تركيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
سايبر
04-09-2022 - 05:20 pm
هيه لاحد يصدق ويجي .
عوذه .. معاد الواحد يمزح . ههه
تر ا الحفله مسويها في صالة بلياردو ويالله تكفي اهلي واهل العروسه وبس
لاننا مانبي نكلف على خلق الله عزايم وحضور .. هالله الله .
ههه
سالخيرات جميعا..
ويسعد صباحكم ومسائكم بكل المسرات
انشالله منيحين كلكم ؟
ثالثا < هونت عن اولا وثانيا
اشكر القائمين على هذا المنبر الشامخ المعطاء ..اللي يوفر سيوله معلوماتيه جماء
على كافة الاصعده السياحيه والاستفساراتيه ( متعوب عليها الكلمه) < -- وش رايكم فاهم صح؟ ههه
واشكر جميع من يتسع صدره لمساعدة اخوانه المحتاجين لجرعة خبير معلوماتي ..
والله يبيض وجيهكم .
الزبده من كل هالمقدمه وعشان تكمل مصلحجي عشره على عشره
محاكيكم شليويح محتار وين يسافر ؟ وهل يسافر بالقطار ولا بالبعير؟
ههه
يا اخوان انا محتار بين تركيا وماليزيا ..
طبعا بالنسبه للعرسان ايهم افضل وبالنسبه لتوقيت بشهر 8 ان شاء الله (يعني شهر شعبان بالميلادي ) < يخلف الله
فايهم تنصحوني تركيا ولا ماليزيا ؟
والمده 14 يوم
طبعا من جميع النواحي / طبيعه / تكلفه / اجواء لتلك الفتره .الافضل وين؟
  • * يمنع تداول أسماء للمكاتب السياحية **

بالاضافه الى التذاكر كم راح يكون اسعارها وافضل الخطوط؟
وتنصحوني احجز التذاكر من الحين ؟ قبل الموسم ؟
اللي عنده معلومه ولا نصيحه لايبخل علينا بها . من ناحية البرنامج ايضا .
وبس خلاص
يمكن اني نسيت شئ مدري .


التعليقات (8)
سايبر
سايبر
محد يرد ؟؟؟ ولا وش السالفه

هدوء الكون
هدوء الكون
تركيا حلوة
بحكم أني رحت لها
من ناحيه التكاليف لو تتجه لبوابة تركيا هناك الاعضاء يفيدونك أكثر
موفقين إن شاء الله ..

ابومحمد فهد
ابومحمد فهد
أولآ الناقل على حمار أبوقاري أحسلك وأرخص بدل البعير والقطار
ثانيآ تركيا للعرسان أفضل وجهة نظري
ثالثآ روح للبوابه التركيه ستجد الاجابه الشافيه والسريعه وكل ماتريد

traveling mania
traveling mania
أهلين ومبروك الزواج
طبعا وبحكم اني رحت ماليزيا فأكيد أنصحك فيها .... مرة تجنن وجوهم حلو ومرة رومانتك عشان العرسان الجدد
طيب بالنسبة للطيران... انصحك بالاماراتية ... مرة خدمتهم راقية وكابتنهم شاطر ومراح تحس بتعب السفر معاهم ... بس ممكن تحصل شركات طيران ارخص منها...
بالنسبة للبروجرام... انصحك كوالالمبور-بينانج-لنكاوي-كوالالمبور
من كوالالمبور لبينانج بالعبارة (3 ساعات تقريبا)
من بينانج للنكاوي بالطيران الداخلي
ومن لنكاوي لكوالالمبور برضو بالطيران الداخلي
بالنسبة للبروجرام في كل مدينة.. انصحك تشوف المنشورات اللي يوزعونها في المطار على المسافرين... مرة حيفيدونكم....
بس أهم شي في كل مدينة:
كولالمبور: مرتفعات جنتنج وأفا موسى و طبعا الشوبنق في Suriya KLCC
بينانج: الشوبنق والعروض التقليدية والحدائق النباتية والفراشات والتوابل والفواكة
لنكاوي: ياه على رومنسية المكان... مرة يصلح للي جايين لشهر عسل... المنطقة مايجونها سياح كثير ورهيبة... ممكن تستأجر دراجة نارية ولا بقي من الفنادق وتلفلف الدنيا كلها ولا تهتم وتخاف لا احد يشوفك لأن المنطقة مابها ناس كثير.. وطبعا الفواكة تباع على الشارع وبرضو العصيرات يعني اذا ودك تنعش نفسك شوي... وطبعا أهم تجربة في لنكاوي هي ركوب الخيول... في مزرعة في قلب لنكاوي بها خيول ويعلمون كيف تركبونها و بس مرة وناسة... وطبعا عندهم تلفريك و الشلالات السبعة...
أتمنى اني قدرت اساعدك... وبالتوفيق ان شالله

كلي روح789
كلي روح789
انا زرتهم كلهم
ماليزيا احسها تصلح للعرسان وللعوائل
يعني انصحك بماليزيا
ام سلمان

ثلجة من جبال الألب
ثلجة من جبال الألب
تبي رأيي أنا رحت لهم كلهم فيه احسن منهم واروق للعرسان
روح النمسا (فينا ، زيلامسي)مع (ميونخ ) في المانيا 12 يوم أوبدل ميونخ بباريس
ترى ماليزيا تجيب الهم وحر وتركيا مهب ذاك الزود
بالتوفيق بس ترى خيمتكم كبيره المفروض تعزمنا كلنا

alma3ani
alma3ani
مرحبا اخوي
قبل كل شي ميزانيتك هي الي اتحدد انت الي عطنا الميزانية واحنا انقولك اكيد
بنسبة لي بقولك اذا جو اكيد تركيا ابرد ولاكن ماليزيا احلى وارخص وارقى وانا رحت ماليزيا وهي حلوة بس بعد العالم الي فيها وايد
الحجز اكيد من الحين ناسي رمضان والضغط اشلون لين الحين وماحجزت ترا احنا في 2010 الكل صار يسافر وشي بديهي انك تحجز من الحين
واكيد خذلك لفه على البوابات يمكن يعجبك شي بس لو تبي رايي زيد المدة وروح استراليا وادعيلي

سايبر
سايبر
أهلين ومبروك الزواج
طبعا وبحكم اني رحت ماليزيا فأكيد أنصحك فيها .... مرة تجنن وجوهم حلو ومرة رومانتك عشان العرسان الجدد
ويبارك بعمرك اختي وماقصرتي جدا .
وبرنامج رايق بس مدري كيف البرنامج اليومي وافضل الفنادق
يسلمك ربي.
انا زرتهم كلهم
ماليزيا احسها تصلح للعرسان وللعوائل
يعني انصحك بماليزيا
ام سلمان
يخليك ربي ام شلمان
ونصيحه في مكانها
الله يبيض وجيهم كلكم وماقصرتو
مشكورين جميعا
قبل كل شي ميزانيتك هي الي اتحدد انت الي عطنا الميزانية واحنا انقولك اكيد
وبالنسبه للميزانيه 20 الف ريال .
مدري هل تكفي لماليزيا ؟
طبعا المده 12 يوم او 14 يوم
وابي برنامج تكفوون يكون حلوو وباليوم
طبعا المدن وبأسماء الفنادق الافضل .
والله لسا باقي ماحجزت
ومدري شكل الخطوط السعوديه كلها زحمه> قرر ماليزيا .
مدري افضل احجز التذاكر والفنادق وكل الحجوزات عن طريق المكاتب؟
ولا الافضل عن طريق موقع الخطوط.؟ التذاكر طبعا


خصم يصل إلى 25%