نشر في تايلاند

جو تايلاند في شهر سبعة

آخر القوميين العرب

13-11-2022 - 02:34 am

السلام عليكم ورحمة الله وبركاته
انا مسافر لتايلاند من أول شهر سبعة لآخره
وسمعت ان في شهر سبعة وثمانيه موسم الامطار في تايلاند
ويقولون انك ماتقدر تتمشى ولا تطلع رحلات من المطر
انصحوني ياجماعة هل اغير حجزي أو في مناطق في تايلاند يكون جوها معتدل هالفترة

التعليقات (9)

abo deema

13-11-2022 - 05:07 am

توكلي على الله فعلا امطار ولكن مو بشكل متواصل انا السنه الي طافت رحت اخر شهر 7 لمدة 14 يوم وما مطرت الا يوم واحد ولمدة قصيره بس المشكله بشهر 7و8 تزيد الرطوبه

Delar2000

13-11-2022 - 06:08 am

اخوي اتكل على الله ولاتغير الجو شهر سبعه زين بس الرطوبه شوي ترتفع وموكل الايام

زائر

13-11-2022 - 07:09 am

هذه مواسم الامطار بتايلند (يوليو - اوجوست - سبتمبر ) بس والله امطار حلوة و جميلة و انا شخصيا بستمتع لهذه الاجواء . مدينة شنجماى ممطرة و أقل رطوبة من المدن الساحلية .

سيدة أحلام

13-11-2022 - 08:10 am

مافي احلى من المطر
وانا رحت لها شهر 8 كان جو بوكيت خيالي يجنن
وبروح لها ان شاء الله بدايه شهر 7 وان شاء الله يكون نفس الجو مطر وغيم وهوا يرد الروح
رحله ممتعه

Abu_Wasan

13-11-2022 - 09:11 am

مو مشكلة عندي المطر ..
الخوف من الرطوبة .. وعز الله مابشرتوني بخير
يعني منحاش من حر ورطوبة وقرف الدمام واطيح في رطوبة تايلاند
انا سفرتي من 15 - 7 إلى 5 - 8

سيدة أحلام

13-11-2022 - 10:12 am

يازينها من رطوبه خ
انا يوم رحت وقتها كانت بوكيت مو خيال فوق الخيال الجو كان بالنهار مغيم تطلع الشاطئ فاضي لأنهم يدورون الشمس وبالعصر قبل الغرووب وبعد المطر جو روعه وبالليل كان هوا مو رطوبه لا هوا بارد

ZERO X

13-11-2022 - 11:13 am

تكثر الأمطار الغزيرة في هذا الشهر

mohluv

13-11-2022 - 12:14 pm

فعلاً المطر بزياده بشهر 7
لكن تايلند يازين مطرها يهبل بمعنى الكلمه لكن لو كنتم عائله انصحك تفكر جيداً
والرحلات البحريه لو كنت حاجز وكان الصباح في مطر يأجلوها لليوم الثاني وهذا ماحصل معي .

شيخ على ربعة

13-11-2022 - 01:15 pm

ياخوي والله حتى رطوبتهم حلوه
مو نفس رطوبتنا ملابسك تلزق بجسمج
واحلى اجواء عندي الصيف

تايلاند المسافرون العرب

جو تايلاند في شهر سبعة