البوسنة والهرسك المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
لبا قلبك
11-09-2022 - 01:24 pm
السلام عليكم ورحمة الله وبركاته
انا محتار بين اندونيسيا و البوسنه والهرسك
شنو تنصحوني فيه
اروح اندونيسيا ولا البوسنه والهرسك
مع العلم ان احنا شباب
لاتقصرون معاي بنصائحكم الله يحفظكم
وشكرا


التعليقات (8)
لبا قلبك
لبا قلبك
اخوي ابو محمد انا رحت تايلند
بس بغيت اعرف اي احلى تايلند ولا اندونيسيا
عشان اذا تايلند احلى يعني ماله داعي اروح اندونيسيا
وشكرا

alma3ani
alma3ani
عزيزي ممكن اتقولنا عن سبب اختيارك لدولتين الصراحه اشوف وفي دول افضل منهم
انا اقول عطني الميزانية الكامله وعدد الافراد وعدد الايام ووقت السفر بظبط والدول الي سبق وزرتها وطلباتك في الدولة الي تبي اتروح لها وان شاءالله راح انساعدك
وتايلند احلى من اندونيسيا ومتطورة اكثر منها

لبا قلبك
لبا قلبك
الميزانيه 700 دينار كويتي من غير التذكره
وانا رحت تايلند واسبانيا ومصر وسوريا ولبنان ودول الخليج
المده من 10 ايام الى 14 يوم وعدد الاشخاص 3 شباب
وسبب اختياري الدوليتن
منتدى المسافرون العرب لاني قعدت اشوف تقارير البوسنه واندونيسيا
طلباتي ان البلد يكون حلو وفيه رحلات ومناظر طبيعيه ووناسه
وشكرا على تفاعلك معاي

alma3ani
alma3ani
عزيزي 700 دينار يعني 7 الاف ريال او بدينار الكويتي بين ال 9 الاف الى 10 الاف ريال لهشي نوعا ما حلوة بس سؤال عزيزي هل هي لكل شخص ولا للكل
طيب اشرايك اتروح لماليزيا واتقوع الميزانية بتكفي وهي حلوة بنسبة للبوسنه والهرسك للامانه ماعرف عنها اشياء وايد شفت عنها تقرير مره بس مادري حسيتها طبيعه وبس وممكن اتمللون منها ومو مطوره وايد ولا تنسها انها من دول اوربا الشرقية يعني لك عليهم
انصحك اتروحون ماليزيا وسنغافورة او ممكن اتروحون عن طريق قروب سياحي ليطالية واتلفونها كلها وممكن الميزانية اتكفي

لبا قلبك
لبا قلبك
لكل شخص 700 دينار من غير التذكره
وانا رحت ماليزيا مرتين
واحس انها عائليه ماتصلح للشباب
انزين اخوي شرايك بالنمسا (زلمسي)

ثلجة من جبال الألب
ثلجة من جبال الألب
زيلامسي تجنن لاتفوتك أستأجرو سياره واسكنو بالارياف وروحو معها انسبورك وانترلاكن يعني الوصول فينا والعوده من جنيف او باريس
بالتوفيق

لبا قلبك
لبا قلبك
اكثر الناس ينزلون في ميونخ وياخذون سياره ويروحون زيلامسي

alma3ani
alma3ani
انا بعد انصحك تنزل في ميونخ لان المسافه اقرب وزلامسي حلوة بس حدها 3 ايام لانها قرية بس ميونخ حلوة وانا احبها
وتقدرون تطلعون من بعد زلامسي الى سايسبورغ


خصم يصل إلى 25%