اندونيسيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
صقيع
09-12-2022 - 08:25 pm
  1. السلام عليكم ورحمه الله وبركاته

  2. الوصف :

  3. المقاطعات هي:

  4. الدوائر الخاصة هي :

  5. أو السعودية سلمنا أمر للكريم .

  6. 9) قلم في حقيبة المدام أو في الشنط اليدويه حتى لاتحتاج إلى أحد .

  7. منها :

  8. وهذي صوره لوبي الفندق .

  9. وترى رقمه معاي اذا أحد يبغاه .


السلام عليكم ورحمه الله وبركاته

إلى جميع المشرفين والأعضاء وجميع الإخوان الزوارأحييكم في البدايه بتحية الإسلام و يسعد لي أيامكم بكل خير ومسره يسعدني كتابة التقرير الأول لي في هذا المنتدى الأكثر من الرائع والذي اعتبره الوجهه الصحيحه لأي مسافر يريد زيارة دولة ما وليس لديه معلومات عنها أدري إني طولت عليكم بإنزال تقرير عن رحلتي إلى دولة اندونيسيا الجميلة لكن راح نبدا على بركة الله .
تعالوا نحلق معا في سماء الإبداع حيث الطبيعة البكر وسحر المكان وروعته , التي تجمع بين الطبيعة والخضره.
معلوماتت عامه
إندونيسيا هي دولة تقع في جنوب شرق آسيا وأوقيانيا. تضم 17.508 جزيرة. ويبلغ عدد سكانها حوالي 230 مليون شخص ، بذلك تكون رابع أكبر دولة سكانا، وأكبر عدد من السكان المسلمين في العالم.
الموقع
يقطعها خط الاستواء , وتقع بين 5 درجة شمالا و بين 120 جنوباً درجة شرقا ً .

الوصف :

إندونيسيا جزء من أرخبيل الملايو في جنوب شرق آسيا, وهى الدولة التي تضم أكبر مجموعة جزر في العالم, إذ يبلغ عددها حوالي 17508 جزيرة, المسكون منها حوالي 6000 آلاف جزيرة, منها جزيرة جاوه التي تعد من أكبر مناطق العالم ازدحاما بالسكان, فالكثافة السكانية فيها تزيد على 200 شخص للميل المربع. والجزر الرئيسة الخمس هي: سومطرة, جاوة, كاليمنتان (وهى ثلثا جزيرة بورنيو, أما ثلثها العلوي ففيه إقليما سرواك وصباح
التابعان لماليزيا, وفيه أيضا دولة بروناى), سولاويسي, إيريان جايا (وهى النصف الغربي من جزيرة غينيا الجديدة, أما النصف
الشرقي ففيه دولة بابوا نيو غينيا).
ومن الجزر الأخرى جزيرة هلما هيرا في الشمال وجزيرة تيمور في الجنوب وجزيرة فادورا وبالي. ويبلغ طول سواحلها حوالي 54,716 كم.
المناخ:
مناخ استوائي وقاري : يسود فيها المناخ الحار والرطب طوال ايام السنة وأما المناطق الهضابيه فيسود فيها المناخ البارد , تهب على أندونسيا الرياح الموسمية .
شعار إندونيسيا :
الإقتصاد:
يعتبر الناتج المحلي الإجمالي لإندونيسيا (863 بليون دولار) الأكبر في العالم الإسلامي والخامس عشر على مستوى العالم .
الدول التي تشترك في الحدود مع أندونيسيا :
ماليزيا في الشمال (يبلغ طول الحدود معها حوالي 1782 كم) , بابوا نيو غينيا في الشرق (طول الحدود معها حوالي 820 كم) , تيمور الشرقية (طول الحدود معها 228 كم( .
اللغة الرسميه : الإندونيسيه
نظام الحكم : جمهوريه رئاسيه
العملة : روبية ( idr )
المنطقة الزمنية : (مختلف utc+7 إلى + 9)
رمز الهاتف الدولي : +62
مقاطاعات إندونيسيا :
تتكون أندونيسيا من 33 مقاطعة (2 منها دوائر خاصة وواحدة لمنطقة العاصمة). المقاطعات تتألف من مراكز الذين يتألفون من نقاط وبلديات.

المقاطعات هي:

بالي، بانجكا - بليتونج، بانتن، بنجكولو، جاوة شرق، جاوة غرب، جاوة وسطى، كليمنتن جنوب، كليمنتن شرق، كليمنتن وسطى، كليمنتن غرب، سولاوسي شمال، سولاوسي وسطى، سولاوسي غرب، سولاوسي جنوب شرق، سولاوسي جنوب، نوسا تنجارا شرق، نوسا تنجارا غرب، سومطرة شمالية، سومطرة جنوبية، سومطرة غرب، جامبي، جورونتالو، لامبونج، مالوكو، مالوكو شمالية، بابوا (إيريان جايا)، إيريان جايا غرب، رياو، رياو كبولاوان.

الدوائر الخاصة هي :

آتشيه (أو نانجرو آتشيه دار السلام) ويوجياكرتا. الدوائر الخاصة تتمتع بمزيد من الاستقلال الذاتي مقارنة بالمقاطعات. وبالتالي فلهم مزايا تشريعية: فالحكومة الآتشية لها حق تشكيل نظام قضائي مستقل، كما شرّعت تلك الحكومة الآتشية سنة 2003 الشريعة الإسلامية كالمصدر الأول للتشريع لديها. يوجياكارتا ما زالت سلطنة وسلطانها (حاليا سري سلطان هامنكوبوونو العاشر ذو الشعبية الجارفة) هو حاكم الدائرة الفعلي مدى الحياة.
منطقة العاصمة هي جاكرتا، والتي بالرغم من كونها مدينة إلا أنها تدار على أنها مقاطعة فيحكمها حاكم وليس عمدة وتنقسم إلى مراكز (كالقاهرة).
تيمور الشرقية كانت مقاطعة إندونيسية منذ جلاء البرتغاليين عنها سنة 1976 وحتى تخلت إندونسيا عن السيادة عليها سنة 1999. وبعد مرحلة من الإدارة الانتقالية من قبل الأمم المتحدة، أصبحت دولة مستقلة سنة 2002.
التخطيط للرحله :
كنت أتمنى زيارة اندونيسيا التي لطالما تغنى عاشقوها بها و افتتنوا بجمالها و سطروا أروع التقارير عنها فسحرونا بجمال كتباتهم و روعة صورهم عنها .
فقد راودتني فكره السفر إلى اندونيسيا بعد ماسمعت الكثير عنها وبعد قراءة بعض تقارير إخواننا الاعزاء فقررت أن أذهب إليها أنا و زوجتي لتجديد شهر العسل .
ففي البداية حتى أضمن تقدمت بطلب الإجازة السنوية وفعلاً جاء القبول عليها وكان ذلك قبل شهرين من موعد السفر المهم دقيت على الخطوط الجوية العربية السعودية وفعلاً تم الحجز على المواعيد التالية :
المغادره بتاريخ : 4 أكتوبر 2009 م _ الموافق 14 شوال 1430ه
وكان وقت إقلاع الرحلة في الساعة 12:50ص بعد منتصف الليل يعني يوم السبت ليلة الأحد
طبعاً بعد ما تأكدت من حصولي على حجز بديت أدور عن المعالم السياحية والمدن التي تستحق الزياره وكان هناك الكثير من التقارير التي كان لها الدور الكبير في مساعدتي خلال رحلتي .
مخطط الرحله بالترتيب:
قريت كثير من التقارير وفي اللأخير وقع الإختيار على مخطط السير التالي:
5 أيام في بالي _ 3أيام في الجبل _ يومين في باندونق _ يومين جاكرتا
طبعاً بعد الإستعداد للسفر من تجهيز الملابس والشنط وأمور أخرى فقبل الرحلة بفترة ظهرت مشكلتين كبيرة كادت أن تلغي الرحلة بالكامل و تلك المشكلتين هي ؟؟؟
المشكلة الاولى :
.
.
.
.
.
.
.
.
.
.
.
.
طبعاً هو ليس هذا الكائن ولكن ما ينقله من أمراض كثيرة و خطيرة و في الآونة الأخيرة تسببه في نقل المرض المسمى بأنفلونزا الخنازير و علمياً ب a h1n1 و ما نشره من ذعر حول العالم الله يحمينا و جميع بلدان المسلمين من جميع الأمراض و الأوبئة .
المشكلة الثانيه :
.
.
.
.
.
.
الزلزال القوي الذي ضرب مدينة بادانغ في جزيرة سومطرة الاندونيسية والذي كان له التأثير البسيط على أطراف جاكرتا.
وقد كان قبل سفرنا بثلاثة أيام لكن توكلنا على الله وقلنا المقدر مكتوب على الجبين الموت واحد وده بإندونيسيا

أو السعودية سلمنا أمر للكريم .

طبعاً لما نسمعه أحيان عن المكاتب السياحية بأنك تحجز ولما تروح إما يكون أنصب عليك وماتلقى شيء أو إنك ماتلقى الشيء زي مااتفقت عليه معاهم لذا قررت التالي من بعد قراءتي للتقارير وزيارة بعض مواقع الحجز للفنادق ومعرفة أفضل الفنادق قررت إني أروح هناك ولما أوصل احجز خاصه ان الكثير ذكر لنا مكتب كاها والذي هو مراد أغلب الواصلين هناك .
  • قبل ماأبدا بودي أعطي بعض النصايح اللي راح تهم كل مسافر وتكون مرجع له إن شاء الله :

1) توكل على الله الواحد الأحد قبل أي شيء وتذكر إنه ماراح يجيك إلا اللي ربي كاتبه لك.
2) تأكد من وجود جوازك وتذاكر السفر وتأكد أن المده الباقيه في الجواز أكثر من ست شهور وإلا ( راحت عليك) وخل معاك صور للجوازات ضعها في اماكن مختلفه من باب الإحتياط.
3) المبلغ اللي راح تصرفه يكون معاك وخل بطاقه الصراف أيضاًً معك من باب الحيطه إذا انقصك شيء.
4) طبعاً لما تروح معاك الميزانية اللي أنت عامل حسابك عليها لاتصرفها كامله أصرف حسب حاجتك وتأكد إنك وين مارحت راح تلاقي مكاتب للصرافه في كل شارع وزاويه .
5) خذ معاك بعض الأدوية والمسكنات في حال لاقدر الله احد المسافرين مرض أو توعك صحياً .
6) لاتنسى تخلي معاك خرده سعودي في جيبك لأن بتحتاجها اول ماتوصل مطار جاكرتا وراح تعرف بعدين ليه؟؟؟
7) بالنسبه للمواصلات راح أذكر الأفضل بالنسبه لكل منطقة كل واحده على حده .
8) بالنسبه للعفش يستحسن إنك تخلي على شناطك أقفال لأن السرقه وارده خاصه إن المطار زحمه وكثير اللي بيكونون معاكم يبحثون عن عفشهم .

9) قلم في حقيبة المدام أو في الشنط اليدويه حتى لاتحتاج إلى أحد .

بسم الله نبدأ كان الناقل الرسمي هي الخطوط الجوية العربية السعودية توجهنا لمطار الملك فهد الدولي بعد توديع الأقارب وكان الوصول إلى المطار في الساعه العاشره مساءاً تم بحمد الله وبكل يسر وسهوله اجراءات العفش والجوازات ثم التوجه إلى صالة انتظار الرحلات الدولية وبالتحديد عند البوابه رقم 12 , طبعاً كانت قيمه التذاكر لشخصين (أنا والمدام ) هي 4650 ريال طبعا التكلفه على الشخص الواحد كانت 2200ريال يعني تكلفة الشخصين 4400 ريال طبعا بتقولوا الزياده هذي حق وشو بس أنا بقولكم 250ريال كان قيمة التذاكر من الرياض للدمام لشخصين حيث انا خط سير الرحله هو:
الذهاب // الدمام _جاكرتا ( دايركت ) وهي رحله وحيده زي ماعرفت اللي تروح من الدمام دايركت يوم الأحد فقط
الإياب // جاكرتا _الرياض_ الدمام ( للاسف كان ترانزيت انتظار 4 ساعات في مطار الملك خالد )
طبعا الميزانيه المحسوبه حق 12 يوم بالضبط كانت تقريبا بحدود 12000ريال طبعا شامله الأكل والشرب والمواصلات والسكن والرحلات الداخلية ورسوم الاماكن الترفيهيه لاوماأنسى الهدايا .
في تمام الساعه الثانيه عشر عند منتصف الليل تم الإعلان عن الرحله وهاك يالعالم سباق على البوابه على بالهم راح تفوتهم الرحله خاصه الخادمات من كثر شوقهم لرجعتهم لبلادهم طبعا وأخوكم مايحب يطامر بالزحمه انتظرت لحد ماخفت الزحمه وبعدها ركبنا الطياره طبعاً كانت الطياره بوينج 777 وكانت مقاعدنا بالدور الثاني مع العلم إني لأول مره اركب في الدو الثاني , لكن للأسف الطائره من الطراز القديم يعني ماتحتوي على شاشات ترفيهيه يعني بالمشرمح ( إنكسر ظهر أخوكم ) والمصيبه حتى الشاشه الكبيره اللي يعرضون احيان عليها أفلام برضوا مافيه يعني أم الزهق طبعا في تمام الساعه 12:50 ص تم الإقلاع بحمد الله بعد سماع دعاء السفر وهذي هي الميزه الوحيده على الخطوط طبعا في اول الرحله قامت احدى المضيفات برش معقم في الطائره ( بسبب انفلونزا الخنازير ) شويه إلاواحدى المضيفات قامت بتوزيع كروت تعبئه الدخول طبعاً ماقصرت المدام عبت الكرت وخلصتني منه , (قلتلكم لاتنسون ماتأخذون معاكم قلم العالم ابي قلم عندك قلم وهكذا ...) .
بعد الإقلاع بساعه قدموا لنا وجبة عشاء ( الميزه الثانيه لدى الخطوط وجباتهم حلوه يعني تتسجل بحقهم ) .
وبعد وجبة العشاء تم اطفاء الأنوار في الطارئره كي نستطيع النوم بس بصراحه ماقدرنا ننام المقاعد ضيقه وغير مريحه ومافيه وسائل تسليه تقضي على الزهق اللي كان بيموت الركاب والساعات عيت تمر و أخوكم شوي وبينصرع من الزهق ومره ساعه ساعتين ثلاث اربع يوه الين ماوصلنا الساعه السابعه من مشوار الرحله قاموا بتقديم وجبة افطار خلصنا الوجبه واستعدينا للهبوط في مطار جاكرتا وكان الوصول في تمام الساعه 12 والنصف ظهراً بتوقيت جاكرتا .
طبعاً وصلنا للمطار وبدينا بالنزول للصاله لانهاء الإجراءات طبعاً تنزل من الطائره وتمشي في ممر لين يوصلك لصالة الوصول طبعاً اول حاجه راح تسويها( لازم تفيز) اول ماينتهي الممر راح تأخذ يمين وراح تشوف العالم واقفه قدامك عشان تفيز يعني لاتخاف ماراح تضيع راح تلاقي لوحه مكتوب عليها عدد الأيام وسعر الفيزه لتلك المده وراح تلاقيها بعدة عملات طبعا يوم وصلنا لكاونتر التفييز كان على الشخص الواحد لمده شهر 102 ريال طبعاً ماعندك خيار إلا اسبوع أو شهر أو سنه على ماأعتقد المهم عطينا الموظف قيمة الشخصين وهي 204 ريال طبعا عطيته المهم الموظف الثاني اللي ياخذ بطاقه الدخول يختم عليها ويفيز لك راح يسألك وين بتسكن طبعاً انا مافهمت ايش السالفه زوجتي تفاهمت معه شويه إلا زوجتي تطلع خمسين ريال وتدور على خمسين ثانيه؟؟ والمشكله مافيه إلا خمس ميه في محفظتي برحمه من ربي لقيت 100 ريال طبعا خذت زوجتي ال 50 وعطته ال 100 أنا ما فهمت ايش السالفه أتاري أبو الشباب يبي هديه والا ماراح يمشينا وطبعا 50 ريال على كل واحد من غير الفيزا هذا طبعاً عرفناه من تجارب اخوانا السابقين اذكروا لنا هالنقطه طبعا كان ورانا برضوا عايله رجال وزوجته وبرضوا ماافهموا على الموظف فقام يقولنا فهموهم عشان يخلص وطبعا قلنا له عطه هديه عشان يمشيك وفعلا مشاه طبعا بعدهم برضوا عيله لكن ماعطوه هديه طبعا بعد ماتعدي التفييز يجيك كاونتر تختيم الجوازات يوم توجهنا له كانت مسارات كثيره طبعا العيله اللي ماعطوه هديه ما مشوهم قالوا لازم ترجع للتفييز المسكين تبهذل عشان هالهديه ورجع ودفعوه الهديه غصب عنه ( اللي مستغربه شلون عرفوا انه مادفع هديه هل بينهم اتصال أو اشاره ان هالشخص مادفع يعني ادفع واشتري دماغك ).
طبعا في مطار جاكرتا لاتخاف راح تلاقي لافتات بلغات مختلفه تدلك وين تروح اتبعها لين توصل لمنطقه العفش خذ عفشك وتوكل.
و بعد ماتستلم العفش بتتجه لبوابه الخروج يقابلك قبل البوابه محلات كثيره للصرف بالاضافه الى مجموعه من المكاتب السياحيه واللي من بينها مكتب كاها .
أول حاجه تسويها قم بصرف جزء من المبلغ وليس المبلغ كاملا طبعا بتلقى بعض الاندونيسين يبيعون عليك شرائح طبعا مااخذت منهم طلبت من المكتب السياحي تامين شريحه جوال وبالفعل جلب لي شريحه وشغلها واعلمني بطريقه استخدامها .
طبعا تعب الرحله والنوم كله طار اول مانزلنا لأرض جاكرتا من زود الوناسه تحمست وقررت أن حنا نكمل وجهتنا على الساحره جزيرة بالي وبالفعل توجهنا إلى احد المكاتب السياحيه والتي كان لديها عروض على خطوط الطيران وسالنا عن أقرب رحله لجزيره بالي وكانت في الساعه السادسه مساء أي بعد ساعتين من تلك اللحظه وكانت على خطوط بتافيا سالنا عن السعر قالنا ب 1100000روبيه ( مليون وميه الف روبيه ) واحد ماهو بمتعود على الملايين انصرعت وبغى يطيح قلبي يوم حولتها للسعودي طلعت بحدود 450 ريال فقط ذهاب لشخصين الرجعه خليتها مفتوحه يعني ناخذها من اي مكتب في بالي بوقتها شفت السعر مناسب بالذات بعد مادريت ان المليون تحول الى 400ريال طبعاً هذي صوره لطائرة باتافيا وأرقام مكاتبها :
طبعا طلعنا من المطار رافقنا شخص من المكتب السياحي راح يقولك تبي توصل مطار بتافيا بسرعه اركب سياره خاصه واذا بتنتظر مو مستعجل فيه باص مجاني يمر كل 20 دقيقه اتوقع اسمه شاتل قلنا ننتظر باقي ساعتين مو مستعجلين خاصه انوا حنا يوم طلعنا من المطار الا بهتان من المطر وسحاب مغطي السماء يستقبلنا مما خلانا نتحمس زياده جا الباص وركبنا فيه لحد ماوصلنا لمطار خطوط بتافيا طبعا في اندونيسيا مجموعه مطارات في مطار واحد ننتقل من مطار للثاني كل مايوقف أجي ابي انزل يقول لي هذا مو مطارنا وهكذا مرينا على ثلاث مطارات الين وصلنا مطارنا وصلنا أخيرا بالسلامه حطينا العفش وتوجهنا لصاله الانتظار قبل الدخول للصاله عند التشييك على التذاكر لازم تدفع رسوم وهذي صوره لها
( 40000 روبيه أي مايعادل 16 ريال حسب سعر الصرف اليوم والبطاقتين اللي تحت اللي لونها أحمر هذي أرقام العفش يعني انتبهوا تقطونها)
كعاده اغلب خطوط الطيران الاعتذار عن تاخر الرحله ساعه يعني صارت عالساعه سبع بيني وبينكم مطارهم مسلي ويفتح النفس يعني ماراح تمل لانك وين ماطلعت بتلقى وجهه تشدك يمينك طيارات تقلع وطيارت تهبط يسارك بتلقى حديقه صغيره قدامك بتلقى ممرات تودي لباقي انحاء المطار تنتقل بينها عبر جسور مكشوفه تشوف الطبيعه حواليك يعني ياسلام ماراح تحس بالانتظار خاصه وان الجو كان يجنن .
أخيرا تم استدعائنا لرحلتنا ركبنا بحمد الله طائراتهم جيده يقدمون لك وجبه خفيفه ساندويتش ومويه مده الرحله تقريبا ساعه و50 دقيقه .
وصلنا بحمد من الله ورعايته الى مطار دسنبار في بالي على فكره المطار اسمه مطار دسنبار لاني كنت احسبه مطار بالي باسم الجزيره وصلنا وكان معانا على نفس الرحله عائلتين سعوديه و مجموعه من الشباب السعودي بالاضافه الى الركاب الاندونيسيين , وصلنا واخذنا عفشنا وبعدها قررنا ناخذ باكج من احدى المكاتب هناك طبعاً للاسف الفنادق التي كنا نريدها ميركوري او هاريس كانت فل حصلنا فندق اسمه ماكسي هوتيل اقمنا فيه مده يومين لحين يضبط لنا المكتب في احدى الفندقين المذكوره وكان بالاضافه الى الفندق الاتفاق معهم على سياره وكما ذكرت سابقاً رحله بالسياره لمده مابين 8-10 ساعات ب 350000روبيه اي مايعادل 130ريال تقريبا طبعا قبل مانطلع من المطار ونتوجه للفندق قمنا بصرف مبلغ اخر لاحتياط طبعا امكانيه وجود تاكسي صعبه في المساء لكن اول ماتطلع من المطار راح تلاقي سيارات خاصه بالمطار حدد وجهتك وعطهم المبلغ يعطوك وصل ويجيك السواق ياخذك للسياره طبعا للمعلوميه في هذا المكتب بتلقى الاسعار معلقه ثابته كل منطقه ومذكور قيمتها امامها اذكر انه طبعا كان المشوار للفندق ب 50000روبيه يعني مايعادل 20 ريال وهذي خريطة جزيره بالي
وهذي بعض صور البروشورات عن الرحلات السياحيه وبعض مكاتب السيارات تجدونها في المطار في رفوف لمن أراد أن يأخذ

منها :

توجهنا للفندق سوينا الشيك إن طبعا اول ماتوصل يعطونك مشروب ترحيبي وعقبها يخلصون اجراءتك بسرعه وسهوله الانترنت والافطار مجاني بالاضافه انهم يعطون كوبون 10 دقايق مساج مجانيه لكل شخص طول مدة إقامتك عندهم ,

وهذي صوره لوبي الفندق .

توجهنا للغرفه طبعا بيني وبينكم الفندق مو ذيك الفخامه بس انه بصراحه جيد جدا نظيف وخدماته ممتازه جدا يعني خدماته تعادل فنادق خمس النجوم وكان سعر الليله تقريبا بحدود 200 ريال سعودي جلسنا فيه يومين وكان صراحه جدا رائع الغرفه نظيفه وواسعه والحمام كذلك والغرفه فيها بلكونه تطل على الشارع طبعا الفندق في شارع لقيان المهم طلبنا عشاء من الفندق تعشينا وماقدرنا ننام من الوناسه كان ودنا نطلع من اول لحظه في الاخير استسلمنا للنوم عشان نستعد ليوم جديد واتفقنا مع المكتب ان السواق يجينا في الصباح عالساعه 9 عالعموم انتظروني في رحله اليوم الاول من جزيره بالي ( معليش نسيت أصور الفندق والغرف حقته )
صحيت عالساعه 8 واخذت دش استعداد للانطلاق تجهزنا و نزلنا لمطعم الفندق ونظام مطعم الفندق المطعم خارجي يطل عالشارع وعلى الاسواق جزء منه داخلي وجزء خارجي عالشارع مباشره وانت واختيارك طبعا الفطور يعطونك قائمه وانت اختار مو بوفيه اختار اللي تبي اخترنا كاسين نسكافيه مع بيض اومليت وقطع من التوست بالإضافه إلى صحن مشكل من الفاكهه , ماامدى خلصنا الا والسواق يدق على جوالي يقولنا انا انتظركم في اللوبي طبعا دقيقين بالمواعيد تسعه بالضبط وهو يدق علينا توجهنا له كانت سياره حلوه جديده ونظيفه والسواق بارع في القياده كان اسم السواق ( نيومان) .

وترى رقمه معاي اذا أحد يبغاه .

واتفقنا معه على أول وجهاتنا كانت اول وجهاتنا الى مصنع للنسيج ينسجون لوحات من القماش في جزء والجزء الاخر عباره عن بعض المنتجات المصنعه من ملابس ومحافظ واحذيه وقبعات لمن يرغب بالشراء تجولنا به قليلاً وهذي صور لبعض العاملات هناك على المكائن البسيطه :


رحلتي الى اندونيسيا
التعليقات (9)
سندي محضار
سندي محضار
مرحبا بك أخي صقيع بداية مبهرة ورائعه ومميزة
سوف نتابعك بشغف لنستفيد
من خبرتكم وتجربتكم ونستمتع معك برحلتك

صقيع
صقيع
  1. وهذا الجزء الثاني معاكم


وهذا الجزء الثاني معاكم

ثم بعدها توجهنا الى حديقه الطيور والزواحف طبعا وأنت داخل تحسب إنها حديقة طيور بس لكن إذا خلصت من الحديقة وجيت بتطلع بتلقى مباشره جانب بوابه دخول الطيور بوابه لحديقه زواحف كامله ولكن كل منها له بوابه مستقله.
شاهدنا فيها طيور ماقد شفنا مثلها بحياتنا , نسيت اقولكم هذي الحديقه تدخل لها برسوم قدرها 20 ريال للشخصين وهي شامله لحديقه الطيور وحديقه الزواحف طبعاً وقتها كان الجو شوي مشمس جلسنا ساعه الا الجو فجاءه يقلب غيوم شويه أمطار يعني هناك في اليوم الواحد راح تمر عليك كل الفصول المهم مااطول عليكم أخليكم مع الصور
طبعاً هذي الطيور ماتأذي وتقدر تصور معها بكاميرتك الخاصه أو في نفس الحديقه يصورونك معاها ويكبرونها لك ويغلفونها
احنا صورنا بكاميرتنا وبعد صورنا عندهم أخذنا خمس صور ب 150000روبيه يعني يعادل 60 ريال يابلاش
اول مره بحياتي اشوف طاؤوس لونه ابيض للاسف كان فارد ريشه بس لما يحس ان احد قرب منه على يكمش ريشه
طبعاً هنا الناس جالسه تتفرج على عرض لبعض الطيور المدربه
هذي مدربه الطيور تعطي فكره عن المسرحيه ونسيت اقول لكم ترى العرض ببلاش شامل مع التذكره
وهذا واحد من الجماهير حاط صحن فوق راسه وفيه فريسه للطيور وهي طبعا منقضه عشان تاكل فريستها
وبكذا عطيتكم فكره مبسطه عن هالحديقه لأنها كبيره بالمره

jaka
jaka
بدايه رائعه مرتبه
يليتك ما دمت نظامي ما دفعت له ولا هلله طالب الهديه
كان خليته يولي و لا يقدر يقول شيء ايمانقوي بيكيرن
عموما اخوي صقيع بدايه موفقه وعشان ما تتعب في الاسئله لاني عارف انها بتجيك تمشي مليون
رقم السائق اذا هو معك وصورته يليت تسدحها للاخوان
عشان يعرفونه وتصفه لهم وتصف تصرفاته واخلاقه اذا كنت تنصح فيه من خلال تجربتك وامانته
هذا مسموح لك في تقريرك ويكون افضل لو كان بالصوره عشان اللي يكلم عليه يعرف وجهه ما يزحلقه لسواق اخر
ان حبيت وضعه فلك ذلك ونكون ممنونين لك
هذا الطلب بدات فيه من اول التقرير لاني عارف ان اغلب الاسئله راح تتعبك في هذا الشان تحديدا
وواصل وسجلني من المتابعين بشده

صقيع
صقيع
  1. الجزء الثالث من التقرير لليوم الاول

  2. وبكذا خلصنا من حديقه القرود


الجزء الثالث من التقرير لليوم الاول

وبعدها اتجهنا لمحطتنا الثانيه وهي حديقه القرود أو زي ماسميتها (ادغال القرده) طبعا القرود اللي فيها شوي ملاقيف يعني انتبه لاغراضك وهذاي صوره لتيكت الحديقه وعليها سعر الدخول ( اعذروني هناك بعض الاماكن مازالت تذاكرها موجوده راح انزلها ------------ > ( واحد ماكان له نيه ينزل التقرير )
طبعاً هذي بعض الصور في الطريق لحديقه القرود
طبعا هذي صوره للتيكت وزي ماهو واضح السعر للشخص الواحد ( مايعادل 6 ريال للشخص )
هالقرد نشب لهالمسكينه الظاهر انه استانس عليها
ياحليلها مره صغيره

وبكذا خلصنا من حديقه القرود

بعدها توجهنا الى قمه عاليه تطل على بركان خامد اسمه كنتاماني وفي هذه المنطقه تصعد الى اعلى منطقه فيها يوجد فيها مطعم له جلسات داخليه وجلسات خارجيه تطل مباشره على البركان وكان الجو خيال والمنظر جنان طبعا المعطم هو المفروض تتغدا فيه بس بصراحه انا ماانصح تاكل فيه اكله مو حلو مره ماعجبنا حالي بالمره اذا مره اطلبلك مشروبات وفواكهه اذا انت جوعان , طبعا فترات عمل المناطق المطله للبركان من ال8 صباحا وحتى ال5 عصرا طلعنا من البركان عالساعه خمس مع وقت اقفالهم طبعا المده للصعود لمنطقه البركان تاخذ ساعه من الوقت بس ماراح تمل لان المناظر الخلابه راح تواجهك في كل جهه وهذي بعض الصور للطريق المؤدي للبركان وللبركان نفسه
هذولا بعض السواح الاجانب اللي كانوا جالسين جمبنا طبعا هذا هو المطعم اللي قلتلكم عليه اللي يطل عالبركان والبحيره اللي جمبه زي ماشفتوا هذي الجلسات الخارجيه والمطله مباشره عالبركان الخامد وفيه جلسات داخليه للي يحب يجلس فيها
بصراحه منظر البركان والمنطقه اللي كانت حواليه جدا رائعه
ايش رايكم مو حلو

mm2412s
mm2412s
تقرير مشعلل من اوله واصل يابطل الله يقويك ونحن متابعين بكل شوق تفصيل وفائدة ليس بعدها ....

أبن السعودية
أبن السعودية
ماشاء الله تبارك الله عليك أخي صقيع شرح رائع ومميز
وبداية ممتازة جدا جدا والله يوفقك في تكملته باقي التقرير
ومتواصلين معك بالاجزاء القادمة بأذن الله ...

صقيع
صقيع
  1. الجزء الرابع والاخير لليوم الاول

  2. هذي بعض الصور للمحلات التي بقرب شاطىء كوتا والناس تتمشى وتتسوق

  3. هذي مناظر للغروب على شاطىء كوتا الرائع


الجزء الرابع والاخير لليوم الاول

قررنا بعدها الذهاب لشاطىء كوتا ومشاهده الغروب وفعلا وصلنا لكوتا مع قرب غروب الشمس للتنبيه على الشاطىء راح تلقى عالم بالهبل لأن الناس تتجمع وقت الغروب فتلقى ناس جالسين يتأملون الغروب وناس تمشي عالشاطىء وناس تمارس رياضة السباحه ( بالعربي راح تشاهد هناك الكثير ممن يرتدون لباس السباحه عشان ماحد يقول ماقلت له من باب الاحتياط ) مع اني اشوف المنظر عادي لأن هالمناظر نشوف زيها ببعض البلدان العربية وبالتلفزيون ( يا شاطىء كوتا اللي كثر الكلام عنك وعليك ) هذي بعض صور الطريق من البركان للشاطىء ماعلينا هذي بعض الصور

هذي بعض الصور للمحلات التي بقرب شاطىء كوتا والناس تتمشى وتتسوق

طبعاً هالفندق اللي تشوفونه على آخر الشاطىء هو فندق ميركوري كوتا واللي كان المفروض نسكن فيه نسبه للزحمه اللي فيه مالقينا حجز فيه إلا بعد يومين وطبعاً بعد يومين انتقلنا له وتابعونا في اليوم اللي راح ننتقل له.
وهذي صور للعالم اللي جالسه واللي تتمشى واللي تصور

هذي مناظر للغروب على شاطىء كوتا الرائع

طبعا لما غربت الشمس وحل الظلام على الشاطىء كنا ميتين من الجوع طبعاً من كثر الوناسه اللي كنا فيها نسينا ان بطونا كان لها حق علينا المهم توجهنا لسواقنا (نيو مان ) وسألناه عن إذا كان فيه مطاعم هنديه وبالفعل اتجه بنا على المعطم الهندي التالي وهذي صور له ولائحه بالاطباق اللي عنده وأنتوا اختاروا اللي تبون قبل ماانسى المعطم أكله لذيذ وحلال أسعاره معقوله بس نبه عالفلفل مايكثروا فيه عشان ماتبطل تأكل او يجيبون لك المطافي
هذي صوره لقائمه الطعام عندهم طبعا من الجوع مافكرت أصور ماصدقت الاكل يجي عشان اسمي واضرب بالخمس
طبعا المعم من افخم المطاعم الهنديه هناك وزي ماهو واضح يفتح من 11 الصباح الى 11 المساء
وبصراحه اكله لذيذ بس حار شوي لانو ما حنينا عليه ان مايكون سبايسي مره المشكله ( الهنود الله يصلحهم الشوي عندهم كثير )
وعقبها رجعنا للفندق عالساعه ثمان المساء ريحنا لنا ساعه عقبها نزلنا نتسوق في المحلات اللي جمب الفندق عالشارع طبعاً وتقهوينا في ستار بوكس كان جمب الفندق اللي حنا فيه لا بعد نسيت أنزل لكم الكروكي حق الفندق
تقبلوا تحياتي وهذي نهايه رحلتي لليوم الاول اتمنى تنال على اعجابكم ونلتقي بجزء اخر عن قريب

صقيع
صقيع
مشكورين اخواني ويعطيكم العافيه
التميز يجي لما يكون الشخص صادق بكل مايقوله وانا من حبي لهالمنتدى ومن عشقي لبالي ابدعت
ان شاء اني في التقرير الجاي راح احط صوره للسواق ورقمه باذن الله عشان الكل يستفيد منه وبصراحه
( نيو مان ) سواق في منتهى النظام والاخلاق ويستاهل التقدير
عالعموم تقبلوا تحياتي والتقرير ان شاء بكمل فيه
دمتم بصحه وسلام

المحاسب السعودي
المحاسب السعودي
ما شاء الله تبارك الله
تقرير رائع من بدايته
في انتظار البقية
تحياتي لك و الحمد لله على سلامتك


خصم يصل إلى 25%