هلا فيكم .. الجدول حق منو؟؟
عالعموم اتشرفنا فيكم اخواتي الكرام .. واحنا بالخدمه ان شاء الله
لكن احب اعرف بالاول كم شخص ؟؟ والميزانيه ؟؟ ووسيلة النقل ؟؟
واكيد انكم حاجزين على الخطوط السعوديه لهذا اخترتم فرانكفورت .. لكن بشكل عام اختيار فرانكفورت بلد الوصول والمغادره يصعب الجدول كثيرا .. اذا كان المراد الريف النمساوي .. لكن ممكن مع كثير من التنقلات .. وممكن نحتاج طيران داخلي لو تحبون ..
انا بنتظاركم اخواتي الكرام
ولكم تحياتي

تسلم على المرور اخي ابو عمر
الرحله لشخصين بالغين وطفلين ,,,,,,,,والميزانيه في حدود 30 الف بدون التذاكر ,,,,,, وسوف يتم استئجار سياره من فرانكفورت ,,,,,,,, لامانع من المرور على سويسرا والنمسا بشرط ماتكون المسافات طويله بين المدن المراد الذهاب اليها ,,,,,,,
وفعلا اخي العزيز الناقل الرئيسي هي الخطوط السعوديه لكن انحدينا عليها لان خط فيينا وميونخ السنه هذي ملغي ,,,,,,,,
منتظر ردك الكريم اخي ابو عمر ومانستغنى عن توجيهاتك

أنا من رأيي اذا انت ناوي على النمسا بس
احجز على اي خطوط اخرى والسعر اللي راح تحطه
بيكون اقل من السعر اللي بتتنقل فيه من فرانكفورت لان فرانكفورت اشوفها بعيده
تقبل مرووري

حياج الله اختي العزيزه ؟؟
سؤال اخير هل تم الحجز او في امكانيه تلغون التذاكر؟؟؟ ونغير الخطوط
لان كما قال اخوي جوسبي فرق سعر التذكره راح يكون اقل من التنقل من فرانكفورت الى زيلامسي وسالزبورخ وميونخ لانهم بعيدين بحدود 4 ساعات واكثر ..
انتظر ردكم وعلى اساسه نحدد؟؟

اخي ابو عمر لايوجد امكانية ارجاع التذاكر لانها على الv كلاس او تبديل او الغاء الحجز ,,,,,,,,وبالنسبه بالنسبه للتنقلات ماعندنا مشكله في بعد المسافات لان بصراحه القياده في اوروبا متعه وماتحس بالطريق ,,,,,,,,,,,, وبالنسبه لسعر التذكره بصراحه اخذتها بسعر خيالي لاني جربت خطوط اخري ووجهات اخرى لكن طلعت اسعارها غاليه مقارنه بالخطوط السعوديه ,,,,,,, وفي الاخير تم حجز سياره من فرانكفورت لتنقلاتنا ,,,,,,
تحياتي لكم جميعا ومنتظر ردكم

الله يحفظكم .. حجزتي وخلصتي .. ياريت لو رجعتي لنا قبل فعل اي شيئ .. لكن ان شاء الله خير ..ومن وين حجزتي السياره؟؟ استلامها من مطار فرانكفورت وتحبون اتسلمونه بنفس المكان ؟؟
المشكله الان انكم حجزتوا 20 يوم يعني ماتقدرون اتقللون الايام ؟؟... واريد اعرف هل السياره مشموله ب 30 الف ..
لكن قبل وضع الجدول احب تعرفين بغض المسافات ..
من فرانكفورت الى سالزبورخ النمساويه 5 ساعات والمسافه 535 كيلو بالسياره
من فرانكفورت الى ميونخ 400 كيلو والوقت 3 ساعات و45 دقيقه
يعني ميونخ بخط الذهاب والعوده فلازم تكون محطة توقف .. وانتم عندكم خيارين ..
الاول طبعا يوم راحه بفرانكفورت .. ومن ثم اما الانطلاق الى سالزبورخ 4 ايام مباشره وبعدها الى زيلامسي5 ايام ومن ثم الى ميونخ 3 ايام وبعدها الى فرانكفورت يومين للتسوق او 3 ايام ونخصص يوم لزيارة اوربا بارك.. هذا الافضل رغم التعب بين فرانكفورت وسالزبورخ
او فرانكفورت راحه يوم ثم الى ميونخ ثم الى زيلامسي ثم الى سالزبورخ وبعدها مباشره الى فرانكفورت او التوقف يوم واحد بميونخ للراحه ثم الى فرانكفورت..
طبعا اضافة سويسرا سوف يضاعف التنقل الكبير بين المدن وراح تكون اكثر تعبا ..
باقي المسافات بالسياره
من سالزبورخ الى زيلامسي ساعه وثلث
ومن زيلامسي الى ميونخ ساعتين ونصف
لكن بشكل مبدئ تحتاجون لزيادة الميزانيه ..