★SHINee★
10-12-2022 - 08:10 am
السلام عليكم
انا ناويه اروح كوريا الجنوبيه/سيول
وكان في بالي اساله متعلقه بالسفره
نبدا:
1 هل التكاليف غاليه جدا او انها بالمقارنه مع الدول العربيه(السعوديه) فتكون اغلي ؟ وهل يمكن التعود على الاسعار هناك((لانو انا مطوله))؟
2- انا عندي لغه كوريه بس مو مره كويسه يعني اقدر اوصل المعلومه(هل يمكن الاستفاده من هاذا)؟
3- هل الناس في كوريا يعاملوك كانك واحد منهم(او لا) ؟
4-كيف اقدر احصل على الجنسيه الكوريه؟
5- كم قيمه الشقه في كوريا ؟
6-هل الاكل والمطاعم غاليه او متوسطه ؟و ما اكثر الاكلت الموجوده ؟
7- كم سعر التذكره من الرياض لكوريا وهل في وقفات لطايره مثلا(( انو توقف في تايلند اوشي مثل كذا))؟
8- هل يوضفون الاجانب يعني مثلي فى البنك او شركه ؟
9-هل العيش في كوريا صعب ام سهل ( يعني راح اتعود على الناس ولا لا )؟
10-هل يوجد هل يوجد مسلمين في كوريا يمكن التواصل معهم ؟
11-كيف يكون الجو في كوريا ((الى اعرفه انها بارد دايما هل هاذا صح ))؟
معليش الاسئله كثيره / علشان يستفيدو الناس وانا
(((ادعو لي ربي يسهلي واسافر باذن الله)))
1- بالنسبة للتكاليف تعتبر طبيعية وارخص من امريكا والدول الأوربية . وتعتبر مصروف في اليوم معتدل لو كنت لسياحة للشخص 50 دولار شاملة التنقل والأكل
لكن العيشة العادية في كوريا مو غالية كثير وتعتبر اغلى من الدول الخليجية بنسبة توصل الى 15 %
2- بالنسبة للغة حتى لو كان معك اساس يصعب التعامل مع الشعب في التفاصيل اما لو بقيت تمشي امورك عادي وسهله . ويمكن تواجهك صعوبة لو كنت مو مطبق الي تعلمته مع الشعب لأن النطق عندهم غير ويدققو في النطق ولو تغير بسيط ما يفهمو لك
3- ما يختلطو مع الأجانب ولا يتقبلوهم كثير . يعني ما يعطوك وجهه ولا كنهم يشوفوك ولو سئلتهم يجاوبوك على قدر السؤال . ولهم نظرة سيئة عن المسلمين والمرأة المحجبة. ويقدسو الأجانب الإمريكان والأوربيين .
4- من الصعوبة الحصول على الجنسية الكورية إستحالة .. حتى لو كنت مولود في كوريا ما تاخذ الجنسية بس يعطوك فيزا خاصة وتقدر تدخل كوريا اي وقت لكن الجنسية مستحيل ولو تزوج كورية ما يعطوك جنسية .
5- السكن معقد ويبقاله فلوس كثيرة ويعتمد على نوعية السكن يعني الغرفة الصغيرة جداً تترواح بين 1500 ريال شهريا الى 2000 ولو بقيت شقة غرفتين تكون ب3000 ريال مع وجود التأمين في الحالتين لو شقة صغيرة أو غرفة والتأمين غالي يترواح بين 35 الف الى 50 الف الى 100 الف ريال سعودي وما تقدر تاخذ التأمين الا مع انتهاء العقد وعادة العقود توقع لمدة سنتين ومشكلة التأمين تدفعه على الفاضي يعني تاخذ شقة مو مؤثثة واحيان تكون مؤثثة حسب الي تطلب ويزيد قيمة التأمين لو كانت مؤثثة
طبعا لو كنت بتدرس في جامعة يكون السكن مع الجامعة ومشترك وترتاح من التأمين وعادة يكون سكن الجامعة مع شريك روميت يوصل الى 1500 ريال
6- الأكل الحلال غالي ومو متوفر الا في منطقة وحدة اسمها اتيوان ولو كنت حاب طبخ متوفر في المنطقة جميع اغراض الطبخ من رز هندي ومن لحم ودجاج حلال وكل شيء في بقالات قريبة من المسجد الإسلامي في منطقة إيتيوان. الأكل في المطاعم الحلال تتراوح الوجبة بين 45 ريال الى 70 ريال غداء وفيه كثير من المطاعم الهندية والتركية وثلاثة مطاعم عربية والعشاء الشاورما الواحدة 15 ريال والفلافل الواحدة 15 ريال
بالنسبة للأكل الكوري رخيص تقريبا الوجبة غداء 15 ريال وفيه وجبات كثيرة تقدر تقول لهم بدون لحم وفقط خضراوت بس يبقالك تتفاهم وياهم بالكوري.
7- بالنسبة للتذكرة فقط تجي الى كوريا عن طريق الإماراتية من البحرين الى الإمارات سيئول ب4000 ريال رايح جاي والقطرية ارخص بقليل لكنه يروح الى اليابان وتجلس ساعة بعدين الى سيئول والرجعة نفس الشيء سيئول اليابان وانتظار ساعة وبعدين قطر والى السعودية وباقي الطيران الدولي لكن انتظار في هونكونج وتايوان واليابان والطيران السعودي للأسف مو متواجد رحلة الى سيئول
8-لست متأكد لكن التوظيف يبقاله لغة كورية او انجليزية وفيزة العمل لا اعلم طريقتها
9- العيش يعتمد على تاقلمك بس صدقني الشعب الكوري منقلق بشكل والتخالط معه يبقاله واحد يغط وجهه وتكوين الأصدقاء صعب لأن الشعب الكوري مشغول دائما ويبحث عن الفلوس بأي طريقة .. وخلني صريح شعب عاداته وتقاليدة تهتم بشكل كبير بالسهر والشراب ....
10- يوجد مسلمين لكن بنسبة قلليلة وبالكاد تصادف في اليوم اجنبي فمابالك تبي مسلم .
11-كوريا تمر عليها الفصول كلها وتحسب هكذا
1-3 شتاء قارص وثلج وتوصل الى -25 (لا ينصح )
4-6 ربيع تصل درجة الحرارة تتراوح بين -4 الى 10 والمطر نسبي بمعدل 30 بالمئة (ينصح بزيارة كوريا)
7-9 صيف تتراوح بين 35 الى 20 وامطار كثيرة بمعدل 70 بالمئة ورطوبة بس مو مثل رطوبتنا (لا ينصح )
10-12 خريف تتراوح بين 15 الى 0 واحيان - 3 والأمطار خفيفة بمعدل 20 بالمئة (افضل الفصول )
اتمنى وفيت في الإجابة حسب نظرتي الخاصة وكل شخص له نظرته الي تختلف وبنية النظرة حسب اقامتي في كوريا لمدة سنة
واي شيء انا في الخدمة ومتواجد في سيئول