سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
ملكة السفر 2001
11-11-2022 - 01:50 am
مرحبا انا بعتذر منكم اذا تقلت عليكم شوي بس هي اول مرة بسافر لسوريا و انا بطبعي لما بدي سوي شي لازم اجمع اكبر كم من المعلومات فاعذروني و ساعدوني ....
انا بدي اسال في مكاتب بسوريا يعني بحلب او اللاذقية او حماه او دمشق او بالزبداني او البلودان بتعمل رحلات سياحيه او بتنطم نشاطات مثلا رحلة على كسب او فيه بحيرة الناس بيروح لها ما بعرف شو اسمها او مثلا بيعملوا رحلات للغوص لأ،ي انا كتير بحب الغوص متل ما هو مبين بصورتي طيب و كمان بيعملو لرحلات مثلا لبيروت يوم واحد او بيعملوا اتركيا مثلا
رجاء إذا اي حدا بيعرف مكاتب يحكي لي و يرد على سؤالي و آسفة مرة تانية إني طولت عليكم و سالت كتير و يسلمو


التعليقات (9)
النورس العربي
النورس العربي
بالنسبة لرحلات الغوص
أعتقد ان اللاذقية يوجد فيها رحلات ودورات لتعلم الغوص ,, لكن بصراحة يصعب على السائح الجمع بين السياحة وتعلم الغوص لان الدورة تستغرق مدة شهرين ...
هناك أندية رياضيه في اللاذقية وأعتقد في دمشق للغوص وتعلم الغوص بامكانك السؤال هناك وان شاء الله تلاقي الي يعجبك ...
بالنسبة للرحلات السياحية
يوجد مكاتب سياحية تعمل برامج سياحية الى تركيا كما في استفسارك الماضي وهناك برامج سياحية الى لبنان ...
بالنسبة للبحيرات
في سوريا يوجد عدة بحيرات منها :
بحيرة الأسد وهي أكبرها. تقع على نهر الفرات في محافظة الرقة. وبحيرة قطينه على نهر العاصي وبحيرة المزيريب وبحيرة البعث وبحيرة 17 نيسان على نهر عفرين وبحيرة 6 تشرين على النهر الكبير الشمالي وبحيرة الخاتونية وبحيرة مسعدة وبحيرة بلوران والبحيرات السبعة في اللاذقية وسد الطيبه في درعا وبحيرة زرزر وبحيرة الرستن

ملكة السفر 2001
ملكة السفر 2001
يسلمو كتير كتير النورس العربي عن جد ساعدتني بس انا سبق لي الغوص من غير تدريب بس كان معي غواص يعني ما نزلت لحالي و على العموم يسلمو

الذيب الشمالي
الذيب الشمالي
(( مسائكم ياسمين دمشقي ))
اختي
اهلين وسهلين
وانا معك بما قلتيه وهو
يفترض ان الواحد يجمع اكبر قدر من المعلومات حتى تكون رحلته ناجحة بإذن الله
وما قصر مشرفنا العزيز
وباين من الصورة اتك بتحبي الغوص
وبالنسبة لدوارت الغوص اذا فيه اعتقد ما بتلاقيها إلا باللاذقية
واما المكاتب فهي موجودة بأكثر المدن يعني ما تشيلي همها متى ما وصلتي لأي مدينة إسألي وبتلاقي من يدلك
ورحلة موفقة

أبو عزت الحمصي
أبو عزت الحمصي
بس توصلي على سوريا دمشق او حمص او حلب في جرائد اعلانية مجانية اسمها الوسيلة افتحيها و سوف تجدي الكثير من الرحلات الى الساحل او لبنان او تركيا و 100 اهلين فيك بسوريا

ملكة السفر 2001
ملكة السفر 2001
لك يسلمو لك الله يخلي الناس الطيبة لك شو بدي اقول عن جد انتوا ما في منكم لك الله يخليكم لأهاليكم و تسلم الذيب الشمالي انت عن جد ذيب لك شو ذيب يخسى الذيب نفسه و عن جد يسلمو او عزت الحمصاني و موفقين يا رب

ملكة السفر 2001
ملكة السفر 2001
طيب اعزائي انا بدي اسال لبنان و تركيا بدهن فيزا ( انا فلسطينية و مع جواز الي بيكون وثيقة مصرية بس انا مو مصرية ) بتمنى حدا يسالي و يعرف و شكرا مرة تانية و بعرف اني غليظة و تقيلت دم بس معليه تحملوني شوي و الله يوفقكم و يخليكم لأهاليكم

الذيب الشمالي
الذيب الشمالي
ملكة السفر 2001
هذي بدك تروحي على اقرب سفارة لبنانية وتركية عندك وتسأليهم منشان تأخذي الجواب الأكيد
او احد الأعضاء تكون عنده خلفية ويعطيكي الجواب

النورس العربي
النورس العربي
ملكة السفر 2001
بالنسبة لتركيا يا اختي لازم تأخذي فيزا من السفاره التركية لدخول تركيا ...
وكذلك لبنان ياملكة لازمك فيزا لدخول لبنان وأنا متأكد من معلوماتي ...
تحياتي ..

ملكة السفر 2001
ملكة السفر 2001
يسلمو النورس العربي و يسلمو الذيب الشمالي انا عن جد بتشكركم من كل قلبي ساعدتوني كتير و الله يوفقكم يا رب


خصم يصل إلى 25%