استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
Do-oF
11-09-2022 - 12:23 am
السلام عليكم ورحمة الله وبركاته ..
بصراحة يسعدني اني انضم الى هذا المنتدى الرائع ..
رغم اني من اشد المتابعين له من 5 سنوات .. وتوني افكر اسجل ..
على العموم احب اطرح استفساري ..
وبصراحة تعبت من التفكير وقلت خلني اشاوركم ..
احنا 2 او 3 شباب .. نفكر بسفرة حلوة .. ونستمتع .. يعني اسواق وملاهي ومتاحف..
فاحترت بين عدد من الدول .. والمشكلة وقت السفر ما اعرف كيف تكون الاجواء بهذي الدول ..
وقت السفر هو بداية شهر 10 هجري .. يعني بعد شهرين ونص ..
فاحترت ما بين تايلند .. لاكن المشاكل الي فيها .. غيرت رأيي ..
والخيار الثاني هو لندن وباريس .. وهذي اول زيارة لي لاوروبا ..
او استراليا بس المشكلة البعد .. ودولة كبيرة يبي لها تنظيم قوي .. وبعد المسافه بين المدن خلاني اتردد كثير ..
فياليت كل واحد يعطيني رايه ..
حتى لو بدول غير الدول الي كتبتها ..
بس يراعي وقت السفر الي هو 10 هجري .,.
والميزانية لكل شخص 20 الف او تزيد قليلا .. ما ادري هل تكفي لسفرة يعني 20 يوم او 22 يوم بهالحدود ..
.. لاتخيبون ظني باول موضوع لي
وشكرا لكم ..


التعليقات (9)
hkmoosawi
hkmoosawi
عليكم بشرق آسيا ، وممكن تزورون أكثر من دولة في سفرة وحدة باستعمال الطيران الإقتصادي وعلى رأسهم طيران آسيا

© LadyBird
© LadyBird
اذا تبون 20 يوم وبهالميزانيه شرق اسيا افضل مكان عشان تفلونها وتسون كل اللي تبونه ويمكن يزيد معاكم المبلغ وترجعون بفليسات
وتايلند مافيها اي مشاكل كل شي انتهى وحمدلله وان شاء الله باجر بكون فيها
والجو بيكون في اوروبا بارد

alma3ani
alma3ani
مرحبا اخوي انا اقول شي شرق اسيا من راسك ولان مدتكم طويله
رايي يا اتروحون اوربا يا اتروحون استراليا
وانا ارشح استراليا اكثر والميزانية حلوة وان شاءالله راح تكفي
وبلعكس لا اتخاف ولا شي انا رحت استراليا وانا عمري 20 سنه ومامعاي الا بنات ومع ذالك مشت امورنا وقضينا احلى شهر ونص اهناك
والمسافه لا اتخوفك ولا شي لان التنقل بطياره وحتى شرق اسيا التنقل بكون بطياره يعني الطياره فيك فيك
وافضل المناطق غولد كوست وملبورن وسدني ووقتكم بكون حلو وايد بستراليا وبكون بداية الربيع والجو حلو فيها
وفيها السوق ودن الملاهي والشاطئ والرحلات وكل الي تبونه
بنسبة لاوربا لو تبيها انصحك اتروح بقروب سياحي علشان اتمرون اكثر من مطقه وممكن اتروحون عن طريق الباخرة الكروز واتمرون اكثر من منطقه اهناك
بس ماتوقع ان المبلغ بكفيكم لمدة 3 اسابيع باوربا بحكم انها غالية وخصوصن لندن نار وبعدها فرنسا وسويسرا غالين واذا تبي ارخص ممكن اتروح المانيا وبلجيكا والنمسا يعتبرون ارخص من الدول الي قبل وكلهم حلوين
وعلى العموم عزيزي اي استفسار انا بلخدمة وانا رايح لستراليا وشرق اسيا واوربا
واقتراحي لك استراليا وانت مغمض

ابو عبدالعزيز امريكا
ابو عبدالعزيز امريكا
السلام عليكم
انت تقول رايكم وانا ابقول رايي شف تبي توسع صدرك وتحس انك تصرف فلوسك في شي يستاهل لا تعدى شرق اسيا واذا سفرتكم 22 يوم وزعها بين تايلد وماليزيا او بين تايلند واندونيسا والمبلغ الي قلته مهوب واجد وبس الا متعدي يا اخيي وشرط ان ترجعون بنصه وقل ما قاله ابو عزوز
اذا تقول شرق اسيا ما ابيه استراليا سيدني وقولد كوست ويبي يكفيكم فيها 12 يوم اربع ايام سيدني و8 ايام قولد كوست ثمن تكملون الجولة في ستغافورا يعني تصير في خط رجعتكم
ونصيحة شخصية ابعد عن اوربا اقسم بالله هرطقه على غير سنع اقسم بالله تحوم التسبد ولا تسوى دفع ريال الا اذا انت راعي مظاهر وتبي تقول ايه والله رحت باريس ايه والله شريت من لندن ايه والله صورت عند بحيرة جنيف فهذا شي ثاني ولاكن اذا انت منتب راعي مظاهر ومن ها الي يحس انه ناقص ويحاول يكملها بها الامور شرق اسيا لا اله الا الله تايلند ما تنتفوت واختر معها يا ماليزيا يا اندونسيا
وعلى العموم الله يوفقك انت والربع وين ما رحتو

فهد330
فهد330
هلابك اخوي الكريم
ميزانيتكم روعة و وقتكم اروع
اضم صوتي للاخوة الكرام _ شرق اسيا ولاحظ الاغلبية رشحت لك شرق اسيا
طبعا في كلمة قالها اخوي ابو عزوز والله انها في الصميم (( اذا تبي تكشخ وراعي مظاهر )) رح اوربا
واذا انت وسيع صدر وتبي تنبسط وترجع بنص المبلغ عليك بشرق اسيا (( تايلند وخاصة بكت _ اندونيسيا وخاصة بالي))
الله يسهل امورك

abumohmd
abumohmd
عن تجربة
تايلند حلوة وتستاهل
بس خليك بعيد عن بانكوك

Do-oF
Do-oF
بشرق آسيا ، وممكن تزورون أكثر من دولة في سفرة وحدة باستعمال الطيران الإقتصادي وعلى رأسهم طيران آسيا
الله يعطيك العافيه . ..
قرار سليم ..
والله ان شرق اسيا فعلا دول .. ماتمل منها .. كل مرة تجي تحصل شي جديد ..
شكرا لك

Do-oF
Do-oF
اذا تبون 20 يوم وبهالميزانيه شرق اسيا افضل مكان عشان تفلونها وتسون كل اللي تبونه ويمكن يزيد معاكم المبلغ وترجعون بفليسات
وتايلند مافيها اي مشاكل كل شي انتهى وحمدلله وان شاء الله باجر بكون فيها
والجو بيكون في اوروبا بارد
هذا الي يبي يصير باذن الله ..
مشكور يالغالي

Do-oF
Do-oF
مرحبا اخوي انا اقول شي شرق اسيا من راسك ولان مدتكم طويله
رايي يا اتروحون اوربا يا اتروحون استراليا
وانا ارشح استراليا اكثر والميزانية حلوة وان شاءالله راح تكفي
وبلعكس لا اتخاف ولا شي انا رحت استراليا وانا عمري 20 سنه ومامعاي الا بنات ومع ذالك مشت امورنا وقضينا احلى شهر ونص اهناك
والمسافه لا اتخوفك ولا شي لان التنقل بطياره وحتى شرق اسيا التنقل بكون بطياره يعني الطياره فيك فيك
وافضل المناطق غولد كوست وملبورن وسدني ووقتكم بكون حلو وايد بستراليا وبكون بداية الربيع والجو حلو فيها
وفيها السوق ودن الملاهي والشاطئ والرحلات وكل الي تبونه
بنسبة لاوربا لو تبيها انصحك اتروح بقروب سياحي علشان اتمرون اكثر من مطقه وممكن اتروحون عن طريق الباخرة الكروز واتمرون اكثر من منطقه اهناك
بس ماتوقع ان المبلغ بكفيكم لمدة 3 اسابيع باوربا بحكم انها غالية وخصوصن لندن نار وبعدها فرنسا وسويسرا غالين واذا تبي ارخص ممكن اتروح المانيا وبلجيكا والنمسا يعتبرون ارخص من الدول الي قبل وكلهم حلوين
وعلى العموم عزيزي اي استفسار انا بلخدمة وانا رايح لستراليا وشرق اسيا واوربا
واقتراحي لك استراليا وانت مغمض
والله يالغالي ردك هذا شجعني كثير لاستراليا ..
لان الناس حطموني بعيدة وبعيدة ...
فشلتها من راسي ..
لاكن امنيتي ازورها ..
الله يعطيك العافيه وماقصرت ..


خصم يصل إلى 25%