اوكلاند المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
The black ghost
20-09-2022 - 02:07 am
بسم الله الرحمن الرحيم
سلام عليكم
حي الله الاخوان كل واحد بسمة ورسمة ....
طبعا لي فترة مسجل بهالمنتدى لكن للاسف ما اء التفعيل الا قبل كم يوم ...
والا كان ودي احط لكم تفاصيل رحلتي الا نيوزلاند ....
اخوكم الان في كريست شيرش وهي والله العظيم بتطرش عرب ..... يالله يا اخوان والله امتلت انا لي فترة فيها لكن الاسابيع الثلاثة اللي راحت والله فل عرب الناس تسمع عن اوكلاند انها زحمة وقاموا يحولون على شيرش ..... لكن الان ان شاء الله بانقل لمدينة ثانية بعيدة بالحيل .........
المهم يااخوان اي واحد يبي خدمة من هنا والا محتاج مساعدة ان شاء الله ما نقصر معه ولو ان المايسترو ما خلى لنا شي الله يوفقة ...
بالنسبة اشوف البعض في السعودية متخوف من الوضع هنا انا والله ما دريت الا يوم اتصل على الوالد يسلم ويسال .. !
لكن مابه الا كل خير بس لاحد يجي لكريست شيرش والله ما تنفع ....
انا طولت عليكم ولاتنسون حنا بالخدمة ...
في امان الله ..


التعليقات (9)
المايسترو
المايسترو
The black ghost
هلا وغلا حبيبي ...
كنت متوقع 100% ان كرايستجيرج راح تكون مليانه عرب ... لأن العالم كله تنظر لنيوزلاندا .. تركوا امريكا وتركوا لندن ... لكن نصيحتي للي عنده وقت كافي .. يعني مو مرتبط بوقت دراسه او شي انصحه يروح بعد نهايه الاجازه
تحياتي لك وفي انتظار اخبارك

gahez
gahez
انا ياشباب راح يوم الأثنين الجاي ..
تذكرتي لأوكلاند بس ودي بكرايست شيرش ..
وباخذ نصيحتك المايسترو وبسجل المعهد من هناك ..
بس ابغى منكم نصائح بصفه عامه لأني اول مره اسافر الى هاذي المسافة ..
وبخصوص المعاهد وش الأفضل والأقل سعر بكرايست شيرش او اوكلاند ؟؟
وش اختار كراييست شيرش ولا اوكلاند ؟؟ مع العلم انا ودي بالسياحة اكثر من الدراسة ؟؟
وهل العائلة لا زم تحدد وياها وقت الطلعه والرجعه ولا بكيفكتتطلع متى مابغيت وترجع متى مابغيت ؟؟
وكم يكفيني لمده شهر ؟؟
وهل لا زم تأمين صحي ؟؟
انا طالع على الكثي باسيفك ؟ ممتازه ولا يعني ؟؟ مع العلم بوقف بهونغ كونغ 8 ساعات ؟؟ وش اسوي فيها برايكم ؟؟
واذا تعرفون ا مكان ممتازه للسياحه توصون فيها لا تبخلون الله يعطيكم العافيه ؟؟
مشكورين وماعليه على الأسأله الزايده بس اعتبروني اخوكم الصغير ؟؟
وعليه الرد يكون مبكر قبل السفر

AbO SaMi
AbO SaMi
المشكلة ودي أروحلها سياحة ولكن الكل يتحدث أنها للدراسة
مثل ماليزيا حطوها للعرسان فقط...وأنا رحت لها وصديقي ..وقضينا وقت ممتع أفضل من سفرات الرذيلة لبعض الدول المجاورة والحمدلله على نعمة العقل ونسأله الهداية والثبات إن شاء الله
ياريت تحدثونا بمواضيع سياحية ... وتكاليف وأماكن وكلوا مثل ماليزيا وتركيا....يالمايسترو ويالوحش ... أتمنى ذلك حقيقة....سواء عوائل أو شباب مش مشكلة

ابواحمد1
ابواحمد1
اخوي الوحش الاسود .
ليش قلت في اخر كلامك ان كريست شيرش ماتنفع ؟
هل لكثرة العرب فيها ؟ او لان مافيها معالم سياحية تستاهل زيارتها ؟
تحياتي .

مهاجر
مهاجر
الحمدلله على لاسلامه
ويا ليت تعطينا تقرير عن رحلتك في كل مدينه

The black ghost
The black ghost
الاخوان جميع مرحبا
انا الان مستعجل بس رد سريه لابو احمد وراجع بعدين ان شاء الله
اول شي كثرة العرب فيها ومعالم سياحية مهب بالحيل تبي السياحة عليك بكوينز تاون بس الان درجة الحرارة به -6 يعني برد وثاني شي غالية واحسن الواحد يروح لكريست شيرش بس مهوب الحين اذا رجع الشباب اللي هنا يعني تقريبا بعد شهر ونص ممتاز تبدا تخف ....
وان شاء الله بحط لكم صور حلوه في موضوع مستقل ...
في امان الله

ابواحمد1
ابواحمد1
شكرا اخوي الوحش الاسود .
عندي سؤال ماهو متسوى المعيشة في كريست شيرش مقارنه باوكلند ؟
وايهما افضل من ناحية الطبيعه ومن ناحية الاسواق ؟

The black ghost
The black ghost
والله اخوي انا عايش بكريست شيرش لكن اللي اسمعه ان اوكلاند يمكن ارخص يعني عندك كارد الباص في اوكلاند الشهر ب80 دولار تركب فيه 1000 مره لكن بكريست شيرش تشحنه وكل مره 1.5 دولار لكن انا افضل كريست شيرش وبعدين اوكلاند عاصمة تجارية اسواقها احسن بكثير لكن كريست فيها ريكتون والبلانس ممتازة بالحيل ....

المايسترو
المايسترو
The black ghost
بخصوص شحن كرت الباص في كرايستجيرج ... اطلب انك تشحنه لمده اسبوع ... ولا تنسى ميزه حلوه ما يدري عنها معظم اللي يستخدم باص كرايستجيرج .. وهي انك اذا استخدمت الباص ( الاثنين + الثلاثاء + الاربعاء + الخميس + الجمعه ) يعني 5 ايام في الاسبوع .. راح تعطى الويك اند السبت والاحد تتمشى بالباص مجانا ولأي مكان تبي ... يعني اركب ولما تضع بطاقتك فوق الماكينه ما راح يخصم شي ابد ... ثاني شي انك اذا استخدمت الباص مرتين في اليوم خلاص الباقي ببلاش .. يعني ما زاد عن مرتين ما يخصم شي من بطاقتك .... المعلومات اللي اقول لك عنها في ناس جالسين شهور في كرايستجيرج ما يدرون عنها


خصم يصل إلى 25%