عندي سؤال .. وشو المتاي :$ :$
إحساس هادئ .. الله يعافيك ع هالمشوره الزينه ومايا قريت عنه كثير ، أبد إذا اكلت فاوندو ثوبت لك D":

eyesmax
eyesmax
تيهو ... دام انك اول مره و انا لي خلق اشخبط ... سمعي ما يلي ... بس في الاخير انتي و المزانيه (مالي شغل)
اماكن لازم تروحين لها .......
1- سينما السيتي سنتر ... لا تدخلين غيرها ... و انتي داخله خذي ناتشوز مع هلابينو و جبن.
2- كل يوم لازم تفطرون و خلوكم من فطور الفندق...و الاهم بدري يعني ثمان و نص او تسع ... في الزاويه عند السيف في شي مربع على مستطيل مكتوب عليه لا شوكولا ... الاومليت الاطالي عندهم على مستوى.
3-فطور اليوم الثاني خلوه في السيتي سنتر ... في paul في الطابق الثاني ... في عندهم بيض عيون مع بيكون و مشروم.
4- في محل في الطابق الارضي .. اسمه بنك بيري .. يوقرت ايسكريم ... يعني اسكريم روب ههه
لا يفوتك مع الفواكه
تعبت
اصابعي عورتني

تيهو
تيهو
eyesmax
وناسه ليت الكل يصير عنده خلقك ويشخبط زيك يسلمو ()
ناوين ع سينما السيتي سنتر بإذن الله بس ابي فيلم يسوى ، يكون حماس واكشن .
paul جربته بدبي تقهويت فيه مرتين عاجبني الكلير حقهم مره لذيذ
بنك بيري هذا وين .. عرفنا انه بالطابق الارضي بس تبع اي مركز D:
وش تعرف عن مودا مول اروح له والا ماله داعي ؟؟
ليه وقفت ، عندي أمل بترجع وتكمل لي اقتراحاتك الجميله ^^

eyesmax
eyesmax
  1. طبعا الاسكريم في السيتي بعد.

  2. بسم الله .....


السلام عليكم .... و صباح الخير
سوري .. امس كنت بكتب بس صادني شد عضل في صبعي و رحت المستشفى و نوموني ههه

طبعا الاسكريم في السيتي بعد.

بسم الله .....

لا تنسين تمرين على ليلو كافيه ... لهم فرعين و الاسهل لكم اللي في مجمع العالي (بس خارجي) عندهم حلا اف. و اكلهم لذيذ و اللي يعجبني فيهم ان البورشن حقهم صغير و طعمه مركز. و كا نصيحه اخويه لا تروحون له من بعد العصر.
و بالنسبه للدسم....في مطعم هندي اسمه لانترس .. من احلى المطاعم الهنديه (هذا يكون في ما يلي) و انتو متجهين للسيف من السعوديه ... الكبري اللي قبل السيف و انتو فوقه بتشوفون مطعم برجر لاند و لا مارين على اليسار .... هو جارهم. المطعم فيه مشروبات روحيه ههه عجبتني روحيه ... بس لا تشيلون هم لانه محد يسكر هناك.
م .. تذكرت .. و انتو في السيف ( اذا دليتوه خ) في الطابق الثاني جهة المطاعم القديمه اللي هي جنب التوسعه فيه ممر يوديكم على التوسعه.. و انتو في اللفه خ بتلاقون محل يسوي ناتولا كريب ... ادعيلي .. بس قبل خذي كابتشينو من كاريبو اللي مقابله و بدون سكر لول.
في السيف .. الطابق الارضي ... جنب مارك سبنسر و لاسنزا في مطعم ياباني ... يسوي قهوه عربيه (مدري وش يبي) بس حلوه كافاصل اعلاني.
بس و حمدي ربك على جرعة اليوم خ
بفكر اذا ارجع اكتب او لا...
بالعربي على حسب توسلك الي ايتها الفتاه

رحال عازب
رحال عازب
تيهو
دائما .... السكن أزين بنفس البلد أزين ..لأكثر من سبب .... تأخرت / تعذرت عليك الرجعه / قابلت معارف / موعد أو مناسبه أو معرجان يقام متأخر أو يمتد لساعات متأخرة.. كثيرة الظروف وفي العموم السكن بالبحرين لك أجمل... ويمكن لأنها أول مرة ظنيتي ال 25كلم سهله .... لكنك أول مرة تقصينها وقتها تقررين وين السكنى ؟

تيهو
تيهو
eyesmax
ههه ههه ههه
ماقصرت ماقصرت كفيت ووفيت ربي يرضا عليك
أجل رايك اروح للمطعم الياباني أشرب من عندهم قهوه عربي ههها
وش اسم الحلى اللي عند ليلو ؟ ترى فاتحه صفحة مفكره واكتب المطاعم والاصناف اللي رشحتها لي خ
طيب اقترح علي اسماء افلام نازله هالفتره عشان ماندخل ونقعد نتحلطم ونحط حرتنا بالناتشو p:
والطلب الاهم .. عطني اسماء اماكن نسكن فيها أجنحه فندقيه او غرف مرتبه ونظيفه .. عشان اروح ع جاده مو ع عماي /:
يلا عاد عقب هالطلبات ماترد!!!


خصم يصل إلى 25%