السلام عليكم ورحمه الله وبركاته
يسعد مساكم اول شي يعطيك العافية على جهودكم الرائعه
وعليكم السلام ورحمه الله
يسعد مساك وصباحك .
عندي استفسار ووعندي برضو راايكم يهمني كثير
في خدمتك يابشمهندس
طبعا انا من السعوديه حجزت على خطوط الامارات من البحرين دبي خطة سيري بحرين دبي من دبي بطلع على مالبورن 3 ايام وبعدها سدني 4 لليلي في سيدني و10 ايام في قولد كوست
خط السير ممتاز وتوزيع الايام عال العال
علما تذكرت الطيران قيمتهاا 5800 ريال وشرايكم بسعر حلو ولا غاليه
خطوط الامارات غنيه عن التعريف .. والسعر يعتبر جيد بس لو حاب على الماليزيه راح يكون ارخص
وتضرب عصفورين بحجز وتقعد كم يوم في ماليزيا ..
مالبورن كرون بلازا هذا الى سمعت عنهاا وشرايكم
فندق ممتاز وموقعه ممتاز ومطل على نهر يارا وقريب على الشوارع الحيويه
سدني محتار بين فندقين نوفا تيل دايلق هاربر ووفورسيزن وش تنصحوني فيه
النوفتيل رائع وموقعه في الدارلنغ هاربر ممتاز وافضل موقع في فنادق الدارلنغ هاربر
الفورسيزون فندق فخم وراقي لكن عيبه مايطل على الدارلنغ هاربر مباشره وموقعه جوررج ستريت الحيوي
قولد كوست 8 لليالي محتار بين فندقين هولدي ان وو قولد كوست انترنشنال
ولليلتين باخذهاا ا في فرزاتشي
الهوليدي ان وفرزاتشي فندق اقل عن عادي

اخي الحبيب ...
حياك بين اخوانك في البوابة الاسترالية ... وبالنسبة لسعر التذاكر فهو معقول ... طبعا اكيد هالسعر غير شامل التذاكر الداخلية ... ولا لا ...
ومايخص الفنادق ... اختياراتك موفقة ...
مالبورن فندق الكراون بلازا ممتاز ...
سيدني النوفيتل دارلنج هاربر ممتاز كموقع باطلالته على الدارلنج هاربر ... وكذلك كمستوى ... ولكنه لايرتقي كمستوى الى الفورسيزون الذي يقع في نهاية الجورج ستريت وذو اطلالة على السيركلاكي (دار الاوبرا و جسر سيدني الشهير) ... باختصار انت ادخل وشوف مستوة الغرف والسعر ... واللي ترتاح له احجز فيه ... لكن من المهم ان تاخذ في النوفتيل اطلالة كاملة على الدارلنج هاربر ... وكذلك الفورسيزون اطلالة كاملة على الاوبرا و جسر سيدني ...
القولدكوست الهوليدي ان سيرفيرس باراداييس خيار ممتاز ... وكذلك فكرة اليومين في الفريساتشي جيدة ... علماً ان الفريساتشي عادي ... اهم مايميزه هو انه اول فندق بالعالم يحمل اسم فريساتشي ... وكذلك كل شي في الفندق من اثاث و اواني وفرش يحمل شعار فيرساتشي ...
كن بخير ...

يعطيكم العافية على ردودكم
طبعا تختلف عن التذاكر الداخليه
طيب تنصحوني بمكتب او مواقع ممتازه للحجز منهاا اسعارها ممناسبه للفنادق في استراليا
شكري لكم وتقديري

وختياري للنوفي تيل انه قريب من كل شي صح ؟؟؟
موقع نوفاتيل افضل من موقع فورسيزون ؟؟ اذا كان عندكم فندق اخر انا سعيد برايكم

شباب في استفسار اخر وشرايكم بخطوط الاماراتيه او خطوط الصينيه كاثي بسفك مدري وش اسمها بضبط ؟؟؟ رايكم بليز

اخي الحبيب ...
فندق النوفيتل دارلنج هاربر و فندق الفورسيزون ... بشكل عام يعتبران من الاميز ... اضافة الى فندق الفور بوينتس باي شيرتون ... سعر معقول ومستواه جيد جدا والاهم اطلالته على الدارلنج هاربر ....
الفنادق الثلاثة مميزة ... سواء كموقع او كمستوى ...
مايخص الطيران ... الامارتية اعتقد انها ممتازة ... طيران الكاثي باسيفك (الطيران الرسمي لهونج كونج) مستواها جيد جدا ... تحفظي فقط على الاكل في الطائرة ...
بشكل عام الامارتية والاتحاد والسنغافورية من وجهة نظري الاميز ... ومن ثم تجي الماليزية والكاثي باسيفك ...
تحياتي ...

the immigrant
حبيب قلبي يعطيك العافية
طيب موقع ممتاز للسكن وشرايك

مرحبا جميعا
بالنسبة لملبورن فيه فندق citigate melbourne روعه خصوصا انه جنب مطعم مكدونالدز يصير على يدك اليمين اول ماتطلع من الفندق ومن جهة اليسار بس بعيد شوي كنتاكي وحوله سوبرماركت سفن قريب مره (قدام ماك) والوصول لمنطقة الكراون بلازا عن طريق نفق مشاة تحت محطة Flinders St بوابة النفق مقابلة لبوابة الفندق
وهذا الرابط بيساعدك كثير عشان تاخذ تصور عن منطقة الفندق
http://maps.google.com/maps?hl=en&safe=active&um=1&ie=UTF-8&q=citigate+melbourne&fb=1&hq=citigate&hnear=melbourne&view=text&ei=heHES_HwIIaC_AbR0bGUDw&sa=X&oi=local_group&ct=more-results&resnum=4&ved=0CCQQtQMwAw
اختر على الstreet view
وبالنسبة لسدني
فندق هوليدي إن موقعه قدام مكدونالدز بالضبط وسعره حلو ويقع قريب من بداية الدارلينق هاربر وعلى يساره سوق الماركت ستي سوق شعبي
هذا الرابط بعد بيساعدك كثير
http://maps.google.com/maps?hl=en&safe=active&um=1&ie=UTF-8&q=citigate+melbourne&fb=1&hq=citigate&hnear=melbourne&view=text&ei=heHES_HwIIaC_AbR0bGUDw&sa=X&oi=local_group&ct=more-results&resnum=4&ved=0CCQQtQMwAw
بالنسبة للطيران الاماراتيه حلوه بس يمكن ماتوصل لكل المدن
الكاثي حلوه مره وكانت مريحه وكانت توصل لمدينة كيرنز ( مدينه رائعه وانصحك فيها )
اتمنى اني افدتك
اختكم بيردز.

birds
يعطيك العافية ياختي
بس شكلك قوة ماك في استراليا