- السلام عليكم ورحمة الله وبركاته
- كل عام وانتم بخير ,,,, على قولة اخواننا المصريين
- طبعا برنامج رحلتنا كان كالتالي :-
السلام عليكم ورحمة الله وبركاته
كل عام وانتم بخير ,,,, على قولة اخواننا المصريين
الحمد لله رجعنا بالسلامه من القاهرة بس صراحه كانت من اجمل سفراتنا لمصر للمعلومية انا سافرت اكثر من 18 مرة لمصر الحبيبة بس سفرتنا هذي غير اولا لاني زرت الاسكندرية صراحة ندمت اني مازرتها قبل يالله على الكرنيش شئ خيالي رغم برودة الجو لكن ممتع جدا جدا جدا
الشئ الثاني انا اول مرة احصل شقق فندقية مثل نظام الشقق الي عندنا شقق توهم فاتحينها لمستثمر من عمان بس صراحه شئ خيال نظافة امن ,,, ياسلام ,,, وهي طبعا تصلح للعوائل وخاصة العوائل الخليجية ,,, واحلى شئ كان يوجد مقهى جديد جمب الشقق قمه جلسته رايقه ( خاصه للي يحب المعسل والشيشه ) وطبعا فيه مطعم خيال قمه فوق الي تتخيله انا جلست في الشقق الفندقية عشرة ايام بس خسارة ماعرفت المقهى هذا الي في الثلاث ايام الاخيرة (خسارة
المهم الاجواء كانت شوي باردة بس ممتعة صراحة مصر حلوة في الصيف او الشتاء بس انا احب اسافر لها دايم في الشتاء لسبب مهم وهو انها ماتكون زحمة زي الصيف والاسعار تكون مناسبة
طبعا برنامج رحلتنا كان كالتالي :-
اقلاع رحلتنا من مطار الرياض على الخطوط السعودية الساعه 7.4 صباحا ( بس المشكلة كنا مواصلين من فرحة السفر ) ووصلنا مطار القاهرة الساعة 9.30 بتوقيت مصر ( يعني كسبنا اليوم من اوله ) طبعا نعسنا شوي بالطيارة او كما يسميها زميل السفر ابو دانه ( الماسورة ) وذلك لصغر الطائرة md90
المهم وصلنا مطار القاهرة وكان بانتظارنا ابو احمد ( سائقنا ) بوجهه المبتسم دائما صراحه انا صارلي كم سنه متعامل معاه اول مره احصل انسان بامانته واخلاقه الله يجازيه كل خير
المهم بعد السلام والاحضان انطلقنا بالسيارة وقررنا البحث عن سكن جديد غير الشقق او الفنادق الي سكنا فيها اول وقررنا البحث هذه المرة في المهندسين لاننا اول كنا نسكن اما في مصر الجديدة او مروطية الهرم وكلها بعيدة عن وسط البلد وشارع جامعة الدول العربية ,,,,,,,,,,,,, المهم مرينا كم سمسار وشفنا كم شقه بس للاسف كلها ماتصلح للسكن لعدم نظافتها وقدم اثاثها المهم ماحصلنا شئ وزهقنا وطفشنا وقررنا الرجوع لمصر الجديدة بس جاء على بالي الشيشة وقلت لصاحبي ايش رايك نروح نجلس في كوفي شانتي منها ناكل شئ ومنها نعدل المزاج براس معسل
المهم رحنا للكوفي وجلسنا وعزمنا على سوقنا ابو احمد يجلس معنا المسكين فر فينا من الصبح والحين الوقت بعد العصر يعني روسنا خلاص مافيه تركيز
المهم ابو احمد اتصل على واحد لعل وعسى يحصل عنده شقه ترضي ذوقنا وقال بروح نص ساعه وبشوف شئ زين لكم ( على فكرة تراه مو من النوع الي يسمسر عليك ) المهم رجع ابو احمد وقال لازم تجوا معي بسرعه المهم رحنا معه وشفنا الشقق وطحت انا عندها من اول نظره شقق نظام فندقي مثل نظام الشقق الي عندنا صراحه اعطيها ( 5 نجوم ) المهم عندهم شقه غرفه مع صالحه ومطبخ نظام امريكي ودورة مياه والنوع الثاني شقه 2 غرف نوم و2 دورة مياه ومطبخ نظام وصاله مكيفات اسبلت حار بارد واهم حاجه الاصنسير جديد وواسع ويوجد عندهم اثنين يعني وسريعات يعني مو لازم تنتظر المصعد وصل او لا ,,,,,,,,,
المهم سئلنا عن السعر وقال لنا مدير الفندق ( هندي الجنسية ) 350 جنيه وبعد الخصم 300 صراحه شقه تستاهل مايحتاج كلام وقعنا كرت وعطيناه صور الجواز وحجزنا 10 ايام دفعنا مقدم 600 جنيه والباقي دفعناه في اخر يوم قبل الذهاب للمطار ,,,,,, لو مو حرام كان فركنا ههه بباقي الايجار ههه
نرجع لحديثنا طبعا ريحنا ساعتين في الشقه استعدادا للخروج والتمشي لاننا على قولة زميل السفر ابو دانه حنا مو جايين ننام ههه
المهم الساعه 10 في المساء حسينا بالجوع ومايحتاج تلفون للسائق يجهز لنا السيارة وعلى فرحات ( حمام محشي ) مايحتاج على كيف كيفك
يتبع ,,,,,,,,
و منتظرين باقي التقرير ،
و الف شكر .
تحياتي ،،،