البحرين المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
saalh123
12-12-2022 - 08:14 pm
السلام عليكم
اسعد الله اوقاتكم
انا مسافر ويا ابوي واخوي للبحرين بعد اسبوع تقريبا وتعتبر اول مره نزور فيها البحرين
  • نبي شقق تناسبنا وتكون قريبة من عيادة الشافعي .
  • وصف للعيادة وموقعها .
  • مطاعم عراقية مميزة .
  • سمعنا بشارع الالكترونيات ونبي نروح له وين مكانه .
  • اي نصايح اخرى .

ادري كثرت عليكم لكن سامحوني
شاكر لكم مقدما تفاعلكم
تحياتي


التعليقات (5)
مـزون
مـزون
الشافعي بمدينة عيسى وهي منطقه تعتبر سكنيه ..
اقرب فندق هو قصر رفيرا وماحوله شي من مطاعم او سوبرماركت ..
ممكن تسكنون بضاحية السيف وتطلعون منها عالهاي وي وتمسكون مخرج مدينة عيسى ..
انصحكم بشقق اللاند مارك فرع ضاحية السيف وللأسف ماعندي اي وسيلة اتصال ..
والمطاعم العراقيه فيه الملح والزاد بشارع المعارض ..
والسموحه انه ماعرف الشافعي بالضبط وين موقعه ان شاءالله حد يفيدك ..

فـيـصـل
فـيـصـل
بالنسبة للشافعي في مدينة عيسى
وانت جاي من السعودية، واصل قدام بيجيك مخرج "المنامة وضاحية السيف"اتركه، فيه مخرج بعده اللي هو "مدينة عيسى"
هذا ادخل معه يمين وامشي بتجيك اشارة اتركها بعدها تمشي مسافة ويجيك تحويلة خلك ماشي قدام لحد ما توصل
لدوار، ادخل معه يسار اللي هي ثالث فتحة بالدوار (لأن الدوار يربط خمس شوارع) امشي مع هالشارع(بيكون على يمينك
جامعة البحرين ووزارة الإعلام)واصل لحد ما يجيك دوار خذ يوتيرن معه وارجع امشي شوي بتشوف عمارة الشافعي على
يمينك لكن المدخل جوا الحي، شوف اقرب مدخل للحي وارجع له..وإذا فيه شيء مو واضح علمني

saalh123
saalh123
اختي مزون شكرا لك وتقبلي تحياتي
اخوي فيصل شكرا لك وتقبل احترامي
بغيت اسال عن السكن المناسب وين لوجود الوالد معي حفظه الله ولا يستطيع المشي كثيرا
وكذلك هل يوجد شارع مخصص للالكترونيات واذا مافيه ابي محلات جوالات واجهزة ملاحة وايكوم

eyesmax
eyesmax
وصف الاخ فيصل سليم 100% و هذا اقرب و اسهل طريق.
بالنسبه للشقق .. مثل ما قالت مزون ريفيرا اقرب شي و حلوه
بالنسبه للمطاعم .. انا بتكلم عن الاقرب لك ... شفت الدوار الاخير .. بدال لاترجع يو تيرن كمل سيده .. هذا اسمه شارع الاستقلال و يوديك جهة سند و الرفاع. بعد الدوار اشاره بعدها بتشوف الابراج و مقهى البنديره و مطعم ملح و فلفل و غيرها ...لو تكمل سيده بعد الاشاره الثانيه بتشوف على اليسار ذي سنتر و هو مجمع صغير و فيه بقاله جواد و مطاعم فاست فود و بيتزا و تشيلز.
و من الاشاره الاخيره لو تلف يمين بويديك جهة الواحه مول ... (سنتربوينت و بعض المحلات) و لو تلف من عند الواحه يسار و مع الاشاره الثانيه تدخل يمين بتروح عند اللولو و هي عباره عن هايبرماركت و فيها مطاعم حلوه بعد.
اما الالكترونيات و الجوالات و بصفتي سعودي مقطع البحرين و دواعيسها ... السعوديه ارخص
تذكرت شي ... بالنسبه لرفيرا اذكر ان اللفت يفتح على منطقه لازم بعدها تركب الدرج للوصول الى الشقه. اذكر ان ابوي الله يرحمه كنت حاجزله هناك يوم زواجي و كان على كرسي ... فاشلنا بالكرسي الى فوق...
تاكد اذا يناسب ابوك او لا.

saalh123
saalh123
شكرا اخوي eyesmax
افدتني كثير يعطيك العافية


خصم يصل إلى 25%