سوريا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
توتة وسكر
09-11-2022 - 01:48 am
السلام عليكم
طبعا نفسي اروح سورية
بس ماني فاهمه اي شي بالسفر
طبعا احنا قررنا نروح لها بشهر 8 هجري
نص شهر ثمانية كذا
وودي انا اللي اقوم بهالرحله يعني المعزبه وابسط زوجي واخليها فترة استجمام له
عددنا ثلاثه انا وزوجي وابني عمره خمس سنوات
ودي تساعدوني من اطلع من القصيم لين اوصلها
واهم شي المصروف كم يكفينا لمدة تقريبا عشر ايام
هل ممكن تكفي سبع الالاف كذا
ووش احسن السكن ووين
وكذلك هذي اللي بتنوخذ عند الجمارك التامين او مدري وش هي
كثير الفلوس اللي بياخذوها ييحوسوا الميزانية عندنا
واذا تذكرت اساله الله يعينكم علي لين نجي بشغلكم
وهل هي مريحة سوريا نفسيا ولااشيلها من بالي واخلي روحاتي لدول الخليج وبس
بس ملينا من الحر والله


التعليقات (9)
الذيب الشمالي
الذيب الشمالي
(( مسائكم ياسمين دمشقي ))
اختي
يا هلا ومرحبا فيكي
الله يهنيكم ويجمعكم على المحبة وان شاء الله كل ايامكم فرح وسرور ويخلي لكم ولدكم
في البداية لازم تعرفين شيء مهم وهو ان توقيت رحلتكم بعز الصيف والموسم
يعني زحمة واسعار غالية
الطريق
من الرياض القصيم 320
من القصيم لحائل 240
من حائل لمفرق الجوف 335
من المفرق للحدود 335
من الحديثة إلى جمرك جابر الأردني 180
من جمرك نصيب السوري إلى دمشق 120
الميزانية
0 آلآف ريال تقريبا مائة ألف ليرة وبإذن الله تكفيكم
وان كان من الأفضل والأحسن والأظمن والأحوط ان الواحد يأخذ معه اكثر من اللي راح يصرفه حتى ما يحتاج لأحد
السكن
اذا تبون تسكنون بالشام افضل مكان للعوائل هو حي الزاهرة القديمة
وهو حي لا يسكنه العزاب واكثر العائلات الخليجية يسكونون فيه
الجمارك
اللي تقصدينه دفتر التربتك وهو دفتر مرور للسيارة
وممكن تقصونه من اي مكتب عندكم او من مكاتب بجمرك الحديثة
وتقريبآ سعره ما يتعدى 300 ريال
واما اذا كانت سورية مريحة او غير ذلك
فهذي ترجع لكم
ففيه من لا يرتاح وينبسط إلا اذا كان فيها مثلي
وفيه من يمرها مرور الكرام ليتجه إلى دول اخرى
وفيه من لا يطيق السفر لها
وانصحك بالمرور وتصفح المواضيع المثبتة وبعض التقارير وهذي راح تفيدك كثير وتتعرفي على البلد اكثر
واذا نويتوا وقررتوا السفر لها فهناك بعض الأمور والأشياء لابد من معرفتها
واذا نويتوا السفر لدولة اخرى فطريق السلامة
واتمنى لكم رحلة ممتعة وموفقة

S_A_A_D
S_A_A_D
هلا اختي
سوريا بلا شك جميلة بس اذا بتسكنون با الشام بصراحة من حوالي سنتين رحت لها وكان الجو حر طبعا رحت يوم وانتقلت لبيروت وحتى بيروت رطوبة
بس لو تسكنون با المصايف بيكون الجو احلى وياليت الشمال السوري على كلام الاعضاء جو مايتفوت
ان شاء الله رحلة موفقة وسعيدة
تقبلي مروري

توتة وسكر
توتة وسكر
الله يجزاكم خير والله
حلو سبعة الالاف بيكفي احنا بناخذ زياده بس ماودنا نصرف غير كذا علشان يصير معنا شي لاخر الشهر اذا رجعنا ديرتنا ان شاء الله
انا الشام امره مرور الكرام ابغى اللاذقية والشمال والكسب والزبداني
طيب شو هو افضل وقت للسفر لها
لانه بالمدرسة صعبة يعني بوقت اجازه
تصلح بعد عيد الفطر

توتة وسكر
توتة وسكر
او باخر شهر ثمانية وناخذ من رمضان كم يووم

الذيب الشمالي
الذيب الشمالي
اكيد الشمال السوري احلى واجمل فهناك يتغير كل شيء
المناظر والطبيعة والجو والمعاملة والأسعار
لكني ما فهمت انتم بتروحون بإجازة الصيف وإلا بالعيد
لكن بالعموم كل وقته له ميزته ومحبيه

توتة وسكر
توتة وسكر
الله يعطيك العافية
لا بقول ايهم افضل
بنص شهر 8 او باخره واخذ كم يوم من رمضان
او بعيد عيد الفطر

ابومحمد فهد
ابومحمد فهد
ماشأ الله عليك الذيب الشمالي والنعم فيك
تستحق أن كلن يستشيرك قبل مايسافر لسوريا

الذيب الشمالي
الذيب الشمالي
مثل ما قلت لكي
الناس اذواق ومزاجات
فيه من يبي ينحاش عن حر الديرة ويدور البراد بالمصايف
وفيه من يأخر الرحلة لبعد رمضان لأنه ما يحب الزحمة وبهالوقت المصايف اخف زحمة
ويعني الناس اشكال وألوان وما تحب وتهوى
فأنتم ومزاجكم والرأي لكم
وانا العام الماضي رحت بالصيف وبرمضان وبعد العيد
وكل وقته له ميزته واجوائه
الصيف زحمة واسعار مرتفعة بس الأجواء حلوة وايضآ وقت قطف الفواكهة
وفيه من يستأجر فيلا مثلآ بالزبداني او غيرها عشان الفواكهة اللي فيها
برمضان والعيد ايضآ له محبيه واجوائه الخاصة

توتة وسكر
توتة وسكر
ايوه حنا ودنا نستاجر فيلا بالزبداني
بكم اسعارهم اذا عندك فكرة
طيب برمضاان الوضع حلو تنصحنا فيه
احنا نحب يكون فيه ناس وعالم بس مو توصل للزحمه لا بس تصير الدنيا حيه
لان سفراتنا نحب نتفرج السواليف ماعندنا ابد خ


خصم يصل إلى 25%