- وهنا كان جيعان ومستني الأكل..
بسم الله والصلاة والسلام على سيدنا محمد وعلى آله وصحبه أجمعين..
بدايةً أشكر جميع القائمين على هذا المنتدى من إدارة ومشرفين وحتى أعضاء على تفاعلهم المتميز وبذلهم الجهد في مساعدة فئة كبيرة من الناس دون أي مقابل سوى طلب الأجر من الله عز وجل وجزاهم الله خير الجزاء..
طبعاً في البداية راح أعطيكم نبذة مختصرة قبل بداية التقرير.. كيف تكونت فكرة السفرة إلى ماليزيا..
طبعاً كأي عرسان كنا نفكر أن نسافر لشهر العسل لكن ما الله أراد طبعاً هذا الكلام له تقريباً 5 سنين بس الرغبة كانت قائمة وتزيد مع مرور الأيام وخلال هذه الفترة أكرمنا الله بولد وعمره الحين تقريباً ثلاث سنوات .. أما تحديداً ماليزيا صراحة عشقتها من خلال هذا المنتدى الرائع ومن تقارير بعض الأعضاء المميزة اللي تزيد الحماس لهذا البلد المميز بكل ما تعنيه الكلمة.. أما كيفية تعرفي على المنتدى فكانت من تقرير الأخ المميز جامعي وتقريره الأكثر من رائع عن جزر المالديف اللي طبعاً حاطها في تخطيطي المستقبلي بإذن الله (دعاية مجانية للأخ جامعي )
المهم خططنا لسفر تخطيط مبدأي إنه راح يكون خلال فترة عيد الأضحي للسنة القادمة وطبعاً إختيارنا لفترة عيد الأضحى إنه في هذه الفترة أستطيع الحصول على تخفيض مميز جداً جداً للتذاكر من خلال المكان الذي أعمل فيه.. لكن ماذا حصل كي أسافر هذه السنة؟!!
طبعاً أنا كنت أتمنى إنه أسافر هذه السنة كأمنية فقط وبنية 5% فقط وسجلت إسمي كي أحصل على التخفيض لهذه السنة بدون نية للسفر وتفاجأت صراحة بقيمة التذكرة اللي كان غير عن كل سنة وبسعر رمزي جداً وكان موعد السفر بعد 6 أيام فكان قرار صعب جداً أحلاهما مر إنه أسافر وأنا مو جاهز بالمرة والوقت ضيق وحتى الميزانة حتكون أقل أو أصبر للسنة القادمة مع العلم إن ليا 3 سنين ما أخذت إجازة المهم قررت إنه أسافر وأتصرف بالوضع اللي فيه طبعاً بعد التشاور مع الزوجة العزيزة فكانت الأيام الخمسة الباقية موزعة بين المنتدى الرائع وبين المكاتب السياحية والأسواق والجوازات خ المهم كانت مشاعر مختلطة فرح على لخبطة وتوتر وحوسة وكمانً خلال هذه الفترة كنا محتارين نشيل أبو الشباب (ولدي) معانا ولا لا وفي نفس الوقت كنا ندور له تصريفة لكن مافي أمل وإضطررنا أن نأخذه معانا وكان أول قرار خاطئ ومرت الخمس أيام كأنها 5 دقائق وجاء موعد السفر اللي كان على النحو التالي:
الذهاب يوم الخميس 19/11/2009 والعودة الخميس 3/12/2009 (طبعاً هذا التوقيت كان إجباري)
وتخطيطنا كان 2 ليلة سلانجور و4 ليالي بيننق و4 ليالي لنكاوي و4 ليالي كوالا (طبعاً هذا كان تخطيط لكن مو شرط الواقع يكون زي ما هو مخطط له خ راح تعرفوا كل التغيرات في الخطة وحتى في وقت العودة إن شاء الله من خلال التقرير يعني حركات للتشويق..
أول نصيحة إنه إذا كنتوا مسافرين شهر عسل متأخر زي حالتنا أو تجديد وتبغوا تفلوا وعندكم أطفال أقل من 4 إلى 5 سنين مرة لا تشيلوهم لأنكم بصراحة راح تفقدوا 50% من حلاوة السفرة (أجواء رومنسية أنسوا .. ملاهي حتسوو شفتات واحد يلعب والثاني ينتبه للولد.. تنقلات شيل العربية وحط العربية وإذا بتطلع قطارات وكذا يعني فيها درج المهم ترجع من السفر وأنت ظهرك مكسور.. قروشة بزورة عاد حليب فراولة خ وحفايظ الله يكرمكم وفي عز الفلة يحتاج له تغيير خصوصاً إذا كان الولد نذل وغير الفشايل في الطيارة والأسواق وغيره وغيره وطبعاً راح تتأكدوا من كلامي من خلال تجربتي إن شاء الله..
طبعاً هذه نبذه قبل بداية التقرير اللي راح أنزله إن شاء الله قريباً وراح يكون إن شاء الله بالتفصيل من الفنادق والأسعار وطرق التنقل حسب ما أفتكر .. واللي حابب يحجز في آي بي ودرجة أولى يعجل في الردود والتشجيع خصوصاً إن المقاعد محودة
وهذه شوية صور لأبوا الشباب وأنتظروا المزيد في التقرير..
وهنا كان جيعان ومستني الأكل..
طبعاً نلعب بس وفار إذا بس سهينا عنه يروح يلعب بأي شئ وعنده إستعداد يخرب أي شئ (الله يحفظه) وشايفين الغطاء الأبيض اللي على اللمبة الأخ فك وحدة منها ورماها على الشجر وأنواع الإحراج ورحت ركبتها وأنا متفشل..
وطبعاً أي فندق لازم الجولة الإستكشافية على الدواليب والثلاجة والتلفون ويطقطق شوية على السيفتي بوكس إذا كان قريب منه..
وهنا عمنا في المسبح اللي رجنا فيه كل ما شافه قال مبح مبح ولازم كل يوم يسبح حضرته..
حتى في الليل أوقات يجبرنا ننزلة المسبح حتى لو كان مقفلين الأنوار وما فيه أحد ننزل نسبحه شوية..
هالله هالله في الردود والتشجيع وإنتظروني قريباً..
انا شهر عسلي كان في ماليزيا
على فكرة انا كنت مقيمة في ماليزيا فترة
و للان احن لها
ماشاء الله باين التقرير فيه اكشن
ربي يخليلكم اياه