الكويت المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
الفهد999
24-09-2022 - 10:46 pm
السلام عليكم ورحمة الله وبركاته
إلى آهل الخبرة
جاي بإذن الله خلال اليومين ..
ماهو افضل طريق آمن وسريع ومخدوم من الرياض إلى الكويت
ياليت تفيدوني اليوم بالمسافة والمدن العابر لها والخيارات وافضلها..
اخوكم
الفهد


التعليقات (9)
* مسافر جديد *
* مسافر جديد *
عليكم السلام ورحمة الله وبركاته .
حياك الله أخي الكريم الفهد999
وفيه طريقان من الرياض للكويت :
الأول وهو الأقصر : الرياض رماح شوية الرفيعة القرية العليا الخفجي الكويت .. وعيبه أنه من رماح إلى القرية العليا سايد واحد .. مسافته الطريق كاملاً تقريباً 640كم .
الثاني : الرياض المجمعة الأرطاوية حفر الباطن الرقعي الكويت ومسافته أطول لكن يميزه أنه طريق سريع حتى حفر الباطن ومن الحفر إلى الرقعي سايد واحد .
حفظكم الله .

The Desert Man
The Desert Man
هلا أخوي
أنا لي يومين واصل للكويت بالسلامة ، وسلكت هذا الطريق
الرياض - المجمعة - الأرطاوية - أم الجماجم - حفر الباطن - الحدود السعودية الكويتية - الجهراء - مدينة الكويت
بس خذ بالك من الطريق من أم الجماجم الى حفر الباطن لأنه تنعدم فيها الخدمات من محطات بنزين واستراحات حوالي 190 كيلو بدون خدمات !!!! يعني عب بنزينك فل من أم الجماجم إحتياطا
ومن حفر الباطن للحدود 100 كيلو سايد واحد بس سهل والحين تقريبا وزارة النقل خلصوا من ازدواجية الطريق وباقي فتحه للمسافرين فقط
تروح وترجع بالسلامة

violetq8
violetq8
انا اقول الطريق الثاني ل مسافر جديد هو الافضل

saso_ksa
saso_ksa
طريق ام جمام من وصفه يخوف طريق فاضيي يعني ماتدري لا سمح الله وش يصير بسياره ولا شيي ومافي محطاات
احنا داايم نروح من طريق الي يوديي لنعيريه بعدين خفجيي
ماعرف الوصف لان ما انتبه لطريق لما نروح

MOHAMMED..
MOHAMMED..
الثاني : الرياض المجمعة الأرطاوية حفر الباطن الرقعي الكويت ومسافته أطول لكن يميزه أنه طريق سريع حتى حفر الباطن ومن الحفر إلى الرقعي سايد واحد .
حفظكم الله .
أنصحك بهذا الطريق لأني رحت وجيت معه قبل كم يوم
ومافيه كلام ولا تشيل هم من المحطات اهم شي تفلل
البازين من المحطه الي عند المنفذ قبل دخولك الكويت لأنه غالي شوي عندهم
عشان يكفيك اذا كنت منت مطول

مسافر المملكة
مسافر المملكة
mohammed..
أنصحك بهذا الطريق لأني رحت وجيت معه قبل كم يوم
ومافيه كلام ولا تشيل هم من المحطات اهم شي تفلل
البازين من المحطه الي عند المنفذ قبل دخولك الكويت لأنه غالي شوي عندهم
عشان يكفيك اذا كنت منت مطول
انا ايضا سبق وان سلكت هذا الطريق وهو جيد جدا

SlToony
SlToony
وانا انصحك بالطريق الثاني اخوي توني جاي من الكويت مالي شهر
وهو الأفضل بنظري لأني رحت مع طريق ورجعت مع طريق ثاني ف افضل طريق بنظري هو الثاني
ورحله ممتعه وموفقه ان شاء الله

الفهد999
الفهد999
أشكر الجميع على تفاعلكم ... بارك الله فيكم
كان خط سيري الى الدمام ثم الى الكويت
فسلكت طريق الرياض - الدمام - الخفجي - الكويت
خط مزدوج ومحطات والمسافة تقريبا 850 كم

أبو اصيل
أبو اصيل
الفهد999
انا رحت وجيت مع نفس ذا الطريق
قمة الروعة
وربنا يديم علينا نعمة الأمن
(((خليجنا واحد)))


خصم يصل إلى 25%