رومانيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
MaML07
09-08-2022 - 05:54 pm
عندي رحاله إلى رومانيا في شهر أغسطس يوم 10 وراح اجلس تقريباً 15 يوم وأعاود بعد ذالك إلى تركيا واجلس فيها 5 ايام وابي منكم اجاوبون على إستفساراتي :
1- ماهي الميزه بين مدينه وأخرى ؟ وما هي المدن الساحليه ؟
2- أين توجد افضل الفلل في رومانيا ابي عناوين ؟
3- وش رايكم في الجبل الأسود وماهي الميزه فيه وهل توجد فيه فلل؟
4- وابي رقم مرشد سياحي ممتاز!
5- وماهي اغلب الجنسيات العرب هناك؟
6- وهل تنصحون بأخذ اللحم من المصالخ او شراء خروف وذبحه ؟
وشاكرين لكم حسن تعاونكم وهذا الشي ما هو غريب على أعضاء المنتدى العرب والمسافرين


التعليقات (9)
نــجــد
نــجــد
أضم صوتي لصوت الأخ maml07 على اسئلة عن رومانيا لأنه أنا نفس الشي رحلتي في بداية أغسطس :
1 - ماهي وسائل التنقل هناك ؟
2- وش الأماكن السياحية هناك بالاضافة إلى الطبيعه والشواطئ ؟
3- هل الديرة أمان وخصوصا الشقق والفلل خارج الفنادق ؟ واذا فيه مناطق سيئة أمنيا ياليت تقولون لنا عنها
وشكرا لكم يا أعضاء هذا المنتدى الرائع

MaML07
MaML07
يا الأعضاء لي الحين يومين ولأ احد رد على ولأ على اخوي نجد !!!

ولهان ومسير
ولهان ومسير
  1. عزيزي السلام عليكم ورحمة الله وبركاته

  2. http://www.pixton.org/TomsRomaniaMap.html

  3. اما المدن الساحليه:

  4. بالنسبه للجبل الاسود:

  5. وتذاكر القطار في الدرجه الاولى مايتعدى 25 دولار.

  6. اما المرشد السياحي:

  7. تقدر تميزهم عن بعضهم بوجود سعر رمزي قدره ما بين 6000 الى 9500 lie


عزيزي السلام عليكم ورحمة الله وبركاته

انا من رواد رومانيا كنت فيها في شهر september , 2004 وقضيت شهر كامل.. كما اني في شهر january, 2005 قضيت فيها 15 يوم.. و ازيدك من الشعر بيت في شهر april, 2005 قضيت فيها 18 يوم.. و لاني متشوق ومسحور برومانيا فأنا نويت ان شاء الله امشي August, 2005 و اقضي 18 يوم..
اما عن الفرق بين المدن فلا تشغل بالك, لانك ما راح تمل من الديره وقراها وجبالها وسهولها وسواحلها.. يا عزيزي بوخاريست مشهوره في المنتزها الكبيره و الجميله ومنها المنتزه الي يسحرك بجماله قبل غروب الشمس بدقائق هو (طبعا" في اللغه الرومانيه) PARC HERASTRAU INTRAREA DE LA PAVILIONUL H.
ادري شوي صعبه بس تقدر تكتبه في ورقه وتعطيه اي تكسي وهو راح يوصلك له.. بس تأكد انك تاخذ الورقه منه, لانك حترجع وانا اضمن لك ذلك.. كما هناك منتزه (لايحضرني اسمه) بس انه قريب من مبنى البرلمان (قصر ابيض كبير) وفيه ضريح شهيد كما يقولون (Unknown hero) يمكنك الاستدلال به او كما اتوقع انه PIATA BUZESTI POLIZU LANGA EUROLINES . فهناك وبكلا المنتزهين قوارب للايجار بسعر رمزي جدا".. كما هناك المتحق الحي (هي منشأات عمرها اكثر من 150 سنه) لاتفوتك قسم بالله شي مو بصاحي.
و احب ان اضع هذا الرابط لزيادة المعلومات عن رومانيا.. كما ان الرابط يوضح جميع المدن و الجبال و المناطق وغيرها.. سوف ترى في الرابط صورة احد الابواب التي يبلغ

http://www.pixton.org/TomsRomaniaMap.html

اما المدن الساحليه:

فأنا رحت لكوستانتا وهي مديه تجاريه لوجود المواني فيها.. ولم اقضي فيها سوى اني شرب بعض القهوه في احد المقاهي المطله على البحر, ثم ذهبت الى مامايا فهي المنطقه الساحليه التي تكثر بها الفنادق حيث لايتجاوز سعر الغرفه في الليله عن 30 دولارا" فقط في عز الموسم. وهناك ايضا" منطقه ساحليه قريبه من مامايا بس انا ماجيتها لعدم الوقت الكافي من الاجازه.
بالنسبه للفلل في رومانيا اغسل ايدك ما تبي تحصل فله زي الناس.. اشجعك انك تسكن في شقق مفروشه قيمتها لا تزيد عن 50 بالميه و عن طريق الانتر نت ما تزيد عن 25 الى 30 دولار سوف ارسل الرابط اذا لقيته في ايميلي,, لاني اتوقع اني مسحته.
لاتحاول تسكن في فنادق النجمه الواحده او ثنتين. لان السرقه محتمله هناك.

بالنسبه للجبل الاسود:

فما اكذب عليك اول مره اسمع عنه, بس انا جيت اكثر من جبل منها جبل براسوف وجبل سينايا,, فيها فلل على كيف كيفك ورخيصه وسعرها 30 دولار امريكي طبعا".. تروحلها عن طريق بوخاريست في القطار تبعد حوالي ساعه ونص الى ساعتين الا ربع. وياريت انك تروح وتركب باالتلفريك فهناك مناظر مومعقوله.

وتذاكر القطار في الدرجه الاولى مايتعدى 25 دولار.

اما المرشد السياحي:

يبيلك يا عزيزي تتكلم اللغه الانجليزيه وتطب بحلق اقرب واحد يتكلم انجليزي وتتفق معه وتكون مرتاحله من اول نظره. (نفسي اعرف كيف تحظون الوجه الي يغمز). خلك ذيب.. للمعلوميه ترى كل سفرياتي لرومانيا وغير رومانيا لحالي ما معي احد..(عشان اريح بالك بالي يقول والله ان تزهق اذا رحت لحالك).
بالنسبه للاكل:
فانا مليت اكلهم لان معطم اكلهم ( خنزير اكرمكم الله) واسمه بالانجليزي (pork) وهو معروف عندهم بهذا الاسم.. لذي يجب عليك ان تسأل عن نوعية اللحم..
طلعت مره لقريه تبعد عن بخاريست 45 كم وشريت خروف.. طبعا" هناك مو زي عندنا سعره بخمسميه ونت طالع. وسألته عن السعر قال مو الحين ( طبعا" حسبته اعطاني الخروف بلاش)
اخذت الخروف وذبحته وصلخته وطلعت كرشه وقطعت راسه عن جسمه وقطعت ايديه ورجليه, فما بقى الا اللحم بس.. جا اخينا وجاب معه خطاف وزن,, وزن الذبيحه الي تسوى عندنا الخمسميه وزود وقال ابي حق الذبيحه ما يعادل 110 ريال بس.. اعطيته الفلوس وفوقها الكرشه و الراس وبغى يغمى عليه من الوناسه..
ارجع لسالفة اللحم.. عزيزي انصحك يكون اكلك كله اكل بحري و دجاج فقط.. تجنبا" للمشاكل.
كما احب ان انوه على جميع الراغبين في الذهاب الى رومانيا ان يركب تكسي عام مو خاص يعني يسأل قبل يحط رجله على التكسي( Special taxi ) و اذا مافهمك السواق قله ( Privet taxi ) , ترى كلهم يتشابهون وبنفس اللون..

تقدر تميزهم عن بعضهم بوجود سعر رمزي قدره ما بين 6000 الى 9500 lie

وتكون ملصقه على البابين الاماميين للتكسي..وهذا التكسي الزين.. غير كذا لا تركب مع اي تكسي اذا ما عرفت تسعيرته.
مره طلعت مع تكسي خاص( ماكنت ادري طبعا") من المجمع الى شقتي طبعا" السعر عارفه وهو ما يقارب دولار ونص. فطلب مني 15 دولار!! طبعا" انا بعطيه لاني ماني رايق للمشاكل هناك. وصدف ان جارتي كانت نازله وهي ظابط برتبة نقيب.. شرحتلها الوضع ان الرجال ما قالي ان التكسي خاص.. فمرمرته شوي قدام الله وخلقه وذلف حتى الدولار الي ان بعطيه قالتلي لا تعطيه ولا سنت(زي ما نقول حنا ولا هلله). فا اقولكم انتبهو من التكاسي الحراميه.
يا عزيزي والله ان الكلام يطول على هالمدينه.. لكن اذا كنت جازم تمشي لرومانيا وتبي سوالف مطوله.. كبر وسادتك وارسل ما لديك من اسئله.. وابشر..
اقول ترى ما تكلمنا عن الثلج وعن الانهار وعن القصر الملكي وعن قصر البرلمان وعن المجمعات وعن النوادي الرياضيه وعن الميزانيه وعن........... وعن .........وعن.....الخ

نــجــد
نــجــد
ياسلام عليك يا ولهان ومسير والله أنك تثلج الصدر بسواليفك

نــجــد
نــجــد
صح يمكن الأهم بعد من أسئلتي كلها أنك تتذكر الإيميل حق حجز الفنادق الله لا يهينك
وشكرا

ولهان ومسير
ولهان ومسير
  1. بسم الله الرحمن الرحيم

  2. إما عن الفيزا فأنا افضلك تطلع في فيزا متعددة الدول(Multi visa)

  3. ..وافضلك انك تاخذها من السفاره الرومانيه..

  4. بالنسبه للاجازه وعدد الايام الي تبي تقضيها هناك:

  5. بالنسبه للفنادق:


بسم الله الرحمن الرحيم

احب ان انوه لجميع المسافرين انه قبل لايطلع من الشقه او الفندق انه يكون معك عنوان المنطقه+اسم السكن +تلفونهم.. وقبل تركب التكسي يجب عليك حفظ رقم التكسي الي مكتوب على الباب او الي موجود داخل التكسي.. يعني يمكن يضيع لك شي.. تقدر تحصله بسرعه.
عزيزي نجد.... حاولت ارسلك رساله خاصه بس اتوقع ان المنتدى ما اتاحلي الفرصه..
على كل حال لم اذهب الى بلغاريا من قبل, لكن عندما كنت في constanta على شواطي رومانيا قالي المرشد السياحي (الخاص فيني ) وش رايك نروح لشاطئ بلغاريا بالقطار, وستدليت ان هناك قطار يطلع لبلغاريا الساحليه.. كما استدليت من هذا الموقع الذي يدل على ان هناك قطار يطلع لبلغاريا الساحليه من constanta.
http://www.un.org/Depts/Cartographic/map/profile/romania.pdf#search='map%20of%20romania'

إما عن الفيزا فأنا افضلك تطلع في فيزا متعددة الدول(Multi visa)

..وافضلك انك تاخذها من السفاره الرومانيه..

بس لازم تتأكد من الدوله الي تبي تزورها بهذي الفيزا.. لان بعض الدول تقدر تدخلها مره واحده فقط.. يعني اذا طلعت من بلغاريا ورحت لرومانيا ما تقدر ترجع لبلغاريا مره ثانيه.. لانها (one entry visa) يعني لازم تكون ما خذ احتياطاتك من العوده الى بلغاريا..
يا اخي اتوقع انك تقدر تاخذ فيزا من رومانيا لبلغاريا.. وانا ما ني متأكد. امس ارسلت للسفاره البلغاريه على ايميلهم اسأل عن الفيزا اذا اقدر اخذها من رومانيا. و الى الان ماردو.. اذا ردو ابرسلك رساله على المنتدى.
على كل حال انا رايح ان شاء الله لرومانيا على الخطوط التركيه من البحرين في اليوم الاول من August وراح اقعد في constanta ما يقارب 9 ايام واطلع لبلغاريا 8 ايام. ان شاء الله.
بس اخوي نجد التذكره طلعت علي اكثر من بيع السوق سعرها العام كان 2250 وسعرها هالسنه مع العلم اني طالع مرتين كان 2200 شامله الضريبه.. بس الحين طلبو علي 2925 ريال شامله الضريبه!! وش سالفتهم؟؟!!

بالنسبه للاجازه وعدد الايام الي تبي تقضيها هناك:

صدقني راح تتمنى ان تكون اجازتك سنه.. بشرط انك تخطط بنفس التخطيط حقي.. انا ما ادري اذا عندك لغه انجليزيه حليوه ولا لا؟؟؟!! وما ادري بعد هل انت جيد في عالم الانترنت؟؟!! لان التخطيط الي سويته انا قبل امشي اني دخلت على خريطة رومانيا وشفت المناطق الجبليه وركزت على السكن هناك وكيف نظامه وكم سعره وكيف الوصول للمنطقه.
عزيزي بوخاريست العاصمه ما يبيلك تقعد فيها اكثر من 5 ايام.. ما اقولك انها ممله لكن انت تبي شي جديد شي غريب في سفرتك هذي.. لذا خذ مني التخطيط
1- من 3-5 ايام في العاصمه مابين منتزهات مجمعات تجاريه مطاعم ومتاحف وحدايق حيوان اكرمكم الله.
2- تطلع بالقطار الساعه 7:30 صباحا" من العاصمه الى جبال بالتينس 120 كم ( paltins ) وتقعد فيها 3 ايام طبعا" تمر قصر الملك حقهم هناك و اسم القصر بالانجليزي( Palace king ) لاني ما اعرفه بالروماني.. شوي صعب علي. كما ان هناك تلفريك كبير مره تطلع فوق وتروح للنبع وتغدا في الفندق فوق ( على ارتفاع 3000 متر عن سطح البحر) وتقدر تنزل على الاقدام من الجبل الى المدينه( قسم بالله ماراح تنساها طول عمرك) وش شلالات وش طيور وش اشجار.. اشياء بتاخذ العئل (مثل مايقلون اخواننا اللبنانيين)
3- تطلع بالقطار من بالتينس الى جبال باراسوف ( barasov ) تبعد 45-50 كم من بالتينس.. وتقعد فيها 3 ايام.. تطلع بالتلفريك.. وارتفاع القمه تقريبا" 1500-1900 متر عن مستوى سطح الجبل الي تنطلق منه.. لان باراسوف في ضل الجبل و تطلع منها باص مدة ثلث ساعه ونت تطلع الجبل.
4-تحاول تطلع بمني باص( mini buss) تحصلهم عن محطات القطارات تروح عن طريق الباص لبخاريست.. ليش انا اخترت تطلع بالباص؟؟؟ !!! يا عزيزي الباص يبي يمر على كل القرى ويوقف فيها 10-15 دقيقه او اقل تقدر تشوف الاماكن الخلابه داخل كل قريه تقدر تنزل وتصور.. كما انه يوقف عند البازارات (الي يبيعون على الشارع) وتقدر تشتري اي شي وبسعر رخييص جدا.. لايضحكون عليك الرومانيين.. اذا قالو السعر بكذا!! عطهم ربع السعر او نص السعر.. ترى هم ربحانين لو يبيعونه بربع السعر.. ( لايفوتك المساج حق الرجلين اكرمكم الله) تراه مايتجاوز 100000 lie يعني ما يتعدى 9 ريالات.
5- ريح في بخاريست 2-3 ايام ثم توجه لكوستانتا (constanta ) طبعا" كل سفرياتك في قطار.. خذ تكسي من محطة كوستانتا و اتفق معه بإجار يومي ( مايتعدى 40 دولار) خله يوديك للمدينه وتاخذ فره عليها ولاتنسى تمر عالم الاسماك قريب من قصر القمار (Oasis constanta) على البحر.. تغدا في كوستانتا ثم تتجه لمامايا تبعد 10دقايق من كوستانتا. وتسكن في احد الفنادق سعرها ما يتجاوز 40 دولار في الموسم هذا.. تريح تاخذ شور تغير ملابسك للملابس الفضفاضه (شورت تي شيرت كاب) احس اني حضري على الاختيار هذا.. تبي تسألني ليش البس هذي الملابس؟؟!! ابي اقولك مدري كذا طقت براسي..
بعدين تقول للسواق ياخذ فيك فره مرستكه في مامايا لا تتعدى نص ساعه.. ثم تروح للملاهي المائيه وتنبسط هناك ثم تروح للتلفريك ثم تروح.........ثم تروح........ ثم تروح........ على كيفك انت اذا وصلت هناك تقطع عمرك ما تدري وين بتروح. لاتنسى انك تقعد في مامايا 3-5 ايام, حاول تروح للمنطقه الساحليه الثانيه تبعد حوالي 15-30 دقيقه بالسياره.. ماصارلي فرصه اروح هناك.. المنطقه هناك يقولون حلوه.. حاول تاخذ يومين هناك..
عزيزي نجد انا قعدت اسبوع في كل منطقه ذكرتها لك و انت بكيفك (ولولا اختلاف الرؤيا لبارت المناطق) اشهد اني خطير.

بالنسبه للفنادق:

ما اشجعك انك تسكن فنادقهم,, لانها بلحيل غاليه.. لذا يبيك تشوف شقق مفروشه ارخصلك عن طريق الانترنت وتسوي صوره من اسم المنطقه ورقم الهاتف وتحطها بجيبك عشان اول ما توصل المطار استعمل التكاسي الخاصه بالمطار وهي (Sky Tixi) لاتستعمل اي تكسي ثاني حتى لو انه رخيص انتبه تركب مع اي واحد بسياره خاصه او بتكسي مو للمطار.
كما لايفوتني انه يجب عليك ان تحمل معك كاش 2200-2500 دولار تخولك تدخل رومانيا.. لان اذا ما معك هذا المبلغ ماراح يدخلونك..
قبل لا انسى وللاحتياط حاول انك تصور صوره لجوازك وتخليه معك طول الوقت و تحط معك مبلغ صغير في جيبك حق يومك بس اكل+تكسي+تمشي.. وتخلي الفلوس الباقيه و الجواز في مكان اأأأمن في الشقه.. مثلا" تحت التلفزيون او فوق المكيف او تحت الغاز اي باي مكان تشوفه اأأأمن.. انا والله ماشفت منهم شي.. بالعكس كانو يرحبون فيني ويبتسمون وهذا الي ندور لراحتنا..
والله النصائح للمتعه و الحذر واجد بس احس ان اصابعي انشلن من التعب
واذا عندك شي اسئل وانت تبشر..
هذا ودمت لنا بالف خير
اخوك (ولهان ومسير)

k999k
k999k
الله يعطيك العافية ياولهان ومسير
بس برضه طماعين نبي المزيد تكفى
أنا ناوي أطلع بعد 20 يوم ان شاء الله
وأبي المزيد من المعلومات
أخوك / خالد

طير حوران
طير حوران
ولهان ومسير
عزالله انك دليلة خصوصا موضوع التكاسي الخاصة...تحياتي
http://www.inyourpocket.com/romania/en/

khalidyf
khalidyf
اخ ولهان ومسير انا راح اطلع معك بنفس الرحله يمكن استفسر منك بعض الاستفسارات مع اني سبق وان سافرت لرومانيا


خصم يصل إلى 25%