عتيبي برشلوني
15-12-2022 - 03:05 am
السلام عليكم ورحمة الله وبركاته
يسعد صباحكم-مسائكم
شخباركم ربي يحفظكم
ابي منكم خدمة يااهل الرياض رجال ونساء
ابي قاعة زواج قصر افراح طبعا
تكون رومنسية والوانها راقية
واسعارها مناسبة
وخدماتها وموقعها لو تكرمتو
ابي لو تكرمتو تطرحون كذا اسم مع السعر والخدمات
والسعة الاجمالية للقاعة والله يحفظكم ويرعاكم
انتظر ردودكم بفارغ الصبر
ووفر وسافر باللي بتحجز فيه القاعه لفه على أوربا ههه أمزح الله يوفقك
بالنسبه للشمال طبعا الفنادق شغل رايق بس الأسعار حسب الكرسي 250 وفيها فندق مينا مرتب شفت له صور
قاعة دره الليالي مرتبه وحلوه على طريق الملك عبدالله متجه شرق سعرها ب30000 ألف
المقصوره غاليه نار بس فخمه 100 وفيها
اليخت في الشرق ب60000الف
الغرب عندك قاعه رويال بثلاثين ويراعي مهوب يخالف
القلعه 17 وفيها بس عاديه
قاعة ليلتي 25 وفيها ومهوب شينه
والعرس بالنسبه للرجال الطبخ الزين
والحريم الحلا والعصير وتزيين الطاولات والكوشه والطقاقه ههه سوالف اللي عندي
والباقين بيفيدونك هذي اللي سبق وشفتهم