1. الاستفسار الثاني

السلام عليكم ورحمة الله وبركاته ...
مساكم الله بالخير والرضا رواد البوابه الأستراليه
اولاً قبل ما أبدا الموضوع ... ودي أشكر صديقي وقريبي صاحب هالمعرف الي اعطاني الأسم والباس ورد لكي أضع استفساراتي بين أيدي الخبراء ورواد استراليا
كما ودي اقول بأن سفري لأستراليا هو لشهر العسل اللي ان شاءالله يكون عسل فعلا (ابي دعواتكم)
موعد رحلتي ان شاءالله الي سأحاول ان احجز فيه مبكرا علشان ما اتوهق هو 13 أو 14 سبتمبر على الخطوط الإماراتية ان شاءالله لأني سمعت بأنها الأفضل من بين الخطوط ... .يعني تو الناس يمديني اخطط لهالسفره صح الي ما راح اقدر اخطط لها بشكل ممتاز الا بفضل الله وبفضل نصائحكم الي محتاج لها
بالنسبه للمدن اللي خططت لها مبدئيا أن ازورها باستراليا هي
سدني
قولد كوست
مولبورن (الغاليين يبون يشوفون الثلج ولا نقدر نقولهم لا )
استفساري الأول
ماهو خط السير المثالي لتلك المدن لأن كثير قالوا لي خل سدني أخر شيء بسبب العفش ما تتوهق فيه في الرحلات الداخليه

الاستفسار الثاني

ما هو الوقت الكافي لكل مدينه ؟؟ علماً بأن المده الي بمقدوري التحكم فيها من مغادرتي لدبي ورجوعي لدبي 24 يوم تقريبا (احسس انها كافيه) وهل موعد سفري في 13 سبتمبر الأجواء في استراليا بشكل عام جميل للسياحه ؟؟
ثالثا وهو المهم السكن في هالمدن
بسدني مدحوا لي الفور سيزن واناس مدحو لي الشانغريلا فأيهما الأفضل وهل يوجد شيء أفضل منهم علماً بأن السعر ليس مهما لي اهم شيء راحتي ووناستي بالموضوع شهر عسل يعني ابي انبسط حتى لو كانت التكلفه غاليه
بقولد كوست يمكن السكن في قولد كوست هو الأكثر حيره !!
مرات اقول ابي اسكن بشقه فندقيه علشان اقدر انبسط بالمساحه وخاصة الأجواء في البلكونه بقولد كوست ومرات اقول يا زين الفندق
الأمور المحتار فيها بالسكن في قولد كوست
كي ون كشقه فندقيه أو قولد كوست انترنشونال أو فرزاتشي ؟ (اذكر اني قد قريت موضوع بأن الهاله الإعلاميه لفرزاتشي اكثر من اللازم ) فهل تفضلون فرزاتشي على كي ون وانترنشونال ؟ ام يوجد أفضل منهما ؟؟
ملبورن بصراحه ما عندي أي خلفيه بشانها الأ ان فيها رحلة الثلج فياليت تعطوني أسماء أفضل الفنادق
انا ادري بأن استفساراتي كثيره لكن متأكد انكم ما راح تقصرون معاي
شكرا مقدما يالغالين