ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
(The Patriot)
04-11-2022 - 04:15 pm
انا رحلتي ان شاء الله بعد4 اشهر يعني بالضبط
8سبتمبر انا والزوجه الغالية بعد زواجنا ان شاء الله
هل احجز الفنادق الان والا عادي قبل السفره بشهر او شهرين
استفساري هل هناك فرق في السعر للحجز مبكر للفنادق والا نفس الاسعار
واي الفنادق تنصحوني في
سلانجور
بيانج
لنكاوي
ومشكورين مقدما


التعليقات (9)
zazaz
zazaz
السلام عليكم ورحمة الله وبركاته
الف مبروك الزواج وبالتوفيق إن شاء الله
بالعاده نهاية سبتمبر وبداية اكتوبر تبدأ العروض المميزه للفنادق
فانا اشوف انك تخلي حجز الفنادق لرمضان وتبدأ تحجز وانت عموما شيك علي المواقع
العاليمه والأسعار اللي هم حاطينها حق سنه كامله من نهاية شهر مارش الماضي لسنه قادمه
ولكن تنزل عروض من نفس الفنادق فانت شيك إذا مافيه عروض فخلك لرمضان
وبالنسبه للفنادق في المناطق اللي حددت فيعتمد علي ميزانيتك ولكن إن شاء الله وقتك تكون الأسعار معقوله
عموما سيلانقور الصن واي لاقون وبعده البيراميد
بينانق افضل فندق الراساسايانق وبعده البارك رويال ممتاز والقولدن ساندس ممتاز
لنكاوي كثير الفنادق الممتازه فيه الغالي مره مثل الفور سيزون وفيه المعقول والمميز مثل الويستن
وبعده البلانجي بيتش وفيه ارخص ولكن الأفضل الويستن
وكوالالمبور الخيارات كثير فيه الماندرين والويستن والماريوت والتريدرز والقراند ملينيوم ورويال شولان وغيرهم كثير

الووووافي
الووووافي
مبروج الزواج والله يولف ما بين قلوبكم ويرزكم الذرية الصالحة
نعم كلام اخوي zazaz في محلة ولا ازود علية
ولو انا مكانك سويت مثل ماقال اخوي zazaz

(The Patriot)
(The Patriot)
الله يبارك في عمرك ياغالي
هي كم ليلة من 28 سبتمبر الى 11 اكتوبر هل هي 13 ليلة او 12 ليلة ؟
بحط ميزانيتي للفنادق بس 6 الى 7 الف وشور على بالفنادق المطلة على البحر والجميلة انت عارف هي ايام العمر ما احد ينساها وانا ابغى اونسها
انا رحت اكثر من مكتب سياحي بس والله النت ارخص بس انت عارف هذي اول سفره لي ومع زوجتي وخايف من الحجز من النت يعني ابي شي مضمون ايش اضمن موقع للحجز والا اتوكل للمكاتب وبس
ومشكور على الرد الله لا يحرمني منك

zazaz
zazaz
السلام عليكم
إذا يوم الإقلاع 28 سبتمبر والرجعه يوم 11 اكتوبر فهي 12 ليله
لأن الإقلاع بيكون في الليل اكيد وبتصلون يوم 29 سبتمبر إن شاء الله
وانا افضل لو فيه إمكانيه تكون السفريه اقل شي 14 ليله عشان يكون كل شي اوكيه
وعموما إذا ماتقدر فتقسم ال 12 ليله كذا
اول يومين سيلانقور فندق الصن واي لاقون غرفه بريمر مطله علي الحديقه والألعاب ولو تبي افضل خذ غرفه كلوب
بعدين 3 ايام لنكاوي فندق الويستن غرفه ديلوكس مطله علي البحر او إطلاله بانوراميه
ثم 3 ايام فندق الرساسايانق جناح الراسا نفس الشي مطله علي البحر وإذا غاليه خذ في البارك رويال
ديلوكس او قراند ديلوكس مطله علي البحر والبارك رويال ممتاز
اخر 4 ايام بكوالالمبور فيه مجالات كثير وفنادق كثير وإذا تحب الهدؤ فيه فندق تريدرز غرفه كلوب
مطله علي الجيقه والبرجين ممتازه والفندق ملاصق للبرجين منطقه هادئه وجميله
او في شارع العرب شارع ونيس وحركي اسواق ومطاعم ومقاهي وفي الليل سهر وحلو
عندك فندق الويستن غرفه ديلوكس مطله علي البرجين او جنبه الماريوت نفس الشي حلو
وإذا تبي اقل عندك القراند ملينيوم ممتاز وسعره معقول وفي وسط شارع العرب كل شي قريب منك وهو مقابل الويستن والماريوت
وعموما لو سكنت في منطقة البرجين او في شارع العرب تقدر تروح لأي مكان فيهم اي وقت
يبي لك حدود 10 دقائق مشي علي الأقدام تقريبا
وبالنسبه للحجز عن طريق النت اظمن لك واوثق من المكاتب السياحيه والحجز بسيط جدا شوف المواضيع المثبته
عن الحجز بس انت اكتب التواريخ اللي بتصل فيها للفندق وتاريخ المغادره في ورقه قبل ماتحجز عشان ماتتلخبط
ويضيع عليك الحجز وهو سهل جدا وعندك وقت طويل لعمل بروفات قبل السفر

(The Patriot)
(The Patriot)
  1. ومعليش اتعبتك معي


رحلتي بتكون 28 سبتمبر
مغادرة: 00:10 الرياض, المملكة العربية السعودية - مطار الملك خالد الدولي, محطة نهائية 2 وصول: 13:00 كوالالمبور, ماليزيا - مطار كوالالمبور الدولي, محطة نهائية m
يعني الاقلاع 28 سبتمبر والوصول الساعة الواحده ظهرا بتوقيت ماليزيا يعني نفس اليوم 28 صح والا انا غلطان
لان الاقلاع الساعة 12 وعشر دقايق يعني يوم جديد
اعتقد انها 13 ليلة
لو قلنا :
مدري صح حسبتي والا انا غلطان
طيب ايش رأيك سيلانجور صن واي غرفة بريمر
لنكاوي في ايش تنصحني فندق لنكاوي لاجون غرفة ديلوكس والا البيلاجي بيتش
بيانج فندق باي فيوبتش غرفة ديلوكس على البحر
كوالا فندق استانا غرفة ديلوكس
يعني اتوكل على الله واحجز من النت وايش افضل موقع للحجز
والله انا تعاملي كثير بالنت في الشراء وكل شي بس خابر هالطلعة غير ومع شخص غالي على قلبي واخاف اتوهق الا لو انا وحدي مافكرت لو انام بالشارع الين موعد رحلتي
طيب لما احجز اقدر اتأكد من الحجوزات يعني فيه رقم اتصل واتاكد عن حالة الحجز

ومعليش اتعبتك معي

9الى 30 = ليلة ( 2 ) 30 الى 1 = ليلة ( 3 ) 1 الى 2 = ليلة ( 4 ) 2 الى 3 = ليلة ( 5 ) 3 الى 4 = ليلة ( 6 ) 4 الى 5 = ليلة ( 7 ) 5 الى 6 = ليلة ( 8 ) 6 الى 7 = ليلة ( 9 ) 7 الى 8 = ليلة ( 10 ) 8 الى 9 = ليلة ( 11 ) 9 الى 10 = ليلة ( 12 ) 10الى 11 = ليلة ( 13 ) 28 الى 29 = ليلة ( 1 )

zazaz
zazaz
السلام عليكم
اوكيه إذا الإقلاع مثل ماقلت فمعناته إنها 13 ليله
وانا حطيت لك خيارات فنادق تناسب ميزانيتك اللي قلت لأن وقت سفرك تكون الأسعار معقوله
ماعرف ليش اخترت انت فنادق مثل أستانا و الباي فيو بيتش و لنكاوي لاقون ؟؟ الصراحه مانصحك فيهم كلهم
خلك في الفنادق اللي حددت لك في الرد الأول
والحجز عن طريق النت مثل ماقلت لك آآآآآآآآآآآآآآمان إن شاء الله وانا بنفسي جربت وكثير من الأعضاء جربوا لاتخاف ولاشي
وعندك مواقع موثوقه كثير مثل آسيا ترفل وآسيا ويب دايركت وبوكنق واقودا وآسيا رومز وهوتيل كلوب
ووتيف وغيرها الكثير انت بس شوف الموضوع المثبت عن الحجوزات وتطمن
تقسيم الأيام بالتاريخ
يوم 28 سبتمبر التشيك إن في سيلانقور ويوم 30 تشيك اوت
يوم 30 سبتمبر التشيك إن في لنكاوي ويوم 3 اكتوبر تشيك اوت
يوم 3 اوكتوبر تشيك إن في بينانق ويوم 6 اكتوبر تشيك اوت
يوم 6 اكتوبر تشيك إن في كوالالمبور ويوم 11 تشيك اوت
وممكن كوالالمبور تقسمه علي فندقين يومين بتريدررز وثلاثه ايام بالويستن او الماريوت
عشان تجرب السكن في منطقة البرجين ومنطقة شارع العرب

(The Patriot)
(The Patriot)
اوخي الغالي حدد لي الفنادق في كل مكان لاني ان شاء الله راح اعتمدها
اشوف حطيت 5 ايام في كوالالمبور لها الدرجه تستاهل هالايام كلها
الا سلانجور مو نفسها في كوالالمبور يعني بتكون ايامي في كوالا 7 ايام
تنصحني ازود يوم في لنكاوي والا بينغ وايهما اروع من الاخر
وما انسى حجز الطيران الداخلي كيف يكون التنقل بين لنكاوي وبينغ بالطايرة والا العبارة
وياليت تظمها مع البرنامج بالتاريخ لاني معتمد برنامجك الله لا يعوقني بشر لانه عجبني
وهل تنصحني بحجز الطيران الداخلي قبل السفر والا لما اكون هناك
اخدمك بالافراح ياغالي

zazaz
zazaz
السلام عليكم
حياك الله اخوي وبالنسبه لكوالالمبور عن انا تستحق اقل شي 6 ايام
بس 4 ايام ممكن تكفي إن شاء الله لو حبيت تزود يوم علي لنكاوي او بينانق
وبالنسبه للنكاوي وبينانق لو تسأل هالسؤال بيجيك اجوبه تخليك تحتار زياده لأن كلن بيختار لك المدينه اللي ارتاح فيها
ولنكاوي جزيره صغيره وهادئه بعد المغرب خلاص مافيها إلا المنتجع ولو تختار منتجع
ممتاز مثل الويستن فلن تمل فيه
اما بينانق فهي جزيره فيها حركه ووناسه والعاب شاطئيه بس لازم تسكن في فندق علي شاطئ
باتو فرنجي بيتش في العصر فيه العاب علي الشاطئ بارشوت ودبابات وكل شي وفي الليل السوق الليلي
علي شارع الباتو فرنجي اللي تقعه عليه الفنادق مثل الراساسايانق افضل فندق والبارك رويال ممتاز وسعره معقول
والقولدن ساندس نفس الشي فالإختيار يعتمد عليك وعني انا افضل الحركه مثل بينانق
وبالنسبه للحجز لازم تحجز من هنا برضه عن طريق النت وفيه خيارات كثير وطيران رخيص
من كوالالمبور الي لنكاوي عندك طيران اير اسيا إقتصادي وممتاز والطيران الماليزي ممتاز بس اغلي شوي
ومن لنكاوي الي بينانق عندك نفس الشي طيران اير اسيا رخيص جدا وفيه طيران مروحي اسمه الفاير فلاي
حلو وسعره بعد حلو فالأفضل تحجز وقت ماتحجز الفنادق ومن بينانق الي كوالالمبور نفس اللي من كوالالمبور الي لنكاوي
وممكن تاخذ باص VIP عن طريق البر طريق جميل ومميز ولكن ياخذ المشوار حدود 4 ساعات ونص تقريبا
وسعر الطيران قريب من سعر الباص بس لو حبيت تغيير للبر والطريق حلو ومايملل ولكن يبقي الطيران افضل
وجدولك تقريبا بأعطيك خيارات فنادق الأفضل واللي بعده اقل من سعر وفخامه ولكن كلهم ممتازين
يوم 28 سبتمبر التشيك إن في سيلانقور ويوم 30 تشيك اوت --- فندق الصن واي لاقون
وتحجز الطيران من كوالالمبور الي لنكاوي يوم 30 سبتمبر
يوم 30 سبتمبر التشيك إن في لنكاوي ويوم 3 اكتوبر تشيك اوت --- اول شي فندق الويستن ثم البلانجي بيتش ثم الشيراتون
ويوم 3 اكتوبر تحجز من لنكاوي الي بينانق
يوم 3 اوكتوبر تشيك إن في بينانق ويوم 6 اكتوبر تشيك اوت --- فندق الراساسايانق ثم البارك رويال ثم القولدن ساندس
وتحجز من بينانق الي كوالالمبور يوم 6 اكتوبر
يوم 6 اكتوبر تشيك إن في كوالالمبور ويوم 11 تشيك اوت --- إذا تبي قريب البرجين عندك افضل شي المندرين اورينتل
وبعد تريدرز ممتاز مع انه 4 نجوم ولكنه من افضل الفنادق وتاخذ فيه او في المندرين غرفه مطله علي الحديقه
وإذا تبي تسكن في شارع العرب عندك الويستن وبعده الماريوت ثم القراند ملينيوم كلهم قريبين من بعض ومواقعهم
من افضل المواقع في شارع العرب وفيه فندق جديد اسمه رويال شولان ممتاز وجديد ورخيص وقريب من شارع العرب
وعموما هذي مواقع الطيرا اللي قلت في الموضوع
اير آسيا
http://www.airasia.com/
الفاير فلاي
http://www.fireflyz.com.my/
وشوف هالموضوع بيفيدك إن شاء الله
https://artravelers.com/p/re/357064

(The Patriot)
(The Patriot)
كفيت و وفيت اخوي الغالي الله لا يحرمني من نصايحك
وثقلت عليك وتعبتك معي بس باذن الله تحصل دعوة صادقة من قلبي لرحابة صدرك
بالنسبة ياغالي الانتقال من المطار للفندق هل اسعار التكسي واحده والا اكاسرب معاهم وهي بحدود الكم عشان ما ابغى احد ينصب على
واذا عندك جوال احدهم يكون احسن ترسله لي عالخاص


خصم يصل إلى 25%