الغريب البعيد
27-06-2022 - 11:41 am
لأهل الخبرة والاقتراحات:
بخصوص الملابس وغسيلها في الفنادق ... اسئلتي:
1- هل الفنادق تقدم خدمة الغسيل مجانا من ضمن
الخدمات التي تقدمها... ام لها حساب خاص!!
2- غند طلب خدمة الغسيل من الفندق.... هل تتأخر مدة
الغسيل عندهم ام هناك قسم للعاجل ...
2- لو حبيت اغسل في الغرفة .. ماهي الطريقة المثلى
للغسيل والتنشيف....!!!
شاكر لكم ويعطيكم ربي الف عافية
خلني اجاوب على اسئلتك اول وان شاء الله افيدك
بالنسبه للغسيل المجاني لايوجد يعني ادفع دراهم ودبل الدبل
الشي الثاني عشان تاخذ ملابسك بنفس اليوم سلمهم بدري بالكثير قبل 11 الصباح
بالنسبه للغسيل في الغرفه انا غسلت ملابسي وخيست بالغرفه حطيت الملابس في البانيو (توي متزوج ومسوي انا الشخص اللي يتصرف ومايعوقه شي) مشكلتي حطيت شامبو شعر كسلان اشتري صابون
بس تراها فكره حلوه احسب انا اللي اخترعتها عموما تقدر تجففها طبعا شغل المكيف او بمجفف الشعر
واذا قلبت رائحه الغرفه مالي دخل من الحين اقولك
انا غسلت في بينانج في مغسله ملابس اخذو علي واجد وسالت عن السعر في كوالالمبور وهونت لان عندي بديل
وسويت الطريقه اللي علمتك طبعا سر المهنه بس زعلت زوجتي وقالت خيست بالدنيا(حسيت اني مغسلهم ببصل)