ونحن بانتظار التقرير يا تادي
يعطيك العافيه

بانتظار التقرير اللي باين عليه حيكون مميز جدا
ومادام فيها شانجريلا اكيد بيكون فيه الكثير من الفخامه
شد حيلك اخوي والله يعينك على اسئلتنا

1. واقول حق نفسي ياولد ليش ما تكشخ وتشوف الدبليو

بسم الله الرحمن الرحيم
نكمل ان شاء الله
خط سير الرحله
الكويت - دبي - المالديف
الخطوط
طيران الامارات
المده
اربع ليالي
تم التخطيط لقضاء 5 ايام في المالديف وكانت الحيره كبيره في السكن بسبب كثر الفنادق والمنتجعات واغلبهم الكل يمدحهم فا احترت واحترت واحترت
عن نفسي سبق لي ان جربت الفور سيزن كودا هورا
http://www.fourseasons.com/maldiveskh/
قبل 5 سنوات وكانت تجربه ناجحه بمعنى الكلمه لهذا السبب كنت محتار وين اسكن
كنت محتار بين كذا منتجع وحاط ميزانيه 150 دينار كويتي في الليله (500 دولار امريكي تقريبا )
اول شي فكرت في هيلتون ارو فوشي
http://www.irufushi.com
وشجعتني تقارير الزملاء عليه وكان حسب الميزانيه الي مخطط لها بس ترددت...... حسيت ان الفندق قديم شوي ودام اني دافع 150 دينار في اليوم ممكن ازيدها وادلع نفسي شوي...
فكرت في باروس
http://www.baros.com/
بس غلاء سعره ما شجعني تقريبا 220 دينار كويتي وقلت دام اني وصلت 220 دينار في اليوم خل ازيدها شوي وادلع نفسي....
قلت اخذ الكونراد ولا ارد على احد
http://conradhotels1.hilton.com/en/ch/hotels/index.do?ctyhocn=MLEHICI
والكونراد الكل يشهد له وماعليه كلام وعزمت عليه وطلعت ليلته 270 دينار تقريبا ...... بس ترددت..... وقلت دام وصلت 270 دينار خل ازيدها شوي وادلع نفسي في مكان رومانسي مافيه ازعاج
فكرت في الفور سيزن الجديد
http://www.fourseasons.com/maldiveslg/
وعزمت بس كان تقريبا 330 دينار كويتي في الليله للفيلا المائيه ...... وترددت ..... قلت دام وصلت 330 في الليله ليش ما اقص الحق من نفسي واجيب الذيب من ذيله

واقول حق نفسي ياولد ليش ما تكشخ وتشوف الدبليو

http://www.starwoodhotels.com/whotels/property/overview/index.html?propertyID=1585
وتكون سفره الاحلام وعزمت وشفت في السفريات سعره وشفت في السايتات بوكينغ واقودا وراسلت الفندق وعطوني الليله 470 دينار كويتي .... ومن يوم ما انا عزمت على الدبليو وانا نفسيتي تعبانه:5zcrt: ومالي خلق احد يكلمني والكل يسألني شفيك ..... صراحه من حر ما فيني يعني بالعقل ادفع 1700 دولار امريكي في الليله على فندق!!!.... حرام:5zcrt:
مادري من وين طلع جدامي فندق شانغريلا ومن عادتي اشوف اول شي اذا احد من الزملاء كاتب عنه واذا مافي اشوف هالاجانب شيقولون:5x6ut: وشفت في موقع تريب ادفيسور بس ما شجعني تقييمهم
http://www.tripadvisor.com/Hotel_Review-g676752-d302121-Reviews-Shangri_La_s_Villingili_Resort_and_Spa_Maldives-Addu_Atoll.html
هذا رابط الموقع وتقييم الفندق وكان تقييمه اربع من خمس نجوم بس لما قريت تعليقاتهم شفت انا اغلب الي معطينه تقييم نازل الي كان ساكن اسبوعين ويقول ان المطاعم اكلها ممل ( يعني اسبوعين في جزيره وماتبي تمل من المطاعم ) ناس مادري شلون والله واغلب التعليقات كانت عن المطاعم وبعدها عن مطار ماليه
كان سعر الفندق في اقودا 170 دينار في الليله للوتر فيلا ( 480 دولار امريكي نفس ماهو مكتوب في الويب سايت )
والله و اتوكل على الله وحجزت وميزه موقع اقودا بعد انهم يعطونك جزء من المبلغ الي حجزت فيه مثل رصيد عندهم ويسونلك خصم في اي مره تحجز عقب عن طريقهم
يعني انا حجزت اربع ليالي والتاكس وفلوس المواصلات الي المنتجع المجموع كان 2900 دولار عطوني 150 دولار خصم اي مره ثانيه احجز عندهم وهذا شي جيد
ونصيحتي للي يبي يحجز للمالديف ان يشوف كذا مكان ويقارن السعر واقتراحي عليه كالتالي
1- مكتب سفريات
2- موقع الفندق نفسه
3-مراسله الفندق نفسه وسؤالهم اذا ممكن خصم او اي عرض
4- مواقع السفر خصوصا
اغودا و اسيا ترافل اتوقع هالموقعين من افضل المواقع لفنادق المالديف
http://www.agoda.com/ موقع اقودا
http://www.asiatravel.com/
وبعدها يقارن كل سعر فيهم ويختار الارخص وصدقوني راح تلقون فرق كبير في السعر
مثال انا حجزت الليله 480 دولار عن طريق اقودا لكن عن طريق موقع الفندق كان 1200 دولار مادري ليش الفرق الكبير.......
وهذي قصتي مع بدايه الحجز والدوخه الي صارت لين ما حجزت وترقبوني في التكمله وراح اشرح فيها المواصلات الي الفندق
وهذي عينه من الصور للتشويق



انتظروني

الله عليك
ذكرتني بحيرتنا وحالتنا يوم فكرنا نروح المالديف لدرجة ان زوجي بغى يلغي السفره من شدة الحيره
اكثر من اسبوعين وحنا نقارن ونبحث في المكاتب والمواقع وحيره في اختيار الخطوط
ولكن في الاخير الاستخاره لها دور في حزم مثل هذه الامور
وحبيت اشير لنقطه مهمه :
هيلتون ايروفوشي ليس قديم افتتح في 7/2009 يعني ماصار له سنه
كان موجود من عام 2005 ولكن لم يكن بادارة الهلتون ولم تكن وحدات الواتر فيلا موجوده ولكن بعد ما اشترته الهيلتون تم تجديده بالكامل واضافة وحدات جديده والمنتجع واثاثه جديد كليا
بانتظار بقية التقرير لاتتاخر علينا

basbosah1
تصدقين مادري ليش كان عندي احساس ان قديم ..... يمكن من صور بعض الزملاء عطتني هل ايحاء او بسبب رخص سعره مقارنه مع باقي الفنادق خلاني ما اتشجع عليه ......
بس معلومه مهمه ومفيده تشكرين عليها

بداية موفقة أخي الفاضل ومتواصلين معك بأذن الله ،،

taddei
بالنسبه لرخص السعر كان فيه عرض على جميع فنادق هلتون خصم 50%
حتى كونراد كان بيطلع ب16 الف بدل 32 الف ريال للاسبوع
واحلى شي انك رحت لمكان جديد ماحد راح له من قبل بالنسبه لي مااحب ان تكون رحلتي نسخه من رحلة غيري
ليه مااستكشف مكان جديد يمكن يكون افضل من الاماكن المعروفه اللي بتكون استهلكت فعلا

basbosah1
والله نستفيد من خبرتكم وان شاء الله المرات الثانيه ضروري نستشيركم في الاختيارات
لكن مثل ما قلتي كانت تجربه جديده وممتازه
كل الشكر