scorpion85
17-12-2022 - 09:43 pm
السلام عليكم ورحمة الله وبركاته .....
اول شي فكرة السفر للمالديف من زمان في بالي بس ما حصلت لي الفرصة ... و بعد ما شفت ان هالصيف ما عندي اجازه ... وشهر اغسطس رمضان .. قررت اني اسافر سفرة قصيره لدولة عجيبه D:
شفت الاسعار لجزر المالديف في السفريات .. وعند الاماراتية للعطلات والاسعار كانت نار
قررت اني اشوف الاسعار على النت قبل لا ادفع للسفريات ..
والحمدلله حصلت تذاكر على السيريلانكية لشخصين ب 444 دينار كويتي
بديت ادور الفندق المناسب وعجبني فندق انانتارا .. ودخلت موقع الفندق .. وعجبني اكثر اني اقدر احجز البوت من الموقع ..
بحثت عن الفندق بالنت وعن خدماته والشي اللي كان مميز فيه انه يشتهر بكثرة النشاطات البحرية
حجزت واتر فيلا والصراحه كانت روعه ؛)
رحلتي الى الجزر السياحية
Anantara
الفندق يقع في جزيرة Dhigufinolhu .. ويحتوي الفندق على ثلاث منتجعات وهم : Anantara Dhigu ( اللي حجزت فيه )
Anantara Veli
Naladhu
وفي منتجع رابع تابع للفندق يفتح شهر 12 ان شاء الله Anantara Kihavah
أنواع الغرف الموجوده بالفندق
Sunrise Beachfront Villa
سعر الليلة شامل الافطار USD 560.00
وهذي صور الغرفه