هذه بعض النكت باللهجة المصرية وأعجبتني وحبيت أنكم تشاركوني ظحكتي.
ويارب تعجبكم:
1-مرة واحد بيموت جمع أولاده كلهم علشان يوصيهم فنادي علي أكبرهم وقال له
:- أمسك عود الحطب ده وأكسره ، الولد مسكه كسره ، قاله أمسك عشر وأكسرهم ،
مسكهم كسرهم ، الأب :- أمسك 100 عود وأكسره ، الولد مسكهم وكسرهم ، فرد
الأب وهو ينظر لأولاده الأخرين : طول مامعاكم الاسد ده مايتخفش عليكم
2- مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى!!!
3- واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
5- واحد حانوتي ربنا فتحها عليه و فتح محل فكهاني..كل يوم في المحل يقعد ينادي :الموز علينا حق
6- واحد واقف أمام محل عصير ومعهوش غير 25قرش قال اشرب عصير ولا اركب
الأوتوبيس لو ركبت الأوتوبيس يا هقف يا هقعد، لو وقفت مش مشكله لو قعدت
هقعد جنب راجل أو ست، لو, راجل مش مشكله لوست يا هتبقي حلوه أو وحشه، لو
وحشه مش مشكله لو حلوه هطلبها للجواز، لو رفضت مش مشكله لو وافقت هدفع لها
مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن.
7-حشاش بيقول لصاحبه:
انا حلمت امبارح أننا بقينا فنانين .. أنت فنان تشكيلي ..... وأنا فنان أشكيلك
8- أتنين سكرانين نفسهم يلعبوا كورة ، أتفقوا أن أول واحد هيعدي هيقطعوا راسه ويلعبوا بيها
فواحد سكران برضه معدي الشارع ، فالأثنين وقفوه وقالوله : أحنا هنقطع راسك نلعب بيها كورة
قام الراجل السكران فاتح مطوته وغرزها في دماغه وقال : دي انا أفسيها ور تلعبوا بيها
9- صعيدي سافر بره واتعلم الفلسفة ولما رجع البلد حب يفلسف علي الصعايدة التانين ، فقال صاحبه فقاله
الفيلسوف : أنا بيت فيلسوف كبير
صاحبه : طب متعلممني أيه هيا الفلسفة
الفيلسوف : عندكم كلب ؟؟
صاحبه : آه
الفيلسوف : يبقي أكيد عندكم بيت للكلب
صاحبه : آه
الفيلسوف : يبقي أكيد عنكم جنينة
صاحبه : أه
الفيلسوف : يبقي أكيد عندكم فيلا
صاحبه : أيوه
الفيلسوف : يبقي أكيد أبوك غني
صاحبه : أيوه
الفيلسوف : وطالما أبوك غني يبقي أمك مش رقاصة
صاحبه عجبته حكاية الفلسفة دي قوي ، قام رايح لصعيدي تاني وقاله انا فيلسوف الصعيدي التاني قاله طب علمني الفلسفة
صاحبنا : عندكم كلب
الصعيدي التاني : لا
صاحبنا : تبقي أمك رقاصة
10-نساء العالم اتحدن وقررن انهم مش هيعملوا أي حاجة من واجبات البيت.... وبعد اسبوع اتقابلوا
عشان يعرفوا النتايج
الزوجة الفرنسية: انا قلت لجوزي ميشيل انا مش هعمل حاجة في البيت الاسبوع ده كله
وقالت أول يوم ما شفتش حاجة وتاني يوم ما شفتش حاجة وتالت يوم بدأ يغسل ويمسح وقالي انتي بتتعبي خالص يا مراتي يا حبيبتي
الزوجة الانجليزية: انا قلت لجوزي انا مش هعمل حاجة خالص في البيت الاسبوع
ده اول يوم ما شفتش حاجة... تاني يوم بدأ يعمل الاكل تالت يوم غدانى
وعشانى بره
الزوجة المصرية: انا قلت لابو العيال انا مش هعمل حاجة في
البيت الاسبوع ده اول يوم ما شفتش حاجة تاني يوم ما شفتش حاجة... ثالت يوم
ابتديت أشوف شوية بعيني الشمال