هلا والله اخوي ...انا تراني مثلك مافيه الا لفلفه في ذا المكاتب واخر شيء رحت له مكتب الطيار بس انصدمت بأنه يقولي ماعندنا الا اوكلاند ...والله كنت ناوي على كرايس تشيرج بس عاد هذا كلام المكتب ومادري العامودي نفس الكلام ولا لا ...!

لا ترونها تساهيل ما يحتاج مكتب اذا مدة الدراسه ثلاث اشهر او اقل مجرد توكل على الله وتعال كرايست شيرش وبعدها انت شوف المعاهد بنفسك ترى المكاتب مايدرون (( مع ملاحظة كلامه كل كلاس مافيه الا سعودي )) هذا كذب والمعاهد مليانه سعوديين وعرب بس تعال وشوف المعهد اللي يعجبك ومنه تسجل وتحجز العائله مره وحده والامور سهله...
وراح تلقون الشباب السعوديين والعرب بكثره بيساعدونكم على طول.... اتمنى التوفيق للجميع...
مايحتاج فيزا لاقل من ثلاث اشهر مجرد احجز وتعال واذا سالوك قولهمم جاي زائر وبعدين اذا تبي تجلس اكثر من ثلاث اشهر المعهد يضبط لك الفيزه والله يوفق.

مدري ليش الأخوان يحدون نفسهم على المكاتب .. وعلى خياراتهم المحدودة جداً جداً
أغلب المكاتب يا أوكلند أو كرايستشيرش .. لا ومعاهد محدده فقط
يا أخوان نيوزلندا فيها مئات المعاهد وبمناطق مختلفة .. وبرأيي أنها أجمل من أوكلند وكرايستشيرش
وتقدر تبحث غنها بضغطة زر في هالموقع
http://www.english-schools.co.nz/
بقول لكم عن نفسي .. أنا اخترت معهد عن طريق الموقع اللي حطيته .. ورحت لأكثر من مكتب بس يسوي لي الحجز .. على المعهد اللي اخترته
لكنهم رفضوا (لازم المعاهد اللي عندهم بس)
وبالأخير حجزت وأرسلت لهم الفلوس بنفسي .. يحتاج شوية لغه مع ترجمة قوقل وكل شي تمام
بالتوفيق للجميع

faisal jeddah
يعطيك العافيه اخوي على هذا الرد بس معلومه انا فار كل المكاتب واذا تبي تضيق صدورهم قل بطلع بحجز من عندكم اسبوع واحد وشف شلون يصرف راعي المكتب بيقول اسبوع ماينفع واصلا ماتقدر تسوي شي ومن هالتصريفات التعجيزيه وانا الحين افر على ذا المواقع ومافيه الا قوة العم قوقل يترجم الله يخليه لنا انشالله
وبالنسبه للعامودي فيه كرايس تشيرج واكثر من ولايه في نيوزيلاندا بس تبي النصيحه وانا اخوك لاتاخذ كلام المكاتب على محمل الجد لانهم ماديين لأبعد ترجه يهمهم مصلحة الماده اكثر من مصلحتك وانا واحد من عيال عمي بلبل انقليزي بحجره يوم من الايام وبخليه يستقعد على المواقع الاجنبيه واذا صار معي اي جديد نزلت موضوع عنه بالترجمه

ALMALEKY
انا داري اخوي انه ينصب علي اقولك يمكن ثالث مره اجيهم

المظلوم
قايل انا المشكله ان الموقع انجليزي واشكر مرورك اخوي وشفت لك اكثر من موضوع وماشالله اغلبها تعم بالفائده بس اخوي كرايس تشيرج قريت عنها مواضع وشفت لها صور هي تجمع مابين طرفين السياحه والدراسه واتوقع ان الولايات الاخرى مي مثلها في السياحه وبالنسبه للدراسه ما عندي اي خلفيه عن المعاهد والاخوان هنا بأكثر مواضيعهم يشيدون بالمعاهد اللي تبع الجامعات بحيث الشهادة والمناهج واذا عجبك الوضع تقدر تجيب قبول جامعي وشاكر لك مساعدتك اخوي بس والله حالتنا صعبه من المكاتب النصابين اخخ بس لو اعرف انقليزي كان مضبط اموري من ست شهور

أنا رحت لمكتب الطياار وقال لي عندنا متوفر مدينتين (اوكلاند وكرايست شيرج بمعهد ef)
شهر ب 12 ألف
شهرين 18 ألف
ثلاثة أشهر 25 ألف
بدون التذكرة ((نصب عيني عينك والمشكله الكبرى انها بارت تايم يعني مو فل تاايم وال))
انت عطهم اسم المعهد والرابط تبعه واكتب لهم الشرووط وهم رااح يسجلوونك ببلاش طبعا هم يأخذوا رسووم رمزيه من المعهد وليس منك ، بس يبيلك تعجل من الآن لأ، الوقت مايمدي مابقى شيء على الإجازه .
آي خدمه بإنتظارك
في آمان الله ،،،

نيوزلندا 1414
طيب اخوي يوم سجلت ارسلت لهم صورة من جواز سفرك وطلبو منك مبلغ او اي يشي وحادثتهم بالعربي صح ابي معلومات بسيطه بس عشان تنفعني شوي وشاكر لك معاونتك يالغالي

أنا ارسلت لهم أول شيء صورة من الجواز ، ومن ثم قااموا بتسجيلي وأرسلوا لي من المعهد قبول مبدئي والفاتورة من المعهد ، وقمت بتسديد الفاتورة طبعا موضح على الفاتورة حساب المعهد ، ومن ثم ارسلت لهم ورقة التحويل ووصل لهم المبلغ بعد يومين ، ولما وصلهم المبلغ واستلموه ارسلوا لي ورقة ايصال بإستلام المبلغ والقبول النهائي والتأمين الطبي ومعلومات عن العائله (اسمائهم وايميلاتهم وارقامهم وعنوان السكن) وارسلوا جدول مواعيد الحصص بالمعهد ومعلوماات عن المدرسين والمعهد والدولة (نظامها وقوانينها) ،
أخوي أنا رااسلت مؤسسة معين بالغة العربية ، ومن ثم قمت بمرااسلة المعهد بالإنجليزي مع اني ماافهم شيء فيه بس الله يخلي ترجمة قوقل . والحمد لله أموري تيسرت بفضل الله .
ونسيت لأقول اني ارسلت لهم بعد صورة من تذكرة الحجز عشاان يتأكدوا بالضبط عن موعد الرحله للإستقباال .
(((وعلى فكرة المؤسسه لم تطلبني ولا ريال واحد ، هم راح يأخذوا مبلغ بسيط رمزي من المعهد وليس منك)))
آي استفساار بخدمتك .
في آمان الله ،،،