انشالله تردون علي

54 واحد ولا رد ؟ بسرعه بليز ردوا علي عشان بخطط حق السفره

اخي العزيز بما ان راح تطول بالاجازة جيب معاك احتياطك في السفر اما بخصوص الصرف راح تصرف الدولار للمغربي واما لاكادير ففيها فنادق حلوة مثل سوفيتيل صحاري شيراتون بس انت و ميزانيتك ومقدورتك المالي وان شاء الله رحلة حلوة وموفقة واي استفسار اننا تحت امرك توصل بالسلامة وترجع لديرتك ان شاء الله بخير وصحة

قصدج شنو الاحتياطات ؟
انا عندي دينار كويتي يعني احول كويتي الى دولار ومن دولار الى درهم مغربي ؟
او تنصحيني احول دينار كويتي الى دينار مغربي مباشره ؟
ارجو ياختي مغربيه انج تفيديني أكثر بالجدول

الجدول يا اخي ha7nonانك تجيب معاك الدولار او دينار كويتي وتصرفه لدرهم المغربي وتحتاجه لاحتياجاتك اليومية والاحتياطات الي قلت لك عليها انك تحط مبلغ جنبك لضرورة احكام اوكي وانا اتمنى اني افدتك او ساعدتك بالموضوع هدا واي مساعدة انا تحت امرك وانا اشكر الموقع العرب المسافرون الي خلان نساعد بعض ونتواصل ونعرف ببلدنا المغرب وشكرا

شوف يالحبيب.. انا رحت لها مره.. واذا تبي سياحة نصيحة روح 3 ايام اغاير (ليلتين بس)و4 ايام مراكش اهناك وناسة اكثر. يعني في اماكن سياحية تبي العصاري تستانس تطلع تتمشى تروح اماكن وقهاوي... اغادير مافيها سياحة كثير.
يعني اذا تبي جدول انا واحد مااقدر افيدك بالبرنامج لأن انا ماشفت فيها سياحة ابد. الا اذا احد بيفيدنا هذا شي ثاني.
اما انا ماعرف. بس السياحة في مراكش عجبتني ووناسة وشي مرتب.. راقي.
واسمع نصيحة خيك .. لاتسكن فندق صحاري .. لاتسكن لو شنو يعطونك سويت مجدد على قولتهم انا رحت له على كلام الربع وماحسيت بالنوم والراحة الا في اماديل ماسكنت بالفندق الا ليله وحدة(بدون نوم).. روح اماديل شي نظيف واسعارهم ترا على 35 دينار فنادق الاربع والخمس نجوم في موقع booking ..
وعموما بالسفر قط فلوسك ولا عليك. اتمنى رحلة سعيدة لك ولصديقك.

هلا اخوي -- فنادق اغادير كتيره بس من وجهة نضري الاحسن في السعر والمعامله هم اماديل و فندق كنزي اوروبا موقع الفنادق ممتازوعلى الصرف اصرف دراهم من المطار اول ما تنزل في كازا وهذة اهم المواقع السياحيه في اغادير 1- شاطئ أكادير --2-الحديقة
المعروفة أيضا باسم حديقة العشاق هذه الحديقة الرومانسية تستقطب زوار من كل الأعمار لقضاء وقت في جو من الرومانسية، و في طبيعة خلابة وهي مجاورة لمتحف اقيم لإحياء ذكرى زلزال أكادير --3- وادي الطيور
حديقة حيوان مصغرة تهتم بكل أنواع الطيور و بعض الحيوانات الأخرى، تقع على بضع خطوات من الشاطئ، تجلب إليها الصغار و الكبار على حد سواء لما تقدمه من معلومات تخص الطيور و أنواعها و هجرتها4-ساحة الأمل
أهم ساحة بمدينة اكادير. ففيها تقام مهرجانات متنوعةالمهرجانات تعرف المدينة بتراثها الفني و الثقافي5-القصبة
المعروفة محليا ب "أكادير اوفلا" ومعناها القصبة الموجودة في الأعلى، وهي عبارة عن معلمة تاريخية حية، تجسد تاريخ المدينة
اخوك عادل

السلام عليكم
كيف حالكم ياإخوان إن شاء الله الكل بخير
دام بتروحون أخذوني معاكم محمول مكفول لاتخافون ترى ماراح أكلف عليكم
أنت ماحددت المبلغ اللي عندك بس فيه فندق أسم الفندق ( برج الجنوب ) في < تالبورجت > في أغادير الليله ب 190 درهم وفيه فندق ( أماديل ) ب 350 درهم
ياخوي إذا أنت بتروح أول مره أول ماتنزل من الطياره أصرف لك دراهم من الصرافات وراح تلقاها كثيره وأنزل تحت للقطار وخذ لك تذكره على أغادير من :: كازا :: إلى :: مراكش :: ومن :: مراكش :: إلى :: أغادير :: باالباص لأن مافيه قطار بينهم وتقدر تاخذ التذكره على طول جاهزه من المطار.
الأفضل أنكم تاخذوني معاكم أحسن.
تروحون وتجون باالسلامه آمين
الله يكتب اللي فيه الخير والصالح للجميع.

adel24
المعروفة محليا ب "أكادير اوفلا" ومعناها القصبة الموجودة في الأعلى، وهي عبارة عن معلمة تاريخية حية، تجسد تاريخ المدينة
اخوك عادل
لا تتعدى راي اخونا عادل24