نيوزيلندا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الحنــــــونة
17-12-2022 - 02:09 am
السلام عليكم ورحمة الله وبركاته ..
أخواني واخواتي بعد رحلة 3 شهور للدراسة في نيوزيلاند وبالتحديد إلى كرايستشيرش حبيبت قلبي .. أنتظروا تقريري بإذن الله بالقريب العاجل .. لان نفسيتي تعبانه من العودة والرجوع إلي الوطن والحر ..
تحياتي لكم أختكم
الحنونة


رحلتي الى نيوزيلندا
التعليقات (8)
حرف الياء
حرف الياء
يا هلا فيك خيتو
نتظر التقرير
فلا تتأخري علينا
موفقه إن شاء الله

المسافر 277
المسافر 277
ولماذا الحزن هذي سنة الحياة
انا الآن بنيوزلندا ولي شهرين تقريباً وحنيني الى الوطن بحره شي لا يوصف
والله يعين باقي 10 شهور

Thamer ~
Thamer ~
ف إنتظار التقرير أختي ومعذوره ف إشتيآقك
تحيآتي

المسافر عربي
المسافر عربي
الله يكون بعونك ان شاء الله

خالد الزبيني
خالد الزبيني
ننتظر التقرير ومشكورة أختي مقدما

شرق و شرق
شرق و شرق
الحمدلله على السلامه وشكلنا نبي نشوف تقرير رائع مثل تقارير الاخوان السابقه .
ننتظر لا تتوخرين

GSXR
GSXR
مشكور والحمد لله على سلامتك وننتظر التقرير ..

الحنــــــونة
الحنــــــونة
  1. بسم الله الرحمن الرحيم


بسم الله الرحمن الرحيم

آسفة أني طولت عليكم يا أخواني وأخواتي بس من يوم ما وصلت ليه تاريخ اليوم أنا كملت تقريبا شهرين وكم يوم لكن والله لو أحلف من هني ليه بكره ما اوصف لكم شكثر انا مشتاقه لهذيك البلد .. وجد نفسيتي تعبانه .. طبعا هذا ما اعتقد يمر على كل حد في ناس وايد قابلتهم يقولون ودهم يرجعون ومشتاقين اهلهم .. لكن بأمان البلد امان من الدرجة الأولى انا بنت والحمدلله ما صابني اي مكروه ..
بس ببدأ قصتي من يوم ما طلعت وليما رجعت .. ام اولا كان إختياري لكرايستشيرش من شخص عزيز واثق في اختياره ولله الحمد .. بصراحة ما كنت متحمسه وايد بس بعد المنتدى إلي اكثر من رائع خلاني اشتاق لذيك الديره بدون ما اشوفها ولا أعرف عنها شي وبالاخص للأخ الفاضل المظلوم ... حجزت كل شي من الديرة يعني معهد و سكن وعيله طبعا لي وجبتين في اليوم والويك إند ثلاث وجبات ... طبعا انا بكتب كل شي بالتفصيل الممل وبعدين اكتب النصائح المهم حجزت التذكره على الخطوط السنغافورية الصراحة كانت حلوة وبالنسبه لكل الخطوط في موظفة تكون معاك في اي مطار توصله بس بالطلب يعني وانت تحجزون صراحة فادتني لان مطار سنغافورة كبير ولازم في الروحة يكون حد معاك بس والله بالرده ما حتجتلهم .. بس الحلو في هذا الشي ان لو مثلا الطيارة تبي تتحرك وانت مو عليها ينادونك ويدورون عليك ليما تركب الطيارة يعني مثلا كان في ترانزيت طويل وانت نمت او راحت عليك نومه مثلا لا تخاف لان بتجي تطق بابك ، بعد ما ركبت الطيارة كانت الرحلة طويله استغرقت يومين مع الترانزيت بس من كثر ما انا متشوقه والله ما حسيت في الرحلة ابدا ولا بتعبها وما نمت إلا في فندق في سنغافورا وحتى ما قدرت أنام إلا تقريبا اربع ساعات مع ان كان الترانزيت 13 ساعة ههه كل هذا شوق .. وما رديت ان الشوف بيذبحني ههه وبعد ما طلعت من مطار سنغافورا وكان عدد الساعات 10 للوصول قعدت من فيلم ليه فيلم علشان لا انام .. والحمدلله وصلت إلي المطار وكانو لطيفين جدا فوق ما تتخيلون صح وعطونا استمارات نعبيها في الطيارة قبل لا نوصل مطار كرايستشيرش بس انا خذت النصيحة من الاخوان إلي في المنتدى ان لو في اكل لازم تكتب علشان ما يسوولك سالفة وإلي ما يعرف عنجليزي اقلب الصفحة وتلقاها عربي سبحان الله ههه وتغش شوي ، وبعدها نزلت المطار والله دلع في دلع لان لا تنسون موضوع الخطوط والموظفة إلي تنتظرني مسكت اوراقي حسستني كني دبلوماسية أحم أحم وبعد ما عطتهم جوازي التفت حول لقيت نفسي وحيده بغيت اصيح وصلت عند حق الشنط قالي يو هافي اني فود قتله يس يو كان شيك قالي شنو بالضبط عندك طبعا انا اعرف انجليزي بس ما عرف شنو حب او فصفص بالإنجليزي .. المهم اضطر ان يفتح الشنطه وشاف قال حركات العرب حتى فصفص جايبين .. المشكله ما اقدر استغنى عنه والأهم منه اني ما ذقته ههه بعد ما خلصنا من موضوع الاكل قال طلعي اللابت توب بس مررته تحت جهاز وقالي في حفظ الله ورعايته توكيلي يعني لا فتحو ولا شي وانا مسوية إحطياطي وماسحة كل البرامج وحطيت برامج اصلية .. المهم اول ما طلعت من الباب شفت اسمي على لوحة ..
وللحديث بقية ...
أختكم الحنونة


خصم يصل إلى 25%