استراليا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
D e s i g n e r
08-12-2022 - 04:44 pm
السلام عليكم
حبيت استفسر عن اسعار التذاكر
بالخطوط الاماراتيه من دبي الى ماليزيا ترانزيت الى استراليا
فترة السفر من 4 اكتوبر ان شاءالله وتمتد الى مابين 15 يوم الى 18 يوم تقريبا
ياليت توضحوا لي ارخص الرحلات المتجهه الى استراليا بأي خطوط طيران
وماهي الميزانيه لرحله الى استراليا لشخصين لقضاء شهر العسل
علما ان ميزانيتي 17 الف ريال فقط
شامله التذاكر + الفنادق + التنقل بين المدن
هل راح تكفي او لا ؟
ومارايكم بالاجواء في اول شهر اكتوبر في استراليا ؟
ياليت تفيدوني بتجاربكم


التعليقات (9)
Rio De Janeiro
Rio De Janeiro
والله للاسف ماراح تكفي التذاكر مش اقل من 9 الاف

D e s i g n e r
D e s i g n e r
اوكي لو نقول الميزانيه صارت 20 الف ريال

Rio De Janeiro
Rio De Janeiro
شف عزيزي
استراليا غاليه وانت حاب شهر عسل ماراح تفلها ولا راح تقدر تتمشى بهالميزانيه يعني اقلها يبي لك 30 الف
تقدر تروح ماليزيا بهالميزانيه لمده 10 ايام ولو كانت اقتصاديه اسبوعين

hml
hml
اهلا بك عزيزي .... D e s i g n e r
والف مبروك على خطوة الزواج .... واحب اشاركك برأي المتواضع
حبيت استفسر عن اسعار التذاكر بالخطوط الاماراتيه من دبي الى ماليزيا ترانزيت الى استراليا
طيران الامارات لا يوجد لديها خط من دبي - ماليزيا - استراليا
وخط سيرها لاستراليا كالتالي:
خطوط مباشرة :
دبي - سيدني
دبي - مالبورن
دبي - بريزبن
دبي - بيرث
خطوط غير مباشرة ( ترانزيت )
دبي - بانكوك - سيدني
دبي - سنغافورة - مالبورن
دبي - سنغافورة - بريزبن
اما اذا لك رغبة تروح ماليزيا ومن ثم استراليا يمكنك الحجز على الطيران الماليزي
دبي - كوالالمبور - ( شتى مدن استراليا الرئيسية )
واذا حاب طيران الامارات :
دبي - كوالالمبور ( طيران الامارات )
كوالالمبور - جولدكوست ( طيران اسيا ) طيران اقتصادي
فترة السفر من 4 اكتوبر ان شاءالله وتمتد الى مابين 15 يوم الى 18 يوم تقريبا
بالتوفيق ... وايت سوف تقضي هذه الفترة في اي مدن
ياليت توضحوا لي ارخص الرحلات المتجهه الى استراليا بأي خطوط طيران
اسعار التذاكر تكاد تكون متقاربة بين شركات الطيران وسعر التذكرة السياحية مابين ( 4800 - 5200 ) درهم
وماهي الميزانيه لرحله الى استراليا لشخصين لقضاء شهر العسل علما ان ميزانيتي 17 الف ريال فقط شامله التذاكر + الفنادق + التنقل بين المدن هل راح تكفي او لا ؟
ميزانيتك تحتاج شوية زيادة لتغطي جميع احتياجاتك وتنقلاتك خاصة وان شهر اكتوبر اسعار السكن ( فنادق وشقق ) ترتفع عن شهور ( 6 ، 7 ، 8 )
ومارايكم بالاجواء في اول شهر اكتوبر في استراليا ؟
الاجواء تكون جميله في شهر اكتوبر لا باردة ولا حارة
وانا احب ان تأخذ لفه في هذه الروابط لكي تكون فكرة
https://artravelers.com/p/re/324951
مع تحياتي

THE IMMIGRANT
THE IMMIGRANT
D e s i g n e r
حياك في البوابة الاسترالية ... وكم تمنيت لو وضعت استفساراك في البوابة المخصصة لذلك ... بدلاً من وضعها في البوابة الرئيسية ... على العموم الميزانية وكما افادوك خبراء استراليا جدا لاتكفي لاسيما والموضوع فيه شهر عسل ... اتوقع التكلفة ستترواح من 30000 الى 40000 ...
Rio De Janeiro
يعطيك العافية ماقصرت ...
خبير البوابة الاسترالية hml ...
وش خليت لنا نقوله ... ماشاء الله عليك ... كفيت و وفيت ... وبيض الله وجهك ...
تحياتي ...

D e s i g n e r
D e s i g n e r
ماشاءالله عليكم كلكم ماقصرتوا كفيتوا ووفيتوا
واعذروني ماانتبهت لقسم الاستفسارات الا بعد مانزلت الموضوع
مشكلتي مستعجل خخ
بما ان الميزانيه 20 الف ماتكفي انا كنت حاط مابين 20 و 25
وشكلها كذا بكل الاحوال لازم تكون فوق 30
وغير كذا افدتوني ان الفنادق تكون اغلى في اكتوبر
اجل ناجل استراليا لبعد شهر العسل ان شاءالله
بس هل فيه بديل تنصحوني فيه
غير ماليزيا لاني زرتها مرتين ولاني ماافضلها بسبب زحمه العرب فيها والعرسان بشكل خاص :d

Rio De Janeiro
Rio De Janeiro
شف تركيا او النمسا اسبوع او 10 ايام حسب ترتيبك اعتقد راح تكفيك 25
تأجير السياره 10 ايام عشان تتمشى على راحتك للسياره الصغيره حاولي 2500 من
سيكست او يوروب كار والغالب يوروب الارخص
اهم المدن اللي تزورها
فينا او 3
زيلامسي ومناطقها 3
سالزبورغ 3
ترجع فينا وتقعد 1
والفنادق ترا مايفرق واجد خلك على فنادق 3 و 4 نجوم لاتكثر ولو كان بعيد عن السنتر مايهمك لانك راح تسوق
وهنا راح يساعدونك الشباب
https://artravelers.com/s/154
واذا ماعجبتك تركيا طبيعه وجميله

D e s i g n e r
D e s i g n e r
اعتقد ان الميزانيه راح تقف عائق
يا اني ارفعها او اتجه الى شرق اسيا عشان تتناسب الميزانيه مع المده
حذفت استراليا مع اني كنت اتمنى اقضي فيها شهر العسل
ومده اسبوع او 10 ايام في النمسا او تركيا اشوفها قليله جدا لان شهر العسل مره مايتكرر
ولازم يكون مميز في بلد مميز
مشكورين على مشاركاتكم اتمنى تعطوني بديل مناسب للميزانيه والمده المقترحه

THE IMMIGRANT
THE IMMIGRANT
اقترح ان تكون في كل من دبي وماليزيا ...
تحياتي ...


خصم يصل إلى 25%